Daniel 10:9 - ŊWÀʼ NYÙY

⁹ M nèn lò, e yù, a wìr və̀y súŋninè, e lòo yuurí kisúŋnìn kfə́, mbuùné sí súm mo súmen, m wáa neŋ fo nsay kfə̀ə́kfəv.

Daniel 10:9 Referans Kwoze

Daniel 8:18

Wù‑uù súŋnin vèr wun, a m kì buùné ne, e tònén, a sí yémé kù dzə̀ə́ e tsə́mén fó nsay e njèm. Yii bèy, wù ghár mo, e nàn, e tìír, m tiím tìítiy.

Ŋwàʼ Jov 4:13

Vinjeenjèm vi wíy e mǒ si vitsə́ʼə́, a dzə̀ é ghan se wíri yii buúne, tónenè,

Kèʼlo 15:12

Kù mo shùy‑iì màʼàn mbàŋ, Abram nèn lò buùné, e tònén. Wù lòo buuné, wúné lò, e beèmé wun, fan ye ghaʼáné nəə́ e wun shiliv.

Ŋwàʼ Luk 22:45

Wù bùnrì, e màysì, e nànèn, e kfə̀n fo wón və́ lìme kì dzəə̀n, e yèn, aá buúne, bìʼ fo vé‑eè rə̀mèn vinyo e ŋàŋ, e nèn dòr.

Ŋwàʼ Luk 9:32

Á wáa suŋnín, a Pita wùn à Jeem, à Joon kì sí buúne. Á lòo sàsìn, e yèn mo rán Nyùyi bán fo Jesus wùn, e kfə̀n yèn, a wír vee shooyi tíy e wùn ghaŋ abaà.

Yòv Viŋgér 5:2

Yì‑ii dzə̀, a m néŋ e kikun, buúne, a shilív shém shí kù tar vinyo, m yú jí tàr à wíri woo ŋgaà ŋkòŋmé wom. M yú, a wù kum nshìy, yoŋrì mo yóŋrin. Yeè lav fo mò, shilìv shem, kibìŋ kém, ŋgaà wo m shavin shávín, ku mvə̀ʼ lav, é m nəə́ shó. M tìím ne e ndzə, ŋwéʼe gbú e mǒ kitu. Wuú vitsəʼə́ fə̀fə̀ ne, nə́ŋ si rə́ fo mǒ kitu sidzə̀m.

Ŋwàʼ Jov 33:15

Wù súŋnin e njèm, kìn é vinjeenjèm vitsə́ʼə́, a mbuùné sí súm ne wíri. Á buúne, shúu rəmè,

Kèʼlo 2:21

Á bèy, Nyùy Tàr nèn yiì, wìr buúné, e tònén. Wù nèn shòʼ kighvə́r kímóʼ kí fo wìr buu nsaŋ, e sə̀tí fó e jav.

Ŋgaà Yen 1:17

Mo m yenen wír və̀y, e nèn gbù e si wo, a m sì moo kimkpú ke kifa. Wù màʼ kiwó kfə́ ké yìy kí e mǒ wùn, e sùúy jii, «Lá à yòʼ a fàn. Dzə̀ mo wo dzəə̀n Keʼ, e kfə̀n a dzə Kinjòʼsì,

Daniel 10:16

M lòo sə̀n, Nshìylav Nyùy ye yì‑iì shwínin wir msòŋ rə̀y kúm mo fó ntù shuù. M ku nèn mvə̀ʼ shuu wóm, a suŋnín e wun wo wù‑uù tíy e mǒ si, a suúy sho jii, «Tàr wor, kinjeenjèm kém kin ki rèŋèr ne mo, a bó kitar ki yòʼ dzə̀ə́ e mǒ wùn.

Habakuk 3:16

M yú vinyo vìn, wúné wàa yàʼ mo yáʼan, shuu wómé yùm, e dù mèé e toór kilòŋ, vighvə́r ví wàa bvəʼə́y mo bvə́ʼə́yín, wuú wàa bàyrìn mo báyrin. M ku nèn dzə̀ʼə̀m ji nyaáŋ, a shìy ghán, ghán, se Nyùy wíy màʼ ŋgeʼ e wír ve á gim verí.