Daniel 1:6 - ŊWÀʼ NYÙY

⁶ Á nèn lò, e shòʼtí wír vee wón veé Juda vìn, aámóʼó dzə̀ jii, Daniel wùn à Hananiya, à Mishael, e lì Asaria.

Daniel 1:6 Referans Kwoze

Esiker 14:14

A fə̀m kì dzə̀ ji wír vee ataár vee Noa, wùn à Daniel, à Jov kì dzə̀ é wòŋ foo fèy, bo njiìn wov wo juŋ yíi bòyìr a dzə̀ áwune vin. Suuy mo woo Nyùy Tàr woo Taà Ndzə.

Matio 24:15

Jesus kfə́n a naàrì jii, «Wíy lòo dzə e ghan see shooy, aá tiír kifá ke *ŋgaà ntum Nyùy woo Daniel‑iì yòŋèn é kirə̀ʼ ké Nyùy, a kifá kee shooy ki kóʼoy, bívir fó.» Wìr wo wù yoŋ kinyo kìn fo ŋwàʼ fèn səəm.

Daniel 2:17

Wù yiì kfə̀n e wun lav, e naàrì kinyo kìy aàŋgaà və́ ŋgoo vee Hananiya wùn Mishael, à Asaria,

Esiker 14:20

fə́m a dzə ji wír vee ataár vee Noa wùn à Daniel, à Jov kì dzə̀ á fo, bo mo woo Nyùy Tàr, mo m dzəə̀n shó e tin, m kù suuy jii, bo áwune yòʼ dzə̀ á sə̀ wón vév vee vilum, kìn vee vikìy, aá luŋ. Bo njiìn wov wo juŋ yíi bòyìr a dzə̀ áwune cáʼ.

Maak 13:14

Jesus nèn kfə̀n a suúy jii, «Vèn wíy lóo yen, a kifá ke vé‑eè yoŋ ji kí wíy a koʼóy, a bivír kirə́ʼ, kí fəə́sín, aá tiír fo bó yòʼ dzə̀ kí wàa tiy, wír ve á dzəə̀n é mbìv wòŋ yee Judàa wàa sam, a koʼ aàgwan. Wìr wo wù yoŋ kinyo kìn fo ŋwàʼ fèn, ŋgaàŋ səəm.»

Esiker 28:3

Ké ru kí, à fìír feyì, e shaà Daniel, bó kilìtì ke kinyò ke à méŋ ki yòʼ dzə̀.

Daniel 1:19

Á tiím, fòn nèn kèʼ, a dzətí vinyo aáwune. Yii bèy, a wìr yòʼ‑oò ló a dzə aáwuné ŋgoo wo yì‑iì dzə̀ wù dzə̀v kiwó ke Daniel, à ké Hananiya ki, e bóo lì Mishael wùn Asaria. Á bèy, áwune nèn a lìm e ntoʼ.

Daniel 2:25

Ariok nèn kù lì Daniel cércér, e dù sho e Nebukadnessar si, e bùn, e yòŋ jii, «Nyàr, m yèn á ne wír wo dzə̀ wù tòʼtí á nsàv njèm rə á e wun. A dzə̀ á wír fo wír veé Juda ve vé‑eè koorin é kwaʼ rər, e wìy sho fèn.»

Daniel 5:13

Á bèy, á nèn dù, e lì Daniel, e wìy sho e fòn si. Fòn toóy wun, e dzə̀r shó jii, «Dzə̀ wò Daniel woo wír fo wír veé Juda ve vé‑eè tònèn fó, e koòrí, fòn woo tàr wor lí, e wìy sho e fèn à?

Daniel 6:14

Fòn yú kee shooy, shúu yúm wun feyì. Wù kéʼ a lìm fo kijàvndzə, e dù meé e ŋkuùr, a mùm ji wun taʼ dzə́ə ye a dzə̀ wun bòyìr Daniel sho.