Daniel 11:12 - ŊWÀʼ NYÙY

¹² Wúnwun woo fon woó Ejiv maysì yúyri mànjòŋ vé rər və̀n, é wù nèn a koʼór wún bìʼ nyanyày wìr wo wù yuyrin. Yii bèy, a bó wù yòʼ wíy yòv nsiì və̀n, é ntàm dar,

Daniel 11:12 Referans Kwoze

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

1 Timoti 3:6

A bó kí yoʼ ghèén sa ji á lem wír ji kilìmbìy ke kintatì, a dzə̀ wo dzə̀ə́ wír wo fíy e kinyò ke Jesus Kristu. Aá yiì bèy, ghanmóʼ, é wù nèn a yen kitú kfə́ é ŋàŋ, lóo gùynìn, é wù nèn gbù mo Satan‑eè gbuùn.

Daniel 8:25

Wù wíy a fiír feyì, a yiì vinyo və́ bám bám, é kimboʼtì ki kú a kuy kuyín e wun saʼ. Wù wíy a koʼór kitú kfə́, a yen ji moo wun yòʼ dzə̀. Aníne wíy lòo kwàʼ ji á dzə̀ akiŋsìn, e wù nèn tò, e laàr áwune. Wù wíy lò, a tsəy kóy wùn Fòn woo Fon fo afone. Yii bèy, sáʼ rəə́ wíy gbù, a bó kee shooy ki yòʼ fə̀m wíy ghan a dzə̀ wó wìr msòŋ.

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Esiker 28:17

Wò‑oò kér kiŋkoʼòrwùn é shiliv, bìʼ fo à toon sí. Wò‑oò wày vifií é bùʼ e ŋàŋ, e dù e kiyuŋ. M nèn sàn wò e nsay tèéter, aàfoné si, á wáa kiy wò.

Esiker 28:5

À dzə̀sì ne káv wó, a kù dzə̀ bìʼ vifií vé way ve à kérí. À wày ne shilív shé e kav foo fèy, nèn a yu wún.

Esiker 28:2

«Wàn wìr msòŋ, yòŋ ŋgaà saʼ woó Taya, e sùúy sho ji ke Nyùy Tàr woo Taà Ndzə suuy ki dzə̀ á jii: « ‹À kér kiŋkoʼòrwùn e wò shiliv, dzəv nsaŋ, yoŋ ji m sì nyùy, sévti ji m dzə́ e kàvàʼ, e ntìntìn rìbà ndzə̀v, a dzə̀ wo anyùy. Wò, aà dzə̀ wír fo wìr, aà yòʼ dzə̀ nyùy wùmòʼ, fə̀m mo à sév ji vifií vé vi dzə̀ á vé anyùy.

Ŋgàn 16:18

Wìr kóʼor wún, wù nèn lò gbù, lóo yen kitu kfə́, wù tò é kinyò.

2 Wòŋ 32:25

Fòn Hesekiya lò, e nèn a koʼór a dzə̀ wún, e làa yòʼ a beèrì Nyùy béerin fó vinyò vidzə̀m ve wù yiìn e wun. Nyùy nèn yù nyár, e bàʼtí ŋgeʼ, a kìʼ Fòn Hesekiya wùn à wír veé Jerusalem, à veé Judàa shó.

2 Wòŋ 26:16

Fòn Ussiya lòo ker vitaáví é ŋàŋ bey, e nèn a koʼór wún. Kiŋkoʼòrwùn kí nèn yiì, wù gbù. Wù‑uù jày kinyo e Nyùy Tàr woo Nyùy və, a wù nəə́ é lav cù ji wun ton a kiláy é kiy kilay.

2 Wòŋ 25:19

À suuy jii, á leéy á mo à fùnèn ne, e ghàʼ Edom, aà suuy, túy shwín, raʼsì wún. Á dzə rì a dzə̀ é laʼ. À taʼ shuu wo dzə̀ wú wìy e ŋgeʼ si e vèn à Juda kitu bèn bìʼ ka?»

2 Afòn 14:10

À fùnèn ne, e ghàʼ Edom, e nèn a koʼór wún. Á dzə e laʼ, a sheʼrí a dzə̀ ton ye à fùnèn Edom, e tòne. À taʼ shuu wo dzə̀ wú wìy e ŋgeʼ si e vèn à Juda kitu bèn bìʼ ka?»

Remrí 8:14

vèn wàa yen fóo koʼór wún, e làysìn Nyùy Tàr woo Nyùy won wo wù‑uù fəərin ven fó wòŋ Ejiv fo lav vikwàn.

Daniel 11:11

Wù yii bèy, é fòn wo wù sáʼ kitúm kee Ejiv nèn shwìíy kilòŋ, e fəə̀, e fùnèn fon woó Siiria. Wù fəə́, aá fəə́r mànjòŋ vé rərí, a wù wíy tòn vé rər veé Siiria adzə̀m.

Daniel 11:13

bìʼ fo fòn wo wù sáʼ kitúm kee Siiria kfə̀n wíy baʼtí mànjòŋ vé rərí, a wù táv é ŋàŋ, e kfə̀n kùʼ, e shaà wo wù‑uù kér fo mbìy. Ghán sí wíy gheen, é wù kfən fəə̀ rə́r, a wù kér mànjòŋ vé rər e gháʼán, kér kifá ke rər kidzə̀m.