Daniel 10:14 - ŊWÀʼ NYÙY

¹⁴ M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Daniel 10:14 Referans Kwoze

Daniel 8:26

Kinyo ke à yenen é njà kinjeenjèm kùm cu ki kù wíy gheén wùn à kinyo kee kùm cu yee kijàvndzə wùn à yee ŋkuùr ke á kì naàrìn ne ki. Yii bèy, ké lèn ki, ku lèm kinjeenjèm kìn ki é kilìtì. Kí din a dzə̀ kinyo ke kí wíy a koóy fo mbìy, e bǎm viya nyanyày.»

Daniel 2:28

Yii bèy, a Nyùy dzə̀ á e yuv, wo wù yii sar vinyo veé kilìtì. Wù dìn a ne e fòn kinyo ke kí dzəə́ bvəə́shi a koóy. Mo‑óò fiʼti á e fòn njèm ye fòn‑ee neèmèn é mbvə̀ʼ, yì shí wun, vinyo ve fòn‑ee yenen é njà vinjeenjèm.

Habakuk 2:3

Ghán se ntum rə̀n yíi fəəsín si yóʼ ne ghèén. Yii bèy, yì kù sí nyoorì ji yì fəə́sín, a bó yòʼ dzə̀ yì shaà fó ghaŋ. A yì fə̀m ndzəyì, à kù a shìy, bo yì kù‑úù fəə́sín, yì yòʼ‑óò ndzəy.

Daniel 12:9

Wù bìnèr e mò jii, «Daniel, kú a dù du yée. Jí see shooy si dzə̀, aá sə̀tí ne e kifin ki. A kù dzə̀ bey, e dù, e meé e ghan sé bàm sí.

Daniel 12:4

Daniel, fo ké ki, sə́tí jí se sí dzəə̀n é ŋwàʼ fèn si, e fìnèr e kifin ki, e meé mo ghán sé bàm sin si wíy gheén. Aneéníne wíy a leʼnín, a koʼ, a səy, a mùm ji á wáa kiíy vinyo, a dù duùn fó mbìy.»

Mayka 4:1

Wíy lòo dzə e ghan sé bàm sí, é gwan wo lav cù Nyùy Tàr tíy sho wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a màŋgòŋ wíy a mèʼèm, a wìy fo.

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Aysaya 2:2

Wíy lòo dzə e ghan se sí wiyì, é gwan wo lav cù Nyùy Tàr tíy sho, wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a vitúm vidzə̀m vi wíy a mèʼèm, a wìy fo.

Remrí 4:30

Vinyo vee shoon vi wíy lóo koóy ven, ŋgeʼ ye tavín nəə ven, é vèn nèn bìnkìr, e kfə̀n e Nyùy Tàr woo Nyùy wón wùn, a yunín wun.

Kèʼlo 49:1

Jakov jàŋ wón və́ vee vilum, e sùúy jii, «Vèn báʼtí adzə̀m, é m suúy ven kinyo ke kí wíy koóy ven é ghan se sí wíy a wìy.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

2 Timoti 3:1

Kú a kiíy ji wíy lòo dzə e ghan sé bàm sí, é vinyo vi wáa tavkír.

Daniel 10:1

Wáa dzə e kiya ke kí‑iì meen ji taár, ke Sayrus‑iì sáʼ ji fon woó Persia, ntum Nyùy wìy fo Daniel wo yír yímóʼó‑oò dzəə̀n ji Belteshasar. Ntum rə̀n‑eè dzə̀ ntum ye ru, aá fínér, a yì‑iì tàv é ŋàŋ fo wìr kiíy mvə́m. Daniel wáy vifií é ntum fèy, kinjeenjèm ki wìy e wun si, wù kiíy mvəm ntum rə̀y.

Daniel 9:22

Wù wíy, e yèn mo, a naàrì vinyo e mò, a suúy jii, «Daniel, m wìy ne bèn ji m yii, áà wáa kiíy mo dzə̀ à wàa tàr vinyo, a kiíy jeéyjeéy fó fo.

Remrí 31:21

Vinyo ve bi ví wùn à ŋgeʼ si wíy lóo gbù aáwuné kitu, é luŋ və̀ne kú a yìmrì áwune moo njen, bìʼ fo wú wíy gòʼ e ŋgwàʼ sév sí shuù. M kì kinyo ke áwune taáme, é bo m fəm lì áwune, a dù sho e nsay ye mò‑oò kàʼàn ji m fó aáwune.»

Remrí 31:29

M sì é shùu kpu, a m kì jii, yì yíi ran kibvəə́shí, é la á yòʼ dzə́ə a ci kinyo ké a yiì, kìn dzə̀ ke juŋ ki, kìn ke bi kí. Áwune yíi a yiì bèy, a tav kitú fo Nyùy Tàr, e ten fó a dzə mo mò‑oò yòŋèn ji á wáa dzə. Nyùy Tàr wíy shwiíy kilòŋ, é vinyo ve biibí ví wáa koóy áwune.»

Esiker 12:27

«Wàn wìr msòŋ, e ké ru kí, wír veé Israyi yoŋ jii, ‹Vinyo ve à rəsí tiísi ji ghèm á Nyùy ndzə e wò vi yòʼ dzə̀ á kinyo keé shùu kiwo. Dzə̀ á ntum vinyò, a dzə̀ ve ví dzəə́ wìy a dzə kwaʼda.›

Daniel 8:16

M yú jí, a yì wiy fo kitu ke ndzəv yeé Ulay, jaŋ Gabriel, suuy sho jii, «Gabriel, tóʼtí nsàv kinjeenjèm kìy e wìr və̀n.»

Kintaŋ 24:14

Balaam lò, e sùúy e Balak jii, «Bo mo‑óò du, e yèn wír vém. Yii bèy, wìy ó, m lo, e yiì, áà kiíy kinyo ke wír vìne lo, e yiì e vèn é vishiíy ve ví wiyì.»

Esiker 38:16

À wíy wìy, e ghiʼ wír vém veé Isray e rə́r sí mo mbàʼ sùm woŋ. Gog, wíy lóo dzə e kishiíy kin e ghan sé bàm sí, é m ku yiì, áà nəə́ wír vém e rə́r sí. M wíy yiì bèy ji m fiʼ dìn e vitúm vi ji m dzə̀ e ránén ji Nyùy, aá wíy a yen e sí yéví a dzə̀ fó vinyò ve m wíy yiì e wò.