Daniel 10:2 - ŊWÀʼ NYÙY

² Yì‑iì dzə̀ é ghan see shooy, a mómò woo Daniel, a m sí diy ji ŋgàm sitaár,

Daniel 10:2 Referans Kwoze

Nehemia 1:4

Mo m yuun vinyo vìn, e nèn dzə̀ʼə̀m, a toŋ. Vishiíy ví wáa liysín vinín, a m diyì, lem jíŋ, kfə̀n bunrì Nyùy woó yuv.

Ŋgaà Yen 11:5

Áwune wíy wìy, wìr lóo mùm áwune, aá cú və́y fó shuù, e laàr aŋgàa vibàn vee shooy sho. A dzə̀ mo kí wíy a dzə, wìr wíy mùm áwune, bo ŋgaàŋ kpù ne.

Jeem 4:9

Vèn wáa woomé fo věn vinyò ve bi ví, a sòv kitú, a dìy. Vèn maʼti shéʼe, a toŋ toŋén. Vèn bér kishéʼrì ki, a rə̀m a dzə̀ vitú vén.

Matio 9:15

Jesus bìnèr jii, «Vèn kwaʼ ji dzə̀ wíri dù vijín, wùn à lùm jìn wàa dzə, á kfə̀n a ser e vifù á? Yii bèy, vèn wáa kiíy jii, ghán sí wíy gheén, á faasì lum jìn və̀n fo vé vijiné, aáwune nèn a dìy, a lèm jíŋ.

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Aysaya 66:10

Á bèy, ven ve á koŋ ŋkàlaʼ Jerusalem, vèn wáa sheʼrí, é vèn áwune wáa yu vijuŋ. Ven adzə̀m ve vèn‑eè sov kitú, bìʼ ŋgeʼ ye yì‑iì nəə Jerusalem, vèn tátí áwune, é vèn áwune wáa sheʼrí lèn,

Nsùyrì Nyùy 43:2

À dzə̀ Nyùy, a m bee a dzə̀ e wò sar. À màʼày mo ben bìʼ ka? Aŋgaà vém vibàné nyavrì e mò, à máʼtí, m wáa dìy ji ka?

Nsùyrì Nyùy 42:9

M suuy e Nyùy wo dzəə̀n kilán kém jii, «À làysìn mo bìʼ ka? Aŋgaà vém vibàné nyavrì e mò, à máʼtí, m wáa dìy ji ka?»

Daniel 10:12

Yì nèn yòŋ mo jii, «Daniel, lá à yòʼ a fàn. Nyùy kù‑uù yù ne tóŋ yé, e kèʼ fo kishiíy ké mbìy ke wò‑oò neèmèn e wun si, a lon ji wù ku yiì, áà kiíy jeéyjeey ntum ye yì‑iì wìyìn e wò. M wìy bèn, a dzə̀ bìʼ kinyo kee shooy.