Daniel 11:4 - ŊWÀʼ NYÙY

⁴ Sáʼ rəə́ tuuy a yí tuúy ne, é yí ku nèn bvəə̀rí, aá javsin woŋ və́ mbìv sikweè, é sí waá kìʼ buú se ndzə jeéy jeéy, a bó sáʼ rəə́ yòʼ wíy dù a dzə̀ e rám rəə́. Afon vee fóo yòʼ kfə̀n wíy a ker vitaáví vé saʼ mo wù‑uù kérí, bìʼ fo wóŋe jàvsìn ne, sáʼa dú e wír ve səné.

Daniel 11:4 Referans Kwoze

Daniel 8:22

Ké loŋ see sikweè se sí‑iì fəəkin fo lúm loŋ və̀yi‑iì kivin, kee shooy ki din ji woŋ e dzə̀m wo wír veé Griki kooné wíy jàvsìn vilíŋ vikweè, é kee kimòʼón ki wáa ker və́ə woo fon, a bó vitaáví vév ví yòʼ wíy meé e vé fòn woo wo mbìy vi.

Daniel 8:8

Kibév kìn ki ku nèn a dzə̀v kfə́ a dzə̀ nsaŋ ji moo wun yòʼ waà dzə̀. Kí wìy tàv, e mèé e ntìm yìwun, loŋ rə ye tavín rə̀y nèn kìvín. Yì kívín, se sən see loŋ se tavkín símóʼ sí fəə́kír fo rə̀y kì kivin sikweè, a ròm mbìv sí jeéy jeéy.

Jeremia 12:17

Yii bèy, a kitúm ki lòo dzə, e tèn fó a yunín mo, bo m wíy fəə́r áwune fó wòŋ ŋkuuŋkùŋ, e laàr laàrìn. Suuy mo woo Nyùy Tàr.»

Daniel 7:8

Kù mo m wáy sí e loŋ sìn, yìmòʼ yee loŋ nèn fəə̀ e siy sí nsàn, a yì dzə̀ kfə́ e dórín. Á ménrí loŋ sitaár se sí‑iì siìn fó, e fíʼ fo ghay e rə̀n, a loŋ rə̀n kér sí si moo sé wìr, kér shuu, a kù fəə́ lám kinsùmrìwùn fó fo.

Daniel 7:2

Wù‑uù sàŋ, a naàrì jii, yì‑iì dzə̀ vitsə́ʼ vímóʼ ví, kilìtì ke kinyò ki wìy e mǒ si e njà kinjeenjèm. M yén, a shwéri wiy mbìv sidzə̀m, tsə́y rìbà ndzə̀v wo wiy,

Jeremia 18:7

A m lòo dzə, a fə̀m dzə̀ é ghàn ka, e sùúy e kitúm ki ji m sí men a áwune, e kètì virə́ʼ vév, e laàr fó,

Jeremia 12:15

M shaʼàr vitúm bèy, é m kfən wìy shàm áwune, a lì kitúm kimòʼón kimòʼón, a kfən sho aáwuné nsay fo vitsə́ʼ vév ví dzəə̀n.

Ŋwàʼ Luk 12:20

Wù sìysì bèy, Nyùy nèn yòŋ jii, ‹Kiŋgà ké kiyuŋ kin, m yíi sə kiyoy ké e bàm vitsə́ʼ vé lán vi, é vifá ve à baʼtin vin vi wìy sìíy a dzə vé la?› »

Matio 12:25

Jesus kiíy kinyo ke vé‑eè woóne sho, e nèn sùúy jii, «Vèn kì sá jii, a woŋe lò, e jàvsìn, a taŋ kóy, bo bó yòʼ dzə̀ wú wìy tìím. A wír veé laʼ, kìn veé ntèʼé kfə̀n lò, a taŋ kóy, bo bó yòʼ dzə̀ áwune wìy tìím.

Daniel 7:6

Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.

Jeremia 45:4

Ke Nyùy Tàr suuy e wò ki dzə̀ jii, ‹Leéy, e yèn, m sí saʼtì kitúm kìn ke mò‑oò bàʼrìn, e shoʼóy ke mò‑oò tuuyin fó.

Jeremia 31:40

Kiwoóy ke á yii maʼày dzə́n sé wíri shó, kfə̀n sər sa kibvə́ sho, e lì súm seé bvə̀m gwan, e kèʼ fo Kiwoóy ké Kidron, e dù, e bàʼ e kor woó Shùu Kày Nyàm se Ŋkoʼ, e mbìv ye shùy yii tó fo foo, wíy a dzə kirə́ʼ kee jeéy kí kidzə̀m ji ké Nyùy Tàr. Bó á yòʼ kfə̀n dzəə́ wìy a tuŋ fó, aá yòʼ dzəə́ wìy bvəʼə́y.»

Ŋgaà Tàrvìnyò 4:8

Kí dzə̀ ji wìr lo, a wù dzə̀ là wír, là wán, là fə́r, wù kù a gisín e lìm ghán sidzə̀m là meemè, a bó wù yòʼ yén kifá ke wù káví, a kí gheen wun. Bó yòʼ dzə̀ wù mèé é kiliŋ kée dzər jii, «M lim a dzə̀ fo la? Yé a lìm, a bó yòʼ dzə̀ m dzə̀ʼə̀m, a yu vijuŋ.» Kin ki dzə̀ kisáŋ, a dzə̀ lim vishi ve bi ví.

Nsùyrì Nyùy 39:6

Wíri ghán e yuv, a dzəʼə̀m yéví dzə̀ moo kindzə̀ə́ndzəm bèy. Á gar gàrìn, aá kù gar kisáŋ. Wìr lo, wù bàʼtí bùʼ, a bó wù yòʼ kì wír wo wù wíy yi vitsə́ʼ və́.

Ŋgaà Yen 7:1

Kee shooy ki shaà, m yén, a nshèelav se Nyùy si tíy e buu se ndzə see sikweè, baʼ shwér wo wú yii wiy fo virə̀ʼ fóo fèy. Wú nèn tìím, e làa yòʼ dzə́ə a shaà e virə̀ʼ, kìn é kitu ke ndzəv, e làa yòʼ kfə̀n a sə̀ʼ sa kicí.

Jeremia 49:36

M wíy tsənsí shwér, é wú wiy fó buu se ndzə see sikweè, e nəə́, e kàr Elam. M wíy taʼár áwune, aá dukir buú se ndzə see shooy sidzə̀m. Bó kitúm ki yòʼ wíy a dzə sho ke wír veé Elam ve m fəəriné wíy buŋ fo fo.

Esiker 37:9

Wù nèn sùŋnín e mò, e sùúy jii, «Wàn wìr msòŋ, súŋnín e shwéri. Á suŋnín, a suúy kinyo ke Nyùy Tàr woo Taà Ndzə suuy ki. Wù suuy jii, ‹Shwer, wìyi, wìy buú se ndzə sidzə̀m, e yòy aàŋkfə vìné wùn, aá fiʼ kfə̀n a dzə atin, wír, a yiì teè rə́r.› »

Sekariya 2:6

Nyùy Tàr yoŋ jii, «Vèn bèé, vèn bèé? Vèn ŋáʼáy cér, a leʼ fo kitum ke kùy ki. E ké ru kí, yì‑iì tàʼár mo ven vitóŋtóŋ vidzə̀m. Á mo mo woo Nyùy Tàr suuyin.»

Sekariya 6:5

Yì bìnèr e mò jii, «Viténtén vin vi din a dzə̀ shwér wo wú lo fo Nyùy, wun wo wù kér kitú ke nsay. Wú du e buu se ndzə see sikweè.