Daniel 11:2 - ŊWÀʼ NYÙY

² Ké lèn ki, m lo, e suúy wò suuyru vinyò ve ví wíy a dzə. Rúrú, afone dzəə́ wìy ŋaʼáy e kitum kee Persia ataár, a wo wù wíy meé ji kweè wíy a ker bùʼ, e shaà vé mbìyi. Sáʼ rəə́ wíy tav, bìʼ káv wo wù kérí, é wù maʼ melaà, é wìr dzə̀m binkir, e taàmé kitúm kee Grik.

Daniel 11:2 Referans Kwoze

Ŋgaà Yen 21:5

Wìr wo wù dzə́ e kàvàʼ və̀y nèn sùúy jii, «Á lèn wo m yíi siìr vifá vidzə̀m, é ví kfə́n vifíy.» Wù kfən sùúy e mò jii, «Sáŋ vinyo ve à yuun vin vi é ŋwàʼ. Dzə̀ vinyo ve ru ví ve dzə̀ wìr tìír vifií shó.»

Daniel 8:26

Kinyo ke à yenen é njà kinjeenjèm kùm cu ki kù wíy gheén wùn à kinyo kee kùm cu yee kijàvndzə wùn à yee ŋkuùr ke á kì naàrìn ne ki. Yii bèy, ké lèn ki, ku lèm kinjeenjèm kìn ki é kilìtì. Kí din a dzə̀ kinyo ke kí wíy a koóy fo mbìy, e bǎm viya nyanyày.»

Joon 10:35

a vèn kì sá ji kinyo ke kí dzəə̀n é Ŋwàʼ Nyùy ki kù yii tíy fo. Mo wír ve Nyùy‑iì yoŋ ji anyùy vìne dzəə̀n ve wù‑uù tiísi a dzə̀ vinyo və́ shó,

Amos 3:7

Rúrú, Nyùy Tàr woo Taà Ndzə yòʼ yii yii kinyo kfə́, a bó wù suúy áàŋgàa ntum vəə́.

Daniel 11:25

Fòn woó Siiria və̀n wíy baʼtí mànjòŋ vé rərí, a wù táv é ŋàŋ. Wù távir wun, é wù yú shilív, e ŋàʼáy, e taàmé fon woó Ejiv. Fòn woó Ejiv wíy meʼ wun wùn à mànjòŋ vé rərí, a wù táv, e shaà və́ə. Yii bèy, wùn wun wíy lóo tam, é wù ton fon woó Ejiv, bìʼ menàŋ me á wíy ba, e fiìnè fon woó Ejiv.

Daniel 8:4

M yén, a kiyáʼ kìy ki guutì virə́ʼ mbìv sidzə̀m ji lá nyàm yìmòʼ yòʼ tàm wùn wun. Kí‑iì guutì mbìv yee fo shùy yii tó, guutì mbìv yee kuy, kfə̀n guutì mbìv yee tsə́n, a bó nyàm yòʼ‑oò dzə̀ shó ye a yì‑iì dzə̀ yì bòyìr kitú kfə́ fó wùn wó.

Daniel 7:5

Nyàm ye yì batin sásín, e fəə̀sín, a yì dzə̀ kfə́ moo nyám ye á yoŋ ji *bear bèy. Yì‑iì nyáʼ nyaʼán, a yì lúm vighvə́r é shuù vitaár, vighvə́r, a dzə̀ vee nyàm nsaŋ. Aá kwá jii, «Lò é yuv, a kfər nyám, a dù duùn é kindzəʼ.»

Ŋgàn 22:21

A m sàŋ ji à fiʼ kìíy a kinyo ke dzəə̀n ke ru kí, kiiy feyì kijuŋ, áà fiʼ kfə̀n fo wìr wo wù tumen wò, e naàrì vinyo ve réŋ ví shó.

Daniel 10:1

Wáa dzə e kiya ke kí‑iì meen ji taár, ke Sayrus‑iì sáʼ ji fon woó Persia, ntum Nyùy wìy fo Daniel wo yír yímóʼó‑oò dzəə̀n ji Belteshasar. Ntum rə̀n‑eè dzə̀ ntum ye ru, aá fínér, a yì‑iì tàv é ŋàŋ fo wìr kiíy mvə́m. Daniel wáy vifií é ntum fèy, kinjeenjèm ki wìy e wun si, wù kiíy mvəm ntum rə̀y.

Daniel 8:21

Kibév ki din a dzə̀ kitúm kee Grik. Lúm loŋ wo wú‑uù tíy e nsàn wón si kiyaʼ və̀ne din a dzə̀ fon wov wo mbìy.

Esra 4:7

Kfən lòo dzə e ghan se yì‑iì sí sáʼ Artakerkes woŋ Persia, wír ámóʼó kfən sàŋ ŋwàʼ fo fòn, a yì‑iì dzə̀ Bishlam wùn à Mitredat, à Tabeel, à kibér ke wìr ke yì‑iì dzəə̀n aŋgàa ŋgoo vév kí. Vé‑eè sàŋ ŋwàʼ və̀n e Lǎm Aramayik, e kù sàŋ a dzə̀ e sí se ŋwàʼ seé làm woo shooy si.

Esra 4:24

Vé‑eè sə̀r kibaʼrì ke lav Nyùy e Jerusalem kí nèn kù a tiy, e dù, e meé e kiya ke kí‑iì meen ji baà mo vé‑eè koʼorin Darius ji fon woó Persia.

Esta 1:1

Yì‑iì dzə̀ é ghan se Ahasuru‑uù dzəə̀n fon woó Persia, wù‑uù sáʼ woŋ, a wú kéʼ fó India, e dù, e mày e Etiopia. Vishév ve wòŋ və̀n vi‑iì dzə̀ nshòv saàmbà e mbaà é wiì (127).