Daniel 1:7 - ŊWÀʼ NYÙY

⁷ Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Daniel 1:7 Referans Kwoze

Daniel 5:12

Daniel wo fòn‑eè shuùn yír ji Belteshasar və̀n‑eè kér a vifií vee jeéy ví, a wù‑uù kì kfə́ á móo toʼtí njèm e ŋàŋ, tóʼti a, à ŋgàn si shó, kfə̀n sar a vinyo veé kilìtì. Bo dzə̀ á ji fòn ku tòóy a Daniel, wù wiyì, é wù naari á e ntoʼ mo nsàv nsáŋtí waà dzəə̀n.»

Daniel 4:8

Fo bàm, Daniel nèn wìy, wun wo vé‑eè shuùn yír yímóʼó ji Belteshasar, kù mo yír nyùy womé dzəə̀n, a dzə̀ wír wo wù yú kinyo fo kiyoy ke anyùy ve á dzəə̀n aránéné. Wù dù, e wìy, m wáa naarì njèm yem shó, a suúy jii,

Daniel 2:49

Daniel nèn bùn fon bìʼ ŋkar sə́, wù lém Shadrak wùn à Meshak, à Abednego, á wáa lìm vinyo veé wòŋ woo Babilon, wúnwun Daniel góʼ kfə́ é mvə̀m ntoʼ.

Daniel 1:3

Fòn Nebukadnessar nèn tòóy Ashpenas woo kitú ke nsheèlav sə́, e sùúy sho ji wù shóʼtí á wónlě nsùm veé Isray ámóʼó fo fòn wùn aàtǎr wòŋé kfəə.

2 Afòn 24:17

Nebukadnessar woo fon woó Babilon‑eè sù Jehoyiacin, e nèn kòʼór Mattania woo fər tàr à Jehoyiacin ji fon. Wù kóʼór bey, e nèn kùvsín yír Mattania, yí wáa dzə ji Tsədekiya.

2 Afòn 23:34

Farao Neko lò, e kòʼór Eliakim woo wan Josia wùmòʼ ji fon e tàr wov Josia ntaʼ, e nèn kùvsín yír Eliakim, a yòŋ ji Jehoyiakim. Fo ké Jehoahas ki, wù lì wun, e dù sho e Ejiv, wù nèn kpù fó.

Daniel 2:26

Fòn nèn dzə̀r e Daniel wo yír yímóʼó‑oò dzəə̀n ji Belteshasar jii, «A kù yòʼ dzə̀ rú, à yù fóo naàrì kinyo ke mò‑oo yenen é njèm, e tòʼtí e mò mo nsàv dzəə̀n á?»

Kèʼlo 41:45

Fòn nèn shù yír Joosev ji Tsafenat‑Panea, e nèn juùr Asenat woo wan Potifera sho, a Potifera‑aà dzə̀ taà cù woó ŋgày cù ye yì‑iì dzəə̀n é On. Á bèy, Joosev nèn a ker sáʼ yeé wòŋ Ejiv e wun kiwo.

Daniel 1:19

Á tiím, fòn nèn kèʼ, a dzətí vinyo aáwune. Yii bèy, a wìr yòʼ‑oò ló a dzə aáwuné ŋgoo wo yì‑iì dzə̀ wù dzə̀v kiwó ke Daniel, à ké Hananiya ki, e bóo lì Mishael wùn Asaria. Á bèy, áwune nèn a lìm e ntoʼ.

Daniel 10:1

Wáa dzə e kiya ke kí‑iì meen ji taár, ke Sayrus‑iì sáʼ ji fon woó Persia, ntum Nyùy wìy fo Daniel wo yír yímóʼó‑oò dzəə̀n ji Belteshasar. Ntum rə̀n‑eè dzə̀ ntum ye ru, aá fínér, a yì‑iì tàv é ŋàŋ fo wìr kiíy mvə́m. Daniel wáy vifií é ntum fèy, kinjeenjèm ki wìy e wun si, wù kiíy mvəm ntum rə̀y.

Daniel 4:5

Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.