Daniel 12:1 - ŊWÀʼ NYÙY

¹ Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Daniel 12:1 Referans Kwoze

Jeremia 30:7

Á virom eèy, kishiíy kin ki wíy a dzə kibiíbí féyì, kishiíy, a kee moo kíwun ki yòʼ dzə̀. Wíy a dzə ghán sé ŋgeʼ ye tavín e kfə́ə Jakoví wùn, yii bèy, aáwune wíy bòy fo fo.»

Matio 24:21

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy, e meé lèn. A bó á yòʼ dzəə́ wìy yen yìmòʼ moo yee shooy.

Maak 13:19

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy meé lèn. A bó yìmòʼ yòʼ dzəə́ wìy koóy yee shooy.

Daniel 10:13

Yii bèy, mò‑oò lòo wìy, nshìylav ndzə vitsə̀ʼ ye yì shiy kitúm kee Persia téʼtín mo fo m shaa. M shiíy fó kishiíy nshòv mòʼón e mbaà. Mayker wo dzəə̀n taà nshìylav Nyùy yìmòʼ wìy ji wun sə́ mo, bìʼ fo vé‑eè səərin mo e fòn woó Persia wòŋ.

Daniel 10:21

Yii bèy, bo m wáa lò, m yíi sàr e wò, áà kiíy kinyo kidzə̀m ke á saŋen é ŋwàʼ wo dzəə̀n wó kinyò ke ru kí. A ké mbìy ki, à kér fóo kiíy ji bó wìr yòʼ dzə̀ shó wo wù tóm mo e vèr à nshèelav sìn sí kinyò. Kù jòʼsì nshìylav Nyùy yee Mayker ye yì shiy wír vén.»

Ŋgaà Yen 12:7

Rə́r sí nèn lò, e sàsìn, e gbù e Nyùy wòŋ woó yuv. Nshìylav Nyùy ye kuʼùn ye á yoŋ ji Mayker báʼtí nshèelav sə́, wùn à kigàgǎʼsòŋ kiy ki tám.

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Ŋgaà Yen 20:12

M yén wír ve vé‑eè kpukin ne, aá tíy e shùu kàvàʼ, à ve kuʼkìné, à ve terií. Á nèn a mvə̀ʼtì aŋwàʼ, e dù, e mvə̀ʼ wúmóʼó, a dzə̀ wo vé‑eè saŋen yír sé wìr ve á wíy lùŋ sho. Á nèn a saʼ aŋkfə vìn, a leéy vinyo ve áwune‑eè yii a dzə̀ fó aŋwàʼ ve vé‑eè sáŋ sho, e bó a tinén.

Ŋgaà Yen 3:5

A kù dzə̀ mo á wíy màʼ ndzə̀y se fəvír sí e wìr wo wù só vinyo ve bi ví wùn, a bó m yòʼ wíy səʼsí yír ŋgaàŋ fo ŋwàʼ wo á saŋen yír sé wìr ve á wíy lùŋ sho. M wíy tiím e Tàr wor Nyùy wùn à nshèelav sə́ sí si, a suúy feyì ji wìr və̀n dzə̀ wóom.

Ŋwàʼ Luk 10:20

Yii bèy, lá vèn yòʼ a sheʼrí a dzə̀ anyùy ve á yú ven. Vèn wáa sheʼrí a dzə̀ ji Nyùy sàŋ ne yír sén é ŋwàʼ woó yuv.»

Daniel 9:12

À yiì ne kinyo ke wò‑oò suuy ji à wíy yiì e vèr aàtǎr saʼ vérí, e màʼ ŋgeʼ ye tavín e věr kitu. Á yòʼ‑oò ghàn ne màʼ ŋgeʼ e kirə̀ʼ é sar shùy fèn moo ye à màʼàn é Jerusalem.

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

Ŋwàʼ Jud 1:9

A bó yòʼ fə̀m dzə̀ Mayker wo dzəə̀n taà nshìylav Nyùy wù mùm bey. Yì‑iì dzə̀ é ghan se wùn Satan‑eè táŋ dzə́n Mooser, wù yòʼ‑oò lo mùm ji wun tín á kàʼ Satan. Wù kù‑uù suuy cáʼ jii, kù wíy saʼ Nyùy a wun.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

Efesor 1:21

Wù nèn a dzə kitú, a saʼ vifá ve ví dzəə̀n é yuv vidzə̀m, kìn dzə̀ nshèelav se Nyùy, kìn vitú vév, kìn kifá kímóʼ kí ke kí kér vitaáví é yuv. A ntaʼ və shaà antaʼ adzə̀m, kìn dzə̀ woó ndzə yee lèn, kìn woó ndzə ye yì dzəə́ wìy a wìy.

