Daniel 11:23 - ŊWÀʼ NYÙY

²³ Vitúm vímóʼ ví wíy suusín wùn áwune, é wù nèn kèʼ sáʼ rə́ kinshwìvi. Fə̀m mo wír vee wùn wòŋe dzəə̀n ashàr, sáʼ rəə́ kù wíy a kuy, a dzə e távín.

Daniel 11:23 Referans Kwoze

Daniel 8:25

Wù wíy a fiír feyì, a yiì vinyo və́ bám bám, é kimboʼtì ki kú a kuy kuyín e wun saʼ. Wù wíy a koʼór kitú kfə́, a yen ji moo wun yòʼ dzə̀. Aníne wíy lòo kwàʼ ji á dzə̀ akiŋsìn, e wù nèn tò, e laàr áwune. Wù wíy lò, a tsəy kóy wùn Fòn woo Fon fo afone. Yii bèy, sáʼ rəə́ wíy gbù, a bó kee shooy ki yòʼ fə̀m wíy ghan a dzə̀ wó wìr msòŋ.

2 Tesalonika 2:9

Wìr wo wù wíy tum Fon Vinyò ve Bi ví və̀n dzə̀ Satan, e fo vitaáví shó, é wù wáa shoʼ virom, a dìn visəəm vé vinyò vinín, e fíʼ boʼtí wíri shó.

2 Korin 11:3

A m fan fo wír ámóʼó bóʼtí ven mo Satan‑eè boʼtin Efa, e bvə̀ə́r vifií vén, é melív men mè kpú fo Jesus Kristu wùn, é vèn áwune bírnín.

Ŋwàʼ woó Rom 1:29

Á nén a dzə ji afon vinyò ve kisaŋ vi, a yiì a dzə̀ vinyo ve bi ví, a siimé kinsiimè, a wìr kù leey wír a dzə̀ e sí ye bií. Aá kfə̀n gheʼ kighèʼ, lo, á yùyrí wír. Á lóo dzə, á kù a nyàmnìn nyàmnìn, ghán, kár a dzə̀ menàŋ, a kày kù kér a dzə̀ shilív she bi shí wùn kày, duú viduú,

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Nsùyrì Nyùy 52:2

À kù rə́si ké, báʼti a dzə̀ kighèʼ. Wò, wo à kù taʼ a dzə̀ kimboʼtì, kiliímé ké ki njím moo shwàʼ wo á baàyìn.

Kèʼlo 34:13

Wón Jakovi‑iì biíme kinyo ke Shekem wùn tàr wov Hamor‑iì suuyì e lámé é bvə̀m, bìʼ joonè wo Shekem‑eè yiìn e jèmèr yev.

Daniel 11:22

Wù yí vifon, é wù nèn laàr mànjòŋ vé rər e dzə̀m wo wù taamen wun, e laàr, à taà cù wo kuʼùn shó.

Daniel 11:24

Wù wíy lò, é wù sasin, e nə̀ə́ mbìv wòŋ ye yì kér bùʼ e rə́r sí, e kùúy bùʼ woo shooy, e nèn jàv aàŋgaà və́ ŋgoo, wùn à kéŋ ye á faàsìn sáa. A dzə̀ kinyo feyì ke bó atàr vəə́ yòʼ‑oò ghàn mùm, a fə̀m dzə̀ vee fó ŋgùʼ féyì. Wù wíy a ba ntaŋ ji wun laar á virə́ʼ ve tavkín ví, yii bèy, a bó ntàm yòʼ wíy dàr, a bó ntaŋ və bvəə́rí.

Daniel 8:24

Vitaáví və́ ví kù wíy a dzə vigháʼtín. Yii bèy, a bó kee shooy ki yòʼ wíy lò a dzə̀ fo wun. Wù wíy a tòn virə́ʼ, a bemér wíri, é vinyo ve wù yii vi kú a dù duùn fó mbìy. Wù wíy laàr antav, e kfə̀n laàr wír ve dzəə̀n ji vé Nyùy.