Daniel 11:7 - ŊWÀʼ NYÙY

⁷ Yii bèy, wìr woo à wiíy kfəə wíy ŋaʼáy e tàr wóv kiliŋ, e wìy wùn à vé rərí. Wiyì, aá kív kirə́ʼ ké fòn woó Siiria ke tavín kí, e nəə́, e gìm wun e rə́r sí, e tòn wun.

Daniel 11:7 Referans Kwoze

Ŋwàʼ Luk 12:20

Wù sìysì bèy, Nyùy nèn yòŋ jii, ‹Kiŋgà ké kiyuŋ kin, m yíi sə kiyoy ké e bàm vitsə́ʼ vé lán vi, é vifá ve à baʼtin vin vi wìy sìíy a dzə vé la?› »

Malakay 4:1

Nyùy Tàr woo Taà Mànjòŋ suuy jii, «Rúrú, kishiíy ke m kwaŋrì vinyo ki sí ló a wìy. Kí wíy a wìy, a lùm mo shwí və́y. Dzə̀ kishiíy ke dòʼshwíiy wom wíy tòn vé kiŋàʼa, e tòn wír ve á méŋ mo, kù mo və́yí tòn vishaárín. Wú wíy tòn áwune, aá du é kibvə, a wìr yòʼ wíy ber.

Esiker 17:18

Mo wù tàʼàn ndzə̌n kilìʼ ntéŋ, e bìvír mensaŋ, a wù máʼ ne kiwó e kitu wo, e kfə̀n lòvtí bèn, bo bó dzəə̀ yée baàmè, e nyeŋ yòʼ kfə̀n dzə̀.›

Jeremia 12:2

Kí yii wò, é bo gháŋ yéví wáa tuúy, aáwune wáa kuy, a koóm. Áwune yòʼ shóʼ wò fo shuù, yii bèy, melív mev mè yòʼ tíy e wò wùn.

Aysaya 11:1

Á bèy, taà saʼ wo fíy wíy fəə fo Jessi woo tàr à Fòn Davir ram, rám, a yí sì moo kicí ke á bàʼàn, ku gòʼ kiŋkfəy ke kinyè. Rúrú, kí wíy tokír, é tám wo fíyi fəə́ fó ghaŋ fóo fèy, a kuy.

Aysaya 9:14

Á bèy, Nyùy Tàr wíy laàr vilìmbìy veé Isray kishiíy kimòʼón. Wù wíy laàr ve á tíy ji kitú, e laàr ve á dzəə̀n kév ji kún. Wù wíy laàr ve á dzəə̀n moo viyáŋ ve ví tíynin e kitu ke ten, e laàr ve á dzəə̀n moo ŋkiʼ wo wù teʼ e nsə̀ə́ndzəv.

Nsùyrì Nyùy 109:8

Dzəʼə̀m rəə́ ku tàv tsə̀mér, é wìr wo sən yov kéŋ rə́.

Nsùyrì Nyùy 55:23

Áà Nyùy, à wíy sèn wír vìn, e dzəə̀mè. Áwune vin ve á yúyri wíri, bóʼti kimboʼtì. Á kù wíy kpu, a bó á yoʼ mèé e ntìntìn wìr. Yii bèy, m kù wíy a dzə kém, a yu a dzə̀ fo wò.

Ŋwàʼ Jov 14:7

«Aá bàʼ kicí, a dzə̀ kí kfə̀n tòkír, a kuy, a bó yòʼ dzə̀ ke kí tókir ki kfə̀n kfə̀yìn.

Daniel 11:6

Viyá vi lóo shaà, áàfon vìne suúsín viŋkar, é fòn woó Ejiv fó wan ntoʼ və ji wiiy ntoʼ fòn woó Siiria ji wùn wun tàr á ne shuu. Yii bèy, a wiiy ntoʼ və̀n yòʼ wíy yu fóo tar shuu wóv, a bó viŋkar vév ví yòʼ wíy tiytíy. Á bèy, kù é mvə̀m ghàn see shooy, aá tátí wun woo wiiy ntoʼ, à lum və, à wan və, e lì wír ve vé‑eè tsəənen wun, e wìy sho, e yuyrí áwune adzə̀m.

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.