Daniel 10:11 - ŊWÀʼ NYÙY

¹¹ Nshìylav Nyùy rə̀y nèn yòŋ mo jii, «Daniel, wò wo Nyùy kòŋèn é ŋàŋ, Nyùy tùm ne mo fo wò wùn. Lò é yuv, e fò vituʼùr ví é kinyò ke m lo, a suúy e wò.» Kù mo wù suuy e mò bey, m túm, e tìím e yuv, a yàʼ yàʼàn.

Daniel 10:11 Referans Kwoze

Lim Aŋgàa Ntum 26:16

Ku lò, e tìím e yuv. M kì wiy, e yen wò bèn, e lèm wò ji ŋgaà wom lìm, áà wáa fìʼtì kinyo ke à yenen lán kùm mo wùn à vinyo ve m dzəə́ wìy a dìn e wò vi.

Maak 16:8

Vikìy víyi nèn meè fó sày foo fèy, a wún wóví kù beéme beèmén, aá yaʼà, e làa yòʼ dzə́ə dù, e tiisí kinyo e wìr gheéy, bìʼ fo vé‑eè fan kinyo ke kí‑iì kooyin. [

Esiker 2:1

Nyùy Tàr nèn yòŋ e mò jii, «Wàn wìr msòŋ, lò é yuv, e tìím e wò shwin, é m suúy kinyo e wò.»

Lim Aŋgàa Ntum 9:6

Lò é yuv, e dù e mvə̀mlaʼ, aá suúy wò kinyo fo ke à kér fó a yiì.»

Joon 21:20

Pita lòo bìnkìr, e yèn wan lìm wo Jesus‑eè koŋ e ŋàŋ və̀y, a wù wiy fo bàm. A dzə̀ wun woo shó wo wù‑uù yeʼemen e Jesus wùn é ghan se wùn áwune‑eè yikin, e jòʼsì, a dzər ji «Tàr, ku sùúy wír wo wù yíi kar menàŋ e wò bàm.»

Joon 13:23

Aá kì dzə́ bèy, a wùmòʼ woo wan lìm wo Jesus‑eè koŋ e ŋàŋ, kì dzə̀ʼə̀m, e yèʼém e Jesus wùn.

Daniel 10:19

Wù nèn yòŋ mo jii, «Wò, wo Nyùy kòŋèn é ŋàŋ, lá à yòʼ a fàn. Nyaáŋ wáa dzə vèn wun. Á dzə kitávín, ku tàv ben, e kòŋrí.» Wù súŋnín bey, vitaáví ví ku nèn wìy e mǒ wùn. M bìnèr jii, «Tàr wor, kú a suŋnín. À kù kì tàvír ne mo, wún wómé kfə́n fó.»

Daniel 10:3

tén viyíkìr, kfəə́ne a dzə̀ ve kfəənén ví, a bó kintín ke nyàm, kìn bàr shilùʼ yòʼ‑oò lo kùm shuu wóm. M yòʼ‑oò lo ghàn sòr wún féyì, e dù meé mo ŋgàm see sitaár sìn si‑iì shaàn.

Nsùyrì Nyùy 45:11

é fòn wáa ker shií wò bìʼ tókír ye à tókirì. Sí kér wun wò, á yunín wun.

Ŋwàʼ Jov 37:1

M gwarìr kinyo kìn, tímé wàa buʼ mo búʼún, a buʼ, a dzə mo yí‑íì túm tumén.

Yòv Viŋgér 7:10

Kér tàr à wíri woo ŋgaà ŋkòŋmé wom mo, a wù kù báŋri a dzə̀ mo.

Esiker 14:14

A fə̀m kì dzə̀ ji wír vee ataár vee Noa, wùn à Daniel, à Jov kì dzə̀ é wòŋ foo fèy, bo njiìn wov wo juŋ yíi bòyìr a dzə̀ áwune vin. Suuy mo woo Nyùy Tàr woo Taà Ndzə.