Daniel 11:44 - ŊWÀʼ NYÙY

⁴⁴ Yii bèy, a wù wíy yu sáʼka wo wù loòn fó mbìv ye shùy yii tó fo fo, à wo wù sə́y fo mbìv wòŋ yee fó kùy, é wù fó wun shiiykìʼ. Tímé ndzə́ʼ wun, é wù fəə́, e dù, e yùyrí wír anín, e sə̀ʼsí səʼsín.

Daniel 11:44 Referans Kwoze

Ŋgaà Yen 17:13

Aáwune kù wíy a tiy kév kinyo kimòʼón ji á wáa tom sáʼ nyàm ye beemén rə̀y, e nèn way vinyo vév vidzə̀m a dzə̀ é kiwo wo.

Ŋgaà Yen 16:12

Nshìylav Nyùy ye yì meen ji ntuùfú nèn cuùrì kfə́ kee kighín a dzə̀ é ndzəv ye yí shaa e kuʼùn, aá yoŋ ji Yufret. Yí ku nèn yùm. A Nyùy‑iì yii bèy, ji afon ve á wíy a lò fo mbìv ye shùy yii tó fo fo, a wìy rə́rí fíʼ a ker dzə́ə yée tumsín sho.

Daniel 11:30

Kí yòʼ wíy a dzə bèy, bìʼ fo wíri wíy wìy fo mbìv à Saypur e vikoŋ, e tay wun, é wù wáa fàn, a leʼ. Wù lóo kfən e bàm é kilòŋ ke shwiiyín kí, é wù nèn dù, a tay wír ve wùn à Nyùy gwàrìn mensaŋ ji wun fiʼ bvə̀ə́r vinyo vév. Wù du bèy, é wù wáa nàn kóy wìr ve á bìnèn ndzə̀m é mensàŋ mee shooy.

Daniel 11:11

Wù yii bèy, é fòn wo wù sáʼ kitúm kee Ejiv nèn shwìíy kilòŋ, e fəə̀, e fùnèn fon woó Siiria. Wù fəə́, aá fəə́r mànjòŋ vé rərí, a wù wíy tòn vé rər veé Siiria adzə̀m.

Daniel 11:43

Kù wíy a ker wun vitáv vé kishà ke mbàm ke baar kí, à ke fəvír ke wír veé Ejivi kérí, à vifá vév veé kilùm vi vidzə̀m. Á bèy a wír veé Libiya, à veé Etiopiàa wíy a neŋ a dzə̀ e wun si, a yu fo fo.

Daniel 11:45

Wù fəə́ rə́r bey, é wù tám kibeey kfə́ ké vifòn e kintìntìn ke rìbà ndzə̀v wùn ǎ gwan wo lav cù tíy sho. Yii bèy, a wù wíy kpu fo, là ŋgaà ghar.