Daniel 1:4 - ŊWÀʼ NYÙY

⁴ A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 1:4 Referans Kwoze

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Lim Aŋgàa Ntum 7:22

Á nèn yèʼéy Mooser vifií vé wìr veé Ejiv vidzə̀m. Wù wìy kùy, a dzə wir jì ye juŋ, e kfə̀n a dzə wír njiì kinyò.

Ŋgàn 22:29

À yén wír wo wù kiìn lim rə́ á? Wù wíy a lìm a dzə̀ fo afone, wù yòʼ wíy a lìm fo wír vee víyi.

2 Samuel 14:25

Absalom‑eè dzə̀, a bó wìr wùmòʼ yòʼ dzə̀ shó wo wù‑uù bòŋèn moo wun, e kàr woŋ Isray, e tàr. Wù yòʼ‑oò kér nsem, e kèʼ fo wuù, e koʼ meé e kitu.

Daniel 2:10

Vé si vìne bùn fon, e bìnèr sho jii, «Nyàr, bó wìr yòʼ dzə̀ shó a e kitu ke nsay wo dzə̀ wù yiì kinyo ke fòn suuy kìn. Bó fòn wùmòʼ, kìn taà saʼ wùmòʼ yòʼ‑oò ghàn ne dzə̀r á kfə́ə kinyò kee ben e ŋgaà fù, kìn e ŋgaà ŋgàŋ, kìn e ŋgaà si, a fə̀m dzə̀ taà saʼ, a wù táv é le.

Lim Aŋgàa Ntum 7:20

A dzə̀ ghán see shooy se vé‑eè dzəən Mooser, wáa dzə wán, a wù‑uù bòŋ é ŋàŋ. Á keérí fó laʼ ŋwee taár,

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Daniel 4:7

Vé fù ve á yii tóʼti njèm wùn aàŋgàa ŋgàŋe wìykìr, à vé səme adzə̀m, e lì wir dzə̀m wo wù yii yén virə́ʼ. Á wìy, m fèr njèm yem aáwune, la á yòʼ yù fóo toʼtí nsàv.

Ŋgaà Tàrvìnyò 7:19

Wìr fiirì, wù kìíy sáʼ, e shaà atǎr saʼ e ghvə̀m ve á sáʼ ŋkàlaʼ.

Atǎr Nsaʼ 8:18

Gidiyon lò, e dzə̀r e Seba wùn Tsalmunna jii, «Vèn ku naàrì e mò kfə́ə wìr ve vèn‑eè yuyrin é Tabor.» Á bìnèr jii, «Yì‑iì dzə̀ kfə́ə wìr vee moo wò bèn. Áwune adzə̀me kù‑uù shwínin a dzə̀ kfə́ə wón ntoʼ.»

Efesor 5:27

A Kristu‑uù nàŋsín áwune bey ji wáa dzə ji kfə́ kee kintatì, a bòŋkìr, a njàʼkìr mo kifá ke Nyùy ki yii dzə́. A dzə̀ jii, kí wáa dzə a là shilóm, e làa yòʼ a ker nsem yìmòʼ gheéy, a dzə bèn là jay.

Daniel 3:8

Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

Daniel 2:2

Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.

Aysaya 36:11

Eliakim wùn à Shebna, à Joa suúy e mfòómé woó Assiriya jii, «Kii wò, á suŋnín aàŋgàa lìm vée, a dzə̀ é Lǎm Aramayik, vèr yú lám woo shooy. Lá à yòʼ a suŋnín e vèr é Lǎm Hibru, fo wír ve á dzə́ e kitu ke kày yeé ŋkàlaʼa wáa yu.»

Jeremia 5:15

Isray, fo ké ki, m wíy yiì, é kitúm kee kwaʼda ki wiy, e nə̀ə́ ven e rə́r sí. Suuy mo woo Nyùy Tàr. Kitúm kìn ki dzə̀ kindzə̀n ke kitum, a dzə̀ kintav ke kitum. Kitúm, a vèn yòʼ kì lám wóv, a bó yòʼ dzə̀ vèn yù kinyo ke á suuyì.

Daniel 9:1

Yì‑iì dzə̀ é ghan se Darius‑iì sáʼ kitúm kee Babilon ji fon, a Darius və̀n‑eè dzə̀ wan Ahasuru woo naaŋkàntì wìr Media,

Sekariya 2:4

Wù suúy shó jii, «Nyéŋ, e dù sùúy e wánlè nsùm wo wù kér kfəə̀ mfìʼ e kiwo və̀sə ji wù yuúrí á ŋkuŋ. Jerusalem wíy kùʼ, a ker wíri wùn à nyám si nyanyày, e shaà mo dzə̀ á wàa dzə e mvə̀m kày.

Kèʼlo 41:46

Joosev‑iì dzə̀ kiyá mtaár e ghan se Farao‑oò lèmèn wun ji taà saʼ woó Ejiv. Wù ló fó ntoʼ, e nèn a ghan, a leéy woŋ Ejiv e dzə̀m.