Daniel 10:6 - ŊWÀʼ NYÙY

⁶ Wún vəə́‑əə̀ kiʼ moo *síbaŋ yee beril, a rə́r sə́ sí bavkìr mo ŋwàŋ kishèv, wón sii wáa njàʼkìr moo kiliímé ke və̀y. Kóy sə́ wùn à shwín sí‑iì dzə̀ moo kisha kee *brons ke á sòtìrìn, a wù súŋnin, a kí koó mo ko màŋgòŋ.

Daniel 10:6 Referans Kwoze

Ŋgaà Yen 19:12

M yén, a wón sii njaʼkìr fo fo, baári moo kiliímé ke və̀y, a wù sóv ntáráʼ e tom e ntáráʼ. Aá sáŋ yír yímóʼó é wùn wó, a bó wìr yòʼ kì nsàv. Kù kì wun nsàv yìr yee shooy.

Matio 17:2

Á lòo yen, a Jesus kúvsín ne, a kìʼ jeéy. Sí rəə́ wáa ban moo shúy, ndzə̀y sə́ sí wáa fər, e kfə̀n a tokír moo sí shùy.

Esiker 10:9

M lòo leéy, e yèn kár e kweè e vifá veé yuv vin ví ghaŋ, a kár mòʼón mòʼóne dzə̀ e kifá kee shó kí ghaŋ, njaʼkìr moo *síbaŋ yee krisoli bèy.

Esiker 1:24

Ví lo ji ví féŋé, m yù, a vav sév sí biŋrì mo léŋ ndzə́v, yorì, kfə̀n wámkir moo jí ye dzəə̀n ye Nyùy woo Ŋgaà Vitaàví Vidzə̀m, kfə̀n ko moo mànjòŋ vé rərí bey. Ví sə́y, tiimè, ví nèn boòtí vav, kiyor ki sə̀sín.

Esiker 1:16

Fo nshwìnin kar si, à dzəə̀ ye vé‑eè fèrìn shó, kí dzə̀ jii, sí kù‑uù dzə̀ réŋréŋ sidzə̀m, njaʼkìr moo *síbaŋ yee krisoli bèy, aá fér, e shwàʼsín yímóʼó e yímóʼó mvəm.

Esiker 1:14

Vifá ve ví ŋeʼ vìy vi‑iì léʼ, du e mbìy, kfə́n e bàm mo bavkìr kishèv bèy.

Ŋgaà Yen 21:20

Mbìv yee tàn wáa dzə oniks, a yì shomkìr shòmkìn, yénsinè. Mbìv yee ntuùfú wáa dzə karnelian, a yì yénsin moo kileèy, kfə̀n baŋ moo fə́ə nsiì. Mbìv yee saàmbà wáa dzə kfə́ə sáylúm yímóʼó, a yí baaŋè baàŋèn moo kisha ke mbàm. Mbìv yee waamé wáa dzə beril, a yì səə́ne moo ndzə́v. Mbìv yee bvə̀ʼə̀ wáa dzə topar, a yì yénsin, kfə̀n baaŋè moo nshùʼ. Mbìv yee ghvə̀m wáa dzə kalsedoni, a yì səə́ne səə̀nén moo vibábár. Mbìv yee nshòv mòʼón e ghvə̀m wáa dzə jasin, a yì səə́ne kfə́ moo shinsəʼ. Mbìv yee nshòv sibaà e ghvə̀m nén a dzə amatist, a dzə̀ síbaŋ ye yí səə́ne moo shitòŋ.

Ŋgaà Yen 10:1

M kfən siì yèn, a kigha ke nshìylav Nyùy kímóʼ kí sə́ʼəy fo yuv, a mbàʼ báʼtí é wùn wó mo wù màʼ a dzə̀ ndzə̀y, a rə́mé daá é kitu wo. Vishí və́ ví wáa njàʼkìr moo sí shùy, shwín sí wáa baarí moo vitsə́m vé və̀y.

Ŋwàʼ Luk 9:29

Wù dù, e lòo bùnrì, vishí və́ ví nèn bìnkìr, a kìʼ jeéy. Ndzə̀y sə́ sí kfən kùvsín, a fər, a njàʼkìr.

Esiker 1:7

Shwín sév sí‑iì dzə̀kìr tìítiy tìítiy, a wuú sév sí kér mfay moo ye nàʼ bèy, njaʼkìr moo kisha kee brons ke á yoʼon bey.

Ŋwàʼ Fəə 28:20

é ŋgoo yee kweè wáa dzə beril wùn à oniks, à jespa, áà tuúy síbaŋ sin, e jùŋ e mòʼón mòʼón e kisha ke mbàm ke baar kí.

Matio 28:3

A sí rəə́ ŋwaŋkìr moo kishèv, a ndzə̀y sí rán fo wùn wó ji pép.

Ŋgaà Yen 2:18

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Tiyatira. A wú dzə̀ jii: «Kinyo kìn ki suuy mo woo Wan Nyùy. Dzə̀ mo wo wón sii njaʼkìr fo fo moo kiliímé ke və̀y, a wuú yémé rán, tókir moo kisha ke baar ke á naŋsin, e yètìr.

Yòv Viŋgér 5:14

Kóy sə́ sí dzə̀ sifur sifur mo á fèr e kisha ke mbàm ke baar kí, a wù wáyrí wún áàndzə̀ŋgwáŋ sùsù veé kilùme. Wún vəə́ dzə̀ e lerìsìn moo sóŋ kitàm ye seméné, aá kfə̀n nàŋsín e *síbaŋ yee safirìi.

Esiker 40:3

Wù‑uù kòʼór mo fó mentsə̀m, m yén wír, a wù tíy e shùu kibùʼ ke kày, njaʼkìr moo kisha kee *brons bèy. Wù‑uù kér kfəə̀ mfìʼ e wun kiwo, kér kicí ké mfìʼ.

Esiker 8:2

M lòo leéy, e yèn kifá, a kí shwínin wír. Kèʼ fo mentìntìn, a səy, fóo fèyi‑iì dzə̀ é njà və̀y, e kèʼ fo fo, a koʼ fo kùy, a fóo njaʼkìr moo kisha kee *brons ke á sòrìn.