Daniel 10:7 - ŊWÀʼ NYÙY

⁷ Kù‑uù jòʼsì mo woo Daniel wo mò‑oò yenen kinyo kìn e njà kinjeenjèm. Wír fo wìr ve vèr áwune‑eè dzəə̀né yòʼ‑oò lo yèn. Yii bèy, fan ye tavíné súm áwune, á léʼkír, e dù, e lìr.

Daniel 10:7 Referans Kwoze

Lim Aŋgàa Ntum 9:7

Wír ve vé‑eè ghán wùn à Sauli wáa yu jí yee shooy, e làa yòʼ a yen wír, e tìím fo, shúu wóví yúm.

Lim Aŋgàa Ntum 22:9

Wír ve vèr áwune‑eè ghánée wáa yen rán yee shooy, e làa yòʼ a yu jí wìr wo vèr wun súŋninè.

Kèʼlo 3:10

Wù bìnèr jii, «M kì yù, a nsən sé si giv e mvə̀m kiboò, m nén a fàn, e nyèŋ, e lìr, bìʼ fo m kì dzəə̀n kinshóʼ.»

Hibru 12:21

Vinyo ve áwune‑eè yenen fó vi‑iì beèmé é ŋàŋ, Mooser kitú kfə́ wáa suúy jii, wun fàn feyì, wúné ló, a yàʼ wun a yáʼan.

Aysaya 2:10

È wìr msòŋ ey, vèn nyéŋ, e shèmkír e mbvə̀ʼ si. Vèn túŋ bií sí, e lìr sho. Nyùy Tàr wiyì, a wù wiy e ŋgeʼ ye beemén. Nyùy Tàr kùʼ e ŋàŋ, e kfə̀n a dzə e gháʼtín, a bó yòʼ dzə̀ vèn tìím é si wo.

Esiker 12:18

«Wàn wìr msòŋ, à lóo yikír, à wàa ker kindzə́m. Lóo no mendzə́v, à kù a no, a yàʼ.

Jeremia 23:24

A dzə̀ wìr lìr é kirə̀ʼ, ye bó yòʼ dzə̀ m yèn wun à? Suuy mo woo Nyùy Tàr. Bó m yòʼ dzə̀ é yuv wùn ǎ nsay à? Suuy mo woo Nyùy Tàr.