Daniel 11:5 - ŊWÀʼ NYÙY

⁵ Fòn wo wù wíy a saʼ kitúm kee Ejiv dzə̀ bey, a wù kù yòʼ wíy a ker vitaáví vé saʼ e ŋàŋ. Yii bèy, taà ntoʼ və wùmòʼ wíy a tav, a shaà wun, a tsəy kóy wùn wun, e wìy lò, e faàsì mbìv wòŋ yìmòʼ, a saʼ. A sáʼ rəə́ dzə̀ sáʼ, a yí wíy a dzə e gháʼtín.

Daniel 11:5 Referans Kwoze

Daniel 11:25

Fòn woó Siiria və̀n wíy baʼtí mànjòŋ vé rərí, a wù táv é ŋàŋ. Wù távir wun, é wù yú shilív, e ŋàʼáy, e taàmé fon woó Ejiv. Fòn woó Ejiv wíy meʼ wun wùn à mànjòŋ vé rərí, a wù táv, e shaà və́ə. Yii bèy, wùn wun wíy lóo tam, é wù ton fon woó Ejiv, bìʼ menàŋ me á wíy ba, e fiìnè fon woó Ejiv.

Daniel 11:14

Kù é ghan see shoon, wíri wíy ŋaʼáy anín, a taamé fon wo wù sáʼ kitúm kee Ejiv. Vé melàa wíy fəə fo věn kitum, a gùynìn ji á fiʼ rùnér kinyo ke Nyùy‑iì ghemen ndzə, e dìn e wíri é njà kinjeenjèm. Yii bèy, a bó kí yòʼ wíy lìm.

Daniel 11:11

Wù yii bèy, é fòn wo wù sáʼ kitúm kee Ejiv nèn shwìíy kilòŋ, e fəə̀, e fùnèn fon woó Siiria. Wù fəə́, aá fəə́r mànjòŋ vé rərí, a wù wíy tòn vé rər veé Siiria adzə̀m.

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.

Sekariya 6:6

Wú kù lò fo Nyùy si lèn bèn, a kiténtén ke nyám se ŋkoʼ se sənér sí səŋè ki du e Babilon, e mbìv yee kuy, a ke nyám se ŋkoʼ se fəvír sí səŋè ki du e mbìv yee fo shùy yii nəə. Ké nyàm se ŋkoʼ se sí shomkìr, fəə́si ki du kfə́ é mbìv yee tsə́n.»