Ŋwàʼ woó Rom 11:26

A sì ghán sin se Nyùy wíy lì áwune é bàm, aáwune luŋ. A dzə̀ kíwun ke vé‑eè saŋen ji Nyùy suuy a jii: «Mfə̀ə́r wíy lò fo *Sion, e bìnèr wír veé ram Jakov adzə̀m, aá maʼti liì kisaŋ,

Esiker 13:9

«M yíi màʼ kiwó kém, e ghar aŋgàa ntum sho, ve á tiísi kinyo kisáŋ ji ghèm á mo ndzə, tiísí fú kimboʼtìi. Bó áwune yòʼ wíy nəə́ e wír vémé kitar. Bó á yòʼ wíy saŋ yír sév e wír veé Israyí ŋwàʼ kintaŋ, a bó vee shooyi yòʼ wíy nəə́ e nsay Isray, é vèn nèn kìíy ji m dzə̀ á Nyùy Tàr woo Taà Ndzə.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Aysaya 4:3

Fo ké wìr ve á wíy ber e Sion, a dzə̀ ji wir dzə̀m wo wù wíy bòy, e gòʼ e Jerusalem, á kù wíy a yen ji dzə̀ rú wír vee jeéy ji dzə̀ vé Nyùy Tàr. Kù dzə̀ ji wìr dzə̀m wo Nyùy Tàr saŋen yír sév ji á wíy lùŋ, a dzə sho atin e Jerusalem.

Nsùyrì Nyùy 69:28

Yír yéví ku fəə̀ fəə́n fó ŋwàʼ wìr ve á wíy lùŋ. Lá à yòʼ tàtí áwune é ŋgoo wìr ve á ghvə́m wò.

Nsùyrì Nyùy 56:8

À kì mo shilív shí gáʼ mo. Wáy mensíy mem mè e nsiŋ, e yèn mo m toŋen ne. Rúrú, à tàŋ ne mo mè dzəə̀n, e sàŋ e wò ŋwàʼ.

Ŋgaà Yen 17:14

Á wíy lò, aá nèn bàʼtí rə́r, a màʼ Wan Njiì Nyùy sho. Yii bèy, é Wan Njiì Nyùy wùn à wír vəə́ só áwune, bìʼ fo dzəə̀n wun woo Tàr fo atàrí adzə̀m, kfə́n a dzə wun Fon fo afone adzə̀m. A wír vìne dzə̀ ve wù liìn ji və́, á wáy shilív e wun wùn, a tiy a dzə̀ wùn áwune.

Ŋwàʼ woó Rom 11:15

A dzə̀ m kù a yiì bèy, bìʼ fo, mo wír veé Israyi jayin, Nyùy máʼtí áwune, e bàʼtí wír veé ndzə lèn ji ŋkar sə́, bo Nyùy kfə̀n wíy lì áwune é bàm, é vijuŋ vi wáa dzə e le? Bo ví wíy a dzə moo wír ve á fəən fó kpu, e kfə̀n a dzə atin.

Daniel 11:45

Wù fəə́ rə́r bey, é wù tám kibeey kfə́ ké vifòn e kintìntìn ke rìbà ndzə̀v wùn ǎ gwan wo lav cù tíy sho. Yii bèy, a wù wíy kpu fo, là ŋgaà ghar.

Esiker 34:24

Mo woo Nyùy, m wíy a dzə Nyùy wov, é ŋgaà lìm wom woo Davir ram wáa dzə fon wo wù sáʼ áwune.› Kù suuy mo woo Nyùy Tàr.

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.

Esiker 5:9

Bìʼ joonè wo vèn yii və̀n e dzə̀m, m wíy yiì kinyo e vèn, a dzə̀ ke m yòʼ‑oò yiìn ne yiì, a bó m yòʼ kfən dzəə́ wìy yiì.

Daniel 7:10

Və́yí meé, a mèʼèm, a wìy moo ndzə́v, a wú ló a dzə̀ fo Ŋgaà wo wù‑uù siìn‑eè dzə́. Màŋgòŋ‑eè lim fo wun ansə̀kì ansə̀kì, aá tíy e wun si, yuúri shuu və́, a bó yòʼ dzə̀ wìr tàŋ mo áwune dzəə̀n. Á wáy nsaʼ e kibàʼ, e mvə̀ʼtì aŋwàʼ, e lèm arə́.

Joel 2:2

Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Malakay 3:16

Á bèy, wír ve á yúnin Nyùy Tàr, ghvə́m yír rəə́ nén a kfə̀ynìn kùm vinyo vìn. Á lòo kfə̀ynìn, Nyùy Tàr fó vituʼùr, a yuurí, e kù nèn yiì, á sáŋ ŋwàʼ wo á wíy a kuumé áwune shó, áwune ve á ghvə́m wun, li yír rə́ é shií.

Jeremia 30:10

Éè rám Jakov, vèn dzə̀ ji aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. Suuy mo woo Nyùy Tàr. M wíy bòyìr rú vèn à rám yéné fo vitúm veé ndzəywoŋ ví wo, vitúm, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a dzə dzə́ yee nyaáŋ, a dzə akiŋsìn, wìr wó a bemér áwune yòʼ wíy a dzə.