Daniel 11:11 - ŊWÀʼ NYÙY

¹¹ Wù yii bèy, é fòn wo wù sáʼ kitúm kee Ejiv nèn shwìíy kilòŋ, e fəə̀, e fùnèn fon woó Siiria. Wù fəə́, aá fəə́r mànjòŋ vé rərí, a wù wíy tòn vé rər veé Siiria adzə̀m.

Daniel 11:11 Referans Kwoze

Daniel 8:7

M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.

Daniel 11:5

Fòn wo wù wíy a saʼ kitúm kee Ejiv dzə̀ bey, a wù kù yòʼ wíy a ker vitaáví vé saʼ e ŋàŋ. Yii bèy, taà ntoʼ və wùmòʼ wíy a tav, a shaà wun, a tsəy kóy wùn wun, e wìy lò, e faàsì mbìv wòŋ yìmòʼ, a saʼ. A sáʼ rəə́ dzə̀ sáʼ, a yí wíy a dzə e gháʼtín.

Daniel 11:44

Yii bèy, a wù wíy yu sáʼka wo wù loòn fó mbìv ye shùy yii tó fo fo, à wo wù sə́y fo mbìv wòŋ yee fó kùy, é wù fó wun shiiykìʼ. Tímé ndzə́ʼ wun, é wù fəə́, e dù, e yùyrí wír anín, e sə̀ʼsí səʼsín.

Daniel 2:38

A wìr fə̀m‑eè soò feé, nyàm kwaʼ soó feé, e bóo lì menə́n me mè féŋ e yuv, bo Nyùy kù wày á ne vifá vìn vidzə̀m a dzə̀ e wun kiwo, e lèm a wun ji taà saʼ, á wáa saʼ a vifá vìn vidzə̀m. Kitú ke kibámmbó ke kí‑iì dzəə̀n é njèm, aá fér a dzə̀ e kisha ke mbàm ke baar kí, fèn dzə̀ á wun.

Jeremia 27:6

Lèn və̀n, m fò ne vitúm vidzə̀m e ŋgaà lìm wom woo Fòn Nebukadnessar woó Babilon, e kfə̀n fò nyám se kwaʼ sho, sí wáa lìm sa fo wun.

Nsùyrì Nyùy 76:10

Rúrú, dòʼshwiiy wíri kù yíi màysì, a dzə̀ é burí ji á búrí vitaáví vé Nyùy. Wìr boy fo rər se à maʼà, bo kù sì fə́ə nsiì yé, à wàa kwa ŋgúʼ.

1 Afòn 20:28

Ŋgaà ntum Nyùy nèn wìy, e yèn Fòn Ahav woó Isray, e sùúy sho ji Nyùy Tàr suuy a jii, «Mo wír veé Siiriàa yoŋ mo ji Nyùy woó agwan, a yòʼ dzə̀ woó mboʼ, m lo, e way ŋkfə̌n wìr vìn e wò kiwo, áà nèn kìíy ji m dzə̀ á Nyùy Tàr.»

1 Afòn 20:13

*Ŋgaà ntum Nyùy nèn wìy fo Fòn Ahav wùn, e sùúy jii, «Nyùy Tàr suuy jii, ‹Lá à yòʼ a fàn mànjòŋ wo wù beéme və̀n. M yíi way e wò kiwo lán, áà nèn kìíy ji m dzə̀ á Nyùy Tàr.› »

Daniel 11:12

Wúnwun woo fon woó Ejiv maysì yúyri mànjòŋ vé rər və̀n, é wù nèn a koʼór wún bìʼ nyanyày wìr wo wù yuyrin. Yii bèy, a bó wù yòʼ wíy yòv nsiì və̀n, é ntàm dar,

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.