Daniel 11:13 - ŊWÀʼ NYÙY

¹³ bìʼ fo fòn wo wù sáʼ kitúm kee Siiria kfə̀n wíy baʼtí mànjòŋ vé rərí, a wù táv é ŋàŋ, e kfə̀n kùʼ, e shaà wo wù‑uù kér fo mbìy. Ghán sí wíy gheen, é wù kfən fəə̀ rə́r, a wù kér mànjòŋ vé rər e gháʼán, kér kifá ke rər kidzə̀m.

Daniel 11:13 Referans Kwoze

Daniel 4:16

Á ku kùvsín vifií və́ fo vé wìr vi, é ví kfə́n e vé nyàm kwaʼ vi, e kù gòʼ bèy, e bǎm kiya saàmbà.

Daniel 12:7

Nshìylav ye yì‑iì màʼàn ndzə̀y ye baán, a tiy e mbìv kùy ndzə̀v nèn nàn wó rə́ yee baà, a kìʼ yúv shó. M yú, a yì yí kilìʼ, kan wun wo wù dzəə̀n shó, e wìy dù, e jòʼsì, yoŋ jii, «Wíy a dzə e bǎm viya vitaár e kimbéʼ ki, a sì ghán sin se á maysì, e ghaʼ wír Nyùy, é nə̀ʼsì və̀n nèn mày.»

Daniel 11:12

Wúnwun woo fon woó Ejiv maysì yúyri mànjòŋ vé rər və̀n, é wù nèn a koʼór wún bìʼ nyanyày wìr wo wù yuyrin. Yii bèy, a bó wù yòʼ wíy yòv nsiì və̀n, é ntàm dar,

Daniel 11:14

Kù é ghan see shoon, wíri wíy ŋaʼáy anín, a taamé fon wo wù sáʼ kitúm kee Ejiv. Vé melàa wíy fəə fo věn kitum, a gùynìn ji á fiʼ rùnér kinyo ke Nyùy‑iì ghemen ndzə, e dìn e wíri é njà kinjeenjèm. Yii bèy, a bó kí yòʼ wíy lìm.

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.