Daniel 11:8 - ŊWÀʼ NYÙY

⁸ Wù wíy kuúy mebvə̀m mee anyùy vév, e tatí wùn à vikáŋ vév vee *kisha ke mbàm ke fəvír kí, à vee ke baar kí, ve dzəə̀n vifá vév ve ghaʼtín ví, e dù sho e Ejiv. Wù du bèy, é la wù yòʼ dzəə ghìʼ fon woó Siiria e rə́r sí e bǎm viya vinín.

Daniel 11:8 Referans Kwoze

Aysaya 37:19

Áwune màʼ ne anyùy ve vitúm vìn vi‑iì ghvə́mé e və̀y, e laàr adzə̀m, bìʼ fo yì‑iì dzəə̀n vifá là mvə́m, vifá, a fér wír e kicí kí, kìn e tíyí.

Hosea 13:15

Fə̀m mo vikuʼùy ví nəə áwune, shaa afə́r vév, m yíi tsənsí shwér wo yumérí fó kirə̀ʼ ké woʼ, é wú yúmér ntòŋ sév sé ndzəv, e yùmér ndzə́v sév se tuŋén sí. Á yíi faàsì kifá kidzə̀m ke áwune lèmèn é vitàv, e kuúy bèn, e dù sho.

Hosea 8:6

Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.

Daniel 10:3

tén viyíkìr, kfəə́ne a dzə̀ ve kfəənén ví, a bó kintín ke nyàm, kìn bàr shilùʼ yòʼ‑oò lo kùm shuu wóm. M yòʼ‑oò lo ghàn sòr wún féyì, e dù meé mo ŋgàm see sitaár sìn si‑iì shaàn.

Jeremia 46:25

Nyùy Tàr woo Taà Mànjòŋ, wun woo Nyùy wìr veé Isray suuy jii, «Á leéy, e yèn, m yíi màʼ ŋgeʼ e Amon woo nyùy woó Tebes kitu, e màʼ bèy e wòŋ Ejiv wùn aànyùy vee fóo adzə̀m, e màʼ sa aàfon véví kitu. Rúrú, m kù yíi màʼ ŋgeʼ e Farao kitu, e màʼ sa e wìr dzə̀m wo wù tiirin vifií é wùn wó.

Aysaya 2:16

Wù wíy sèn vé kiŋkoʼòrwùné, kù moo ji wù fə̀ə́r kinsəm, kí sáʼtí amàkìkoŋ, á láy é ndzəv, amàkìkoŋ ve á kávnin wáy, du mee e ndzəywoŋ à ve á fèrìn, e bònen nàŋsín, á tó síi.

Atǎr Nsaʼ 18:24

Wù bìnèr jii, «Bó vèn yòʼ kùúy anyùy vém ve mò‑oò fèrìn, e kfə̀n lì taà cù wom, e dù sho à? Bo m gòʼ kém lèn a dzə̀ vèr à ka kí? Vèn kfə́n a dzər e mò ji nyári sà lò fo feé a?»

Remrí 12:3

Vèn wíy tsəy kíy sév sé cù, e kètì, e bvəʼtí sə́y sév sé anyùy, e tòn wúr sé *Ashera woo nyùy wov e və́yí. Vèn gwati mebvə̀m me áwune fèrìn ji anyùy mè, e laàr yír sí fó kirə̀ʼ fóo fèy ŋkuuŋkùŋ.

Kintaŋ 33:4

Yén bèy, aá kù dzə́ kév, dzəəmè a dzə̀ wón vév vee vilum vee dzəə́ mbìyi mo Nyùy Tàr‑iì yúyri aáwuné mvəm. Nyùy Tàr‑iì yiì bey, a kfə̀n‑eè dzə̀ ji wun din á ji wun ghàʼ á anyùy wìr veé Ejiv.

Ŋwàʼ Fəə 12:12

«M wíy shaà e Ejiv vitsə́ʼ vee shooy, e yuyrí wón wíri, e yuyrí vé nyàm si adzə̀m ve dzəə̀n dzə́ə mbìyi, a kfə̀n dzə̀ vilum, e kfə̀n siì màʼ ŋgeʼ se tavkín sí aànyùy veé Ejiví kitu. Dzə̀ mo Nyùy Tàr.

Kèʼlo 31:30

Nyùy‑ii suuy bèy, a m kì ji wò‑oò lo, bìʼ fo wò‑oò yár jíŋ fó a kfən bàm e věn laʼ. Yii bèy, wò‑oò kùúy anyùy vee mǒ laʼ ji ka?»

Daniel 11:9

Fòn woó Siiria wíy lò kfə́, e nəə́ kitúm ke fòn woó Ejiv e rə́r sí, yii bèy, aá wíy tsəy wun, e siìr e bàm e wun kitum.

2 Samuel 5:21

Wír veé Filistiàa‑aà nyèŋ, e màʼày mebvə̀m mev, Davir wùn à wír vəə́ táyrí.