Daniel 11:9 - ŊWÀʼ NYÙY

⁹ Fòn woó Siiria wíy lò kfə́, e nəə́ kitúm ke fòn woó Ejiv e rə́r sí, yii bèy, aá wíy tsəy wun, e siìr e bàm e wun kitum.

Daniel 11:9 Referans Kwoze

Daniel 11:5

Fòn wo wù wíy a saʼ kitúm kee Ejiv dzə̀ bey, a wù kù yòʼ wíy a ker vitaáví vé saʼ e ŋàŋ. Yii bèy, taà ntoʼ və wùmòʼ wíy a tav, a shaà wun, a tsəy kóy wùn wun, e wìy lò, e faàsì mbìv wòŋ yìmòʼ, a saʼ. A sáʼ rəə́ dzə̀ sáʼ, a yí wíy a dzə e gháʼtín.

Daniel 11:8

Wù wíy kuúy mebvə̀m mee anyùy vév, e tatí wùn à vikáŋ vév vee *kisha ke mbàm ke fəvír kí, à vee ke baar kí, ve dzəə̀n vifá vév ve ghaʼtín ví, e dù sho e Ejiv. Wù du bèy, é la wù yòʼ dzəə ghìʼ fon woó Siiria e rə́r sí e bǎm viya vinín.

Daniel 11:10

Wón fòn woó Siiriàa wíy taŋ rə́r, e baʼtí vé rər é mfòn, ve á wíy a kuŋ virə́ʼ moo ndzə́v. Á wíy nyoòrì rə́r, é sí du, e mèé e wír veé Ejiví virə̀ʼ ve tavkín ví, e kèm melaà.

Daniel 11:11

Wù yii bèy, é fòn wo wù sáʼ kitúm kee Ejiv nèn shwìíy kilòŋ, e fəə̀, e fùnèn fon woó Siiria. Wù fəə́, aá fəə́r mànjòŋ vé rərí, a wù wíy tòn vé rər veé Siiria adzə̀m.

Sekariya 6:6

Wú kù lò fo Nyùy si lèn bèn, a kiténtén ke nyám se ŋkoʼ se sənér sí səŋè ki du e Babilon, e mbìv yee kuy, a ke nyám se ŋkoʼ se fəvír sí səŋè ki du e mbìv yee fo shùy yii nəə. Ké nyàm se ŋkoʼ se sí shomkìr, fəə́si ki du kfə́ é mbìv yee tsə́n.»

Ŋgaà Yen 17:14

Á wíy lò, aá nèn bàʼtí rə́r, a màʼ Wan Njiì Nyùy sho. Yii bèy, é Wan Njiì Nyùy wùn à wír vəə́ só áwune, bìʼ fo dzəə̀n wun woo Tàr fo atàrí adzə̀m, kfə́n a dzə wun Fon fo afone adzə̀m. A wír vìne dzə̀ ve wù liìn ji və́, á wáy shilív e wun wùn, a tiy a dzə̀ wùn áwune.