Daniel 10:3 - ŊWÀʼ NYÙY

³ tén viyíkìr, kfəə́ne a dzə̀ ve kfəənén ví, a bó kintín ke nyàm, kìn bàr shilùʼ yòʼ‑oò lo kùm shuu wóm. M yòʼ‑oò lo ghàn sòr wún féyì, e dù meé mo ŋgàm see sitaár sìn si‑iì shaàn.

Daniel 10:3 Referans Kwoze

Matio 6:17

M nén a suúy e vèn vin jii, vèn lóo lèm jíŋ, vèn sù á sí yén, e nàŋsín, e sòr, e kfə̀n saà kitú.

Amos 5:11

Bìʼ bey, mo vèn nyavrì e ŋgaà kitàn, sə́ nshwǐ vifa ve wù lim fo fo, bo bó vèn yòʼ wíy shiíy e lav se vèn bomen, sí wáa njàʼkìr. Vèn bìy ne vitiír vé vayin, ví wáa tèʼ, a səəné, a bó vèn yòʼ wíy luʼ bàr shilùʼ fo fo e shuù.

Daniel 11:8

Wù wíy kuúy mebvə̀m mee anyùy vév, e tatí wùn à vikáŋ vév vee *kisha ke mbàm ke fəvír kí, à vee ke baar kí, ve dzəə̀n vifá vév ve ghaʼtín ví, e dù sho e Ejiv. Wù du bèy, é la wù yòʼ dzəə ghìʼ fon woó Siiria e rə́r sí e bǎm viya vinín.

1 Korin 9:27

M nyavrì e wún wómé, merìr, é wú fiʼ biìmé ŋgeʼ sidzə̀m, fo Nyùy wìy yèn ji bó m yoʼ ghèén, e tsə̀ʼ mo fo aŋgaà və́ lìmé ŋgoo. A kfə̀n dzə̀ mo wo mò‑oò yéʼey aŋgaà və́ lìm vee shooy.

Nahum 2:9

Vèn túr *kisha ke mbàm ke fəvír kí túrín, e tùr kisha ke mbàm ke baar kí. Bùʼ tsəətìn tsəə̀tìn é ŋkàlaʼ fèn, kfəə́ e dzə̀m.

Daniel 6:18

Fòn nèn kfə̀n é ntoʼ, e shìíy e yuv vitsə́ʼ vifur, e làa yòʼ ker ŋgay, e làa yòʼ luʼ kifá e shuù, a bó á yòʼ‑oò lo wìy e kidzə́n ki ji kí wáa cèŋ, é fòn wáa yu vijuŋ.

Ŋwàʼ Jov 33:20

shúu kù a kpu wun kpuún fó viyikìr, a fə̀m dzə̀ ve wù yii koŋè, bo ví kù sí lo, a bir wun bírín.

2 Samuel 19:24

A Mefiboshet woo wan Saul kì sə̀y sá ji wun yén á fon. Wù wáa wìy, a wù dzə̀ e wuú wùn à ndzə̀y sí là su, à kighev ki là kóm. Kù dzə̀ mo wù‑uù siiyin a dzə, e kèʼ mo fòn‑eè loòn fó Jerusalem ji wun kù wíy a dzə bèy, e dù, e meé mo fòn wíy kfən kijuŋ.

Ŋwàʼ Luk 7:46

A bó à yoʼ lò sòr kitú kém, a fə̀m dzə̀ e meŋgvə́r mè. Yii bèy, a wiíy və̀n kì sòr ne wúu yém a dzə̀ e biʼi.

Daniel 10:12

Yì nèn yòŋ mo jii, «Daniel, lá à yòʼ a fàn. Nyùy kù‑uù yù ne tóŋ yé, e kèʼ fo kishiíy ké mbìy ke wò‑oò neèmèn e wun si, a lon ji wù ku yiì, áà kiíy jeéyjeey ntum ye yì‑iì wìyìn e wò. M wìy bèn, a dzə̀ bìʼ kinyo kee shooy.