Daniel 11:18 - ŊWÀʼ NYÙY

¹⁸ Fo bàm, é fòn woó Siiria və̀n nèn bìnkìr, e kìʼ vitúm ve ví dzəə̀n é ŋguùŋè rìbà ndzə̀v, e koorí wíri é mfòn. Yii bèy, mfòómé wùmòʼ wíy sə̀r kiŋkoʼòrwùn kfə́, e siìr vinyo və́, a kù dzə̀ e wun kitu.

Daniel 11:18 Referans Kwoze

Hosea 12:14

Yii bèy, wír veé Israyi ló kév, e tìnsín Nyùy Tàr, wù shwiíy kilòŋ. Bìʼ bey, Nyùy Tàr yíi siìr yúyrí ye áwune yúyri wíri, é yí kfə́n a dzə̀ aáwuné kitu. Nyùy Tàr wíy màʼ ŋgeʼ aáwune, bìʼ ŋwáy ye á ŋwayin wun.

Tsəfaniya 2:11

Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Jeremia 31:10

«Éè vitum, vèn yuúrí kinyo ke Nyùy Tàr kí, e sàmèr e virə̀ʼ ve ví dzəə̀n é ghaa rìbà ndzə̀v é ndzəywoŋ. Vèn ku fìʼtì jii, wun wo wù taʼarin wír və́, kù wíy baʼtí áwune, a leéy fo fo, kù mo nshìy lèéy fo wun ŋgoo nyàm.

Jeremia 2:10

Vèn líysín é wòŋ woo Saypur, woó mvə̀m ndzə̀v, e lèéy. Vèn túm wír e Kedar, é wù leéy fó kijuŋ. Vèn kù yíi yen ji bó kinyo kee ben ki yòʼ‑oò yiì ne kòóy.

Matio 7:2

Vèn wáa kiíy jii, mo vèn roomè wír, bo kù dzə̀ mo Nyùy wíy a roòmè sa ven. Wù kù wíy a yiì kinyo e wìr réŋréŋ mo ŋgaàŋ yii e wír ámóʼó.

Esiker 27:6

Vé‑eè lì vicí vee oak fo Bashan, e fèr mbàŋ se á kiy kikóŋ sho, e fèr mvəm kikoŋ e kicí ké *payin keé Saypur ki, e nàŋsín, e làʼtí sóŋ kitàm e wùn wó.

Aysaya 66:19

e nèn kìíy kfə́ə wìr wo dzəə̀n mo, dzə̀ fó kisəəm ke m wíy dìn, a dzə̀ ŋgeʼ ye ghaʼán. «Wír ámóʼó wíy bòykìr, é m tsə́nsí áwune é vitum, aá du é Tarshish, e dù e Put, e dù e Lud fo wír vee fóo maʼ vinte. M wíy tsənsí ámóʼó é Tubal, e tsənsí e Javan, e tsənsí sa e vitum ve ví dzəə̀n é ŋguùŋè rìbà ndzə̀v. Vitúm vìn vi yóʼ ne yù yír yém ye yí dunìnè, e bóo yen vikuʼùy vém. Vé ntum vìne wíy a dù vitúm vidzə̀m, a fìʼtì mo vikuʼùy vém ví dzəə̀n.

Atǎr Nsaʼ 1:7

Adoni‑Besek nèn lò, a toyrí jii, «Mò‑oò yòŋ, á shétí viyìy vé wo wùn à viyìy vé wuù vé afòn msaàmbà, á wáa dzə, a siy kfə́ʼ se viyikìr fo mǒ sar kidàŋ. Á bèy, ké lèn ki, Nyùy siìr ne ŋkfə́tír e mò.» Adoni‑Besek yòŋ bèy, á ku nèn lì wun, e dù sho e Jerusalem, wù kpú fó.

Esta 10:1

Fòn Ahasuru‑uù dzə̀, a wù‑uù kan wir dzə̀m woo wun sar saʼ kánen, woo kèʼ fó mvə̀m wòŋ, e dù, e meé e ŋguùŋè rìbà ndzə̀v ji á wáa màʼ a mbàm see wun kitàv.