Daniel 10:8 - ŊWÀʼ NYÙY

⁸ M ku nèn a dzə fo vèr mòʼón, a leéy kinjeenjèm kìn, a kitar ki yòʼ dzə̀ə́ e mǒ wùn. M lò, a kìʼ e dzə́ʼsín, ye a shwéri‑iì feè mo, m gbù.

Daniel 10:8 Referans Kwoze

Daniel 7:28

«Á kinyo kidzə̀m ke mò‑oò yenen é njà kinjeenjèm. Mò‑oò yèn, wúné beémé mo, m bínkír a fər moo shiŋgíy. Yii bèy, kí ku gòʼ, e yùm e mǒ wùn, la m yòʼ fèr e wìr.»

Habakuk 3:16

M yú vinyo vìn, wúné wàa yàʼ mo yáʼan, shuu wómé yùm, e dù mèé e toór kilòŋ, vighvə́r ví wàa bvəʼə́y mo bvə́ʼə́yín, wuú wàa bàyrìn mo báyrin. M ku nèn dzə̀ʼə̀m ji nyaáŋ, a shìy ghán, ghán, se Nyùy wíy màʼ ŋgeʼ e wír ve á gim verí.

Daniel 8:27

Á bèy, mo woo Daniel nèn lò, a mày màyìn, e jòy feyì fo bǎm vishiíy. M jòy bèy, e ŋàʼáy, e nèn kfə̀n é bàm, a lìm vinshìylav vém é ntoʼ. Kinjeenjèm kìn ki‑iì yiì, shilív shí wáa buʼ mo búʼún, la m yòʼ kìíy nsàv rə.

Ŋgaà Yen 1:17

Mo m yenen wír və̀y, e nèn gbù e si wo, a m sì moo kimkpú ke kifa. Wù màʼ kiwó kfə́ ké yìy kí e mǒ wùn, e sùúy jii, «Lá à yòʼ a fàn. Dzə̀ mo wo dzəə̀n Keʼ, e kfə̀n a dzə Kinjòʼsì,

Maak 9:6

Pita wáa tùʼtìn a suúy bèy, a dzə̀ bìʼ fo áwune‑eè fan e ŋàŋ, wù ku nèn a tàʼ ji wun baʼ kinyo fo shuù.

Matio 17:6

Wón lìm Jesus vìyi yú mo jì rə̀y suŋnin bey, e nèn gbù, e tsə̀m sí yév é nsay, a yàʼ yàʼàn.

2 Korin 12:7

Mo m shovin vilìtì ve vinyò vinín bèy, Nyùy nèn yèn ji ghanmóʼ, é m yìi a yen kitú kém é ŋàŋ. Wù nèn màʼtì, Satan tsə́m mo, m ndzə́m. A ndzə́m və̀n sovtì mo moo njoŋ kifa, sər mo fo m wáa koʼór wún.

Daniel 8:7

M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.

Kèʼlo 32:31

Wù wáa lò fo Penuel, a sì é kintoshùy, a dù, a teèsì bìʼ kiyéŋ kfə́ ke kí‑iì shoʼomen.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Ŋwàʼ Fəə 3:3

Wù nèn sùúy jii, «M kù‑úù kóʼtí fó mentsə̀m, e yèn kiŋgaʼnìn ke kinyò kee ben, ke və́yí baári e kici, a bó kí yòʼ shwí.»

Daniel 10:16

M lòo sə̀n, Nshìylav Nyùy ye yì‑iì shwínin wir msòŋ rə̀y kúm mo fó ntù shuù. M ku nèn mvə̀ʼ shuu wóm, a suŋnín e wun wo wù‑uù tíy e mǒ si, a suúy sho jii, «Tàr wor, kinjeenjèm kém kin ki rèŋèr ne mo, a bó kitar ki yòʼ dzə̀ə́ e mǒ wùn.

Daniel 10:17

Tàr wor, a dzə̀ m ghàn é le, e bó a suŋnín wòsò, a m dzə̀ kém ji kwàn wó? Kém kí dzə̀ lèn, a kitar ki yòʼ dzə̀ə́ e mǒ wùn, a m sí yoy, yoy ntéŋ.»