Daniel 11:3 - ŊWÀʼ NYÙY

³ Á bèy, é fòn wo kuʼùn wùmòʼ nèn ŋàʼáy, a wù wíy a saʼ woŋ e wiíwíy, a yiì kinyo a dzə̀ ke kí gheen wun.

Daniel 11:3 Referans Kwoze

Daniel 11:36

Fòn woó Siiria wíy a yiì kinyo a dzə̀ ke kí gheen wun. Wù wíy a koʼór wún, a tiy tiyín áànyùyí kitu, a shùr Nyùy wo wù shaàn anyùy, e liy si. Wù kù wíy a yiì bèy, é vinyo və́ ví wáa ghan, e meé mo Nyùy wíy màʼ ŋgeʼ e wun kitu. A Nyùy kù kér fó wiy yiì kinyo ke wù‑uù sìysìn.

Daniel 11:16

Mo fòn woó Siiria sùmèn woó Ejiv e rə́r sí, wù kù wíy a yiì kinyo a dzə̀ ke koŋ wun, a bó wìr yòʼ wíy a meʼ wun. Wù wíy faàsì nsay ye dzəə̀n ye mbùʼmé, a wù wíy a ker vitaáví vée laàr fó ŋkuuŋkùŋ.

Daniel 8:21

Kibév ki din a dzə̀ kitúm kee Grik. Lúm loŋ wo wú‑uù tíy e nsàn wón si kiyaʼ və̀ne din a dzə̀ fon wov wo mbìy.

Daniel 7:6

Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.

Jeem 1:18

Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

Efesor 1:11

Nyùy‑iì yiì ne shòʼ ver vee wír veé Isray fo ŋgùʼ ji á tátí wùn à Kristu, a dzə wír wun woo Nyùy. A wù‑uù shóʼ a dzə̀ mo wù kiìn réŋréŋ mo wù kù yii siysì vinyo veé ndzə vidzə̀m, a ví kooy mo nsìysì və dzəə̀n.

Daniel 4:35

Wìr dzə̀m woó kitu ke nsay kù dzə̀ kifá kisáŋ e Nyùy si. Nyùy kù yii kinyo a dzə̀ ke kí gheen wun, a fə̀m dzə̀ wùn à nsheèlav sə́ sí, kìn wùn à wìr msòŋ woó kitu ke nsay. Wìr yòʼ dzə̀ shó wo a dzə̀ wù sə̀r Nyùy fo kinyò, a bó wìr yòʼ dzə̀ shó wo a dzə̀ wù dzə̀r e wun jii, ‹À yiì kin a dzə̀ ka?›