Daniel 11:34 - ŊWÀʼ NYÙY

³⁴ Kù mo á yúyri áwune bey, é wír Nyùyi koóy sə́mo shishàr. Yii bèy, aámóʼó wíy wooné, e nəə́ e ŋgoo, a dzə̀ wír ve á diy a dzə̀ shuu wóv.

Daniel 11:34 Referans Kwoze

Ŋwàʼ woó Rom 16:18

a kiíy jii, áwune yòʼ lim a dzə̀ á fo Tàr wòsən Jesus Kristu gheéy. Áwune diy a dzə̀ wóv woo shuu. Á lo, á wàa naŋsín kinyo, a fèr, kí wàa nyòm, e nèn a boʼtí wír ve bó á yóʼ ne kìíy vinyo.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?

Ŋgaà Yen 12:13

Mo á màʼàn kigàgǎʼsòŋ kiy fo yuv, kí lòo yen ji wun kù sì á kifá keé nsay, e nèn kèʼ, a ròn wuú wiíy wo wù dzəən wán woo lumèn və̀y, a dù.

Ŋgaà Yen 2:20

Yii bèy, a kinyo kímóʼ kí dzə̀ ke vèn yii, a kí bír mo. Vèn màʼtì wiíy wo á yoŋ ji Jesebel, wù wáa ghan e věn mvəm. A wiíy və̀n yoŋ kitú kfə́ ji *ŋgaà ntum Nyùy, yéʼey wír vém, bóʼti áwune, aá jaŋ kinjàŋ, kfə̀n du e virə̀ʼ vé anyùy, yí vifá ve cù.

Ŋwàʼ Jud 1:4

A m suuy bèn, bìʼ fo wír ve á méŋ Nyùy ámóʼó woonen ne, e nə̀ə́ e věn kintatì, a yeʼéy kév wíri jii, mo Nyùy bùʼùn ne ven, e lì ji wír və́, vèn bóy fó lòn, a dzə̀ vèn wàa yiì lèn a mo mensə́ men mè taʼà. Aá suuy bèy, nèn káy Jesus Kristu wo kù jòʼsìn wun ji Taàtá wòsən wo dzə̀ á wàa yu fo fo. A Nyùy‑iì yiì ne dìn lòn wo wù wíy màʼ e wír vee bené kitu.

2 Joon 1:7

A m sáŋ bèn, bìʼ fo wír ámóʼó wìyìn ne anín, a ghan virə́ʼ vidzə̀m, a boʼtí wíri bóʼtín, a kìnèn ji bó Jesus yòʼ‑oò lo wìy e nsay fèn, e lì rú á mbom wìr. A wír vee shooyi dzə̀ vé fòn kimboʼtì wo dzəə̀n Ŋgaà Vibàn Kristu.

1 Joon 4:5

Áwune dzə̀ kév, a dzə̀ wír veé ndzə fèn. Á nén a fìʼtì sa vinyo a dzə̀ veé ndzə fèn, wír veé ndzə fène wáa yuurí.

Titur 1:11

Á kér fó a sə̀r wír vee bey, bìʼ fo áwune bvəər vifií vé wíri. Lóo dzə láʼ yímóʼó, la à yòʼ dzəə yèn wír wo wù kiìn fo wù tíyí. Aá yéʼey vinyo ve bó yòʼ dzə̀ á wàa yeʼéy, bìʼ fo á kù kér shií a dzə̀ é mbàm.

2 Timoti 4:3

Kú a kiíy ji ghán sí waà sí gheenè, se wíri yòʼ wíy a kòŋ fó a yuurí kinyo ke dzəə̀n ke ru kí. Á kù wíy a kòŋ a dzə̀ kinyo ke vituʼùr vév ví yur ji á wáa yu, e nèn a baʼtí vév vee aŋgàa yeʼéy, aá wáa fìʼtì a dzə̀ kinyo ke melív mev mè tíy sho.

Galatia 2:4

A là fo wír ámóʼó ve vé‑eè wóvri ji á tíy e kinyò ke Jesus Kristùu woóné, e nə̀ə́ fo věr dzə̀ʼə̀m foo fèy, bo bó á yòʼ fə̀m‑eè ló a gwàrìr kinyo kee bey. A vé‑eè nəə cáʼ ji á shwéʼ á jii, mo vèsən tíy e kinyò ke Jesus Kristu, vèsən sà bòy fo liì woó Juda moó le á, aá fíʼ kiíy mo dzə̀ á rə̀ʼə́y vèsən e liì woo shooy.

Daniel 11:21

Á yúyri wun woo fon woó Siiria, aá bun njìlaʼ və, a dzə̀ wír wo wíri taʼ kinyè kfə́ ntéŋ. Wír, a bó wù yoʼ fə̀m ràm kfə́ə wón ntoʼ. Wù kù wíy sàsìn sàsìn, e wìy, a borkír, a leèrì wíri a dzə̀ e shúu, e bóo yi vifon.

Daniel 11:32

Wù wíy leèrì wír ve á yaʼayin mensaŋ me Nyùy, e boʼtí áwune. Yii bèy, a wír ve á lumen kinyo ke Nyùy, e kpù shóo wíy tiím kitávín, e meŋ sáʼ rə́.