Daniel 11:16 - ŊWÀʼ NYÙY

¹⁶ Mo fòn woó Siiria sùmèn woó Ejiv e rə́r sí, wù kù wíy a yiì kinyo a dzə̀ ke koŋ wun, a bó wìr yòʼ wíy a meʼ wun. Wù wíy faàsì nsay ye dzəə̀n ye mbùʼmé, a wù wíy a ker vitaáví vée laàr fó ŋkuuŋkùŋ.

Daniel 11:16 Referans Kwoze

Daniel 8:9

Fo loŋ see sikweè sìn, yee mòʼón‑eè kér yìmòʼ yee loŋ shitérí, ye yì‑iì loòn, e fəə̀, a ker vitaáví, a ví dú, e mèé e mbìv wòŋ yee tsə́n, e mèé e yee fo shùy yii tó, e kfə̀n mèé e wòŋ, a dzə̀ woŋ ŋkàʼmée.

Daniel 11:41

Wù wíy nəə́ sa rə́r é nsay ŋkàʼmé, e tòn vitúm vinín, yii bèy, a vitúm vee Edom wùn Moav vi wíy bòy fo wun wo, e bóo lì vilìmbìy ve wìr veé Ammon.

Daniel 11:36

Fòn woó Siiria wíy a yiì kinyo a dzə̀ ke kí gheen wun. Wù wíy a koʼór wún, a tiy tiyín áànyùyí kitu, a shùr Nyùy wo wù shaàn anyùy, e liy si. Wù kù wíy a yiì bèy, é vinyo və́ ví wáa ghan, e meé mo Nyùy wíy màʼ ŋgeʼ e wun kitu. A Nyùy kù kér fó wiy yiì kinyo ke wù‑uù sìysìn.

Daniel 11:3

Á bèy, é fòn wo kuʼùn wùmòʼ nèn ŋàʼáy, a wù wíy a saʼ woŋ e wiíwíy, a yiì kinyo a dzə̀ ke kí gheen wun.

Daniel 8:7

M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.

Daniel 8:4

M yén, a kiyáʼ kìy ki guutì virə́ʼ mbìv sidzə̀m ji lá nyàm yìmòʼ yòʼ tàm wùn wun. Kí‑iì guutì mbìv yee fo shùy yii tó, guutì mbìv yee kuy, kfə̀n guutì mbìv yee tsə́n, a bó nyàm yòʼ‑oò dzə̀ shó ye a yì‑iì dzə̀ yì bòyìr kitú kfə́ fó wùn wó.

Daniel 11:45

Wù fəə́ rə́r bey, é wù tám kibeey kfə́ ké vifòn e kintìntìn ke rìbà ndzə̀v wùn ǎ gwan wo lav cù tíy sho. Yii bèy, a wù wíy kpu fo, là ŋgaà ghar.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

Aysaya 8:8

Á wíy sùm Juda moo ndzə́v ye kuʼùn ye yí rún, sum virə́ʼ, kóʼ, mee e wìr kilòŋ.» Yii bèy, Nyùy dzə̀ vèsən áwune. Wù kù wíy a kìŋsìn wír veé Juda mo shinə́n shí kùʼtí wón é sar vàv.

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.