Daniel 1:5 - ŊWÀʼ NYÙY

⁵ Fòn kfən fò sáʼ ji áwune yíi a yi a kifá ke wun woo fon yí kishiíy kidzə̀m, a no bóm. Aá yéʼéy áwune viyá vitaár. Yéʼeyì, ghán see shooy si lóo mày, aá fíʼ ghèén mo dzə̀ á wàa lìm e ntoʼ.

Daniel 1:5 Referans Kwoze

Daniel 1:19

Á tiím, fòn nèn kèʼ, a dzətí vinyo aáwune. Yii bèy, a wìr yòʼ‑oò ló a dzə aáwuné ŋgoo wo yì‑iì dzə̀ wù dzə̀v kiwó ke Daniel, à ké Hananiya ki, e bóo lì Mishael wùn Asaria. Á bèy, áwune nèn a lìm e ntoʼ.

Daniel 1:8

Daniel nèn lò, e wày kfə́ ji bó yòʼ dzə̀ á wun lùʼ viyíkìr veé ntoʼ e wun shuù, kìn ji wun nó bóm, e lor kitú kfə́. Wù nèn kù lòn kitú ke vé lìm kìy ji kí ku màʼtì a kilíŋ kfə́, fo wun li *kifàn.

1 Afòn 10:8

Bòŋ ké wìr vé, bòŋ ké nsheèlav sé, mo áwune rə́si tíy e wò si, yuúri vifií vé ghán sidzə̀m.

Ŋwàʼ Luk 21:36

Vèn ku nèn a way vifií, a bùnrì Nyùy ghán sidzə̀m ji wù távír ven, ŋgeʼ see shooy si wíy lóo koóy, é vèn tósín shó, e nèn wìy a tiy e ŋgaà wo yírí dzəə̀n Wanwìr si, là kinyo.»

Ŋwàʼ Luk 11:3

Kú a fo ver vifá ve yi veé kishiíy vishiíy vidzə̀m.

Matio 6:11

Ku fò ver vifá ve yi veé kishiíy ké lán ki,

Jeremia 15:19

Á bèy, Nyùy Tàr nen bìnèr jii, «Aà lòo dzə, e kùvsín, bo m yíi lì wò, áà wáa lìm fo mò. Aà lòo dzə, a suúy a dzə̀ vinyo ve ví kér mvə́m, e yàr kiyúŋsì, bo à yií a dzə ŋgaà ntum wom, é wír vìne nèn kfə̀n é bàm, e yèn wò, é la yòʼ dù wò, e yèn áwune.

2 Wòŋ 9:7

Bòŋ ké wìr vé, bòŋ ké nsheèlav sé mo áwune rə́si tíy e wò si, yuúri vifií vé ghán sidzə̀m.

2 Afòn 25:30

Fòn woó Babilon‑eè lo, wù wàa fo kifá keé kitu ke kishiíy ke Fòn Jehoyiacin wáa ker e kibàm. Wù kú a fo bèy ghán sidzə̀m, e dù, e mèé mo kpúu‑uù liìn Fòn Jehoyiacin.

1 Samuel 16:22

Saul nèn kfə̀n tsə̀nsí ntum fo Jessi ji wù maʼti é Davir goʼ, a lìm a fo wun, bìʼ fo wun koŋ a Davir e ŋàŋ.

Kèʼlo 41:46

Joosev‑iì dzə̀ kiyá mtaár e ghan se Farao‑oò lèmèn wun ji taà saʼ woó Ejiv. Wù ló fó ntoʼ, e nèn a ghan, a leéy woŋ Ejiv e dzə̀m.

Ŋwàʼ Luk 1:19

Nshìylav Nyùy bìnèr jii, «Dzə̀ mo Gabriel, a m tíy e Nyùy si ghán sidzə̀m, lo ntum sə́. Tùm Nyùy mo ji m wiy, e fìʼtì sáʼka wo juŋ və̀n e wò.

Ŋgàn 23:3

Lá à yòʼ a ker shií é viyikìr və́ ve ví rəʼtìnè. A dzə̀ wù wàa levtí wò sho lévtín.