Daniel 1:2 - ŊWÀʼ NYÙY

² Nyùy Tàr máʼtí, áwune tón Fòn Jehoyiakim wùn à wír vəə́. Á tón, e kùúy vikáŋ vímóʼ ví fó lav cù, Fòn Nebukadnessar nèn lì, e kfə̀n shó e Babilon, fo lav cù anyùy və́‑əə̀ dzəə̀n, e lèm e kitàv ké lav cù yee shooy.

Daniel 1:2 Referans Kwoze

2 Wòŋ 36:7

Nebukadnessar‑iì lì sá vifá veé lav cù vímóʼ ví, e lèm e wun ntoʼ e Babilon.

Sekariya 5:11

Yì bìnèr e mò jii, «Áwune du sho e wòŋ woo Babilon, e bàʼrì lav rə fó. Á baʼrì, aá nèn lì ŋkaà yee shooy, e tìír fo, e kirə̀ʼ ké cù ke vé‑eè naŋsin ji kfə́.»

Atǎr Nsaʼ 4:2

Á bèy, Nyùy Tàr wáy áwune e Jabin kiwo wo yì‑iì dzəə̀n fon wìr veé Kanan wùmòʼ, a wù sáʼ e ŋkàlaʼ yee Hasor. Kitú ke vé rər və́ kí‑iì dzə̀ Sisera, a wù‑uù dzə́ e Haroshet‑Ha‑Goyiim.

Atǎr Nsaʼ 3:8

Nyùy Tàr nèn shwìíy kilòŋ, e wày áwune e Kushan‑Rishatayim wo, wo yì‑iì dzəə̀n fon wìr veé Mesopotamia, wù tón áwune. Á nén a dzə e wun sar saʼ, wù wáa nə̀ʼsì áwune e mèé kiyá waamé.

Atǎr Nsaʼ 2:14

Dòʼshwiiy Nyùy Tàr ŋáʼáy kùm wír veé Isray e dzəə ye biibí, wù wáy áwune e vé kimfaàsìí wo, á wáa nəə́ nsay yev, a faàsì vifá vév. Wù‑uù fiìnè áwune áàŋgàa vibàn vév ve vé‑eè gìŋèn áwune, e tàrí, á wáa ghiʼ áwune, a bó yòʼ‑oò dzə̀ á kfə̀n yù fóo tam wùn áwune.

Remrí 32:30

A dzə̀ wir rə̀r e mòʼón, wù tòn wír nsə̀kì a? A dzə̀ abaà wìr, tàʼár wír nsə̀kì e ghvə̀m a? Àáyiì, la wáa dzə ji Nyùy Tàr woo Kilán kér màʼày ne ver, e wày áàŋgaà vér vibàné wo.

Kèʼlo 11:2

Mo vé‑eè ghán ghanén é mbìv wòŋ yee fo shùy yii tó, á nèn dù, e bvə̀ysín e mboʼ yìmòʼ é nsay Shinar, e nèn dzə̀ʼə̀m fo.

Kèʼlo 10:10

Virə́ʼ ve Nimrod‑iì tòmbìy kèʼ, a saʼ vi‑iì dzə̀ Babel, Erek wùn à Akkad. Virə́ʼ vin vidzə̀m vi‑iì dzə̀ é wòŋ Shinar.

Habakuk 1:16

Áwune ghvə́m alálán vév, ton kiláy, cu sho ji nyùy wov, bìʼ fo alálán véví fó áwune vikuʼùy, fó áwune vifá ve yi nyanyày.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Jeremia 51:44

M wíy màʼ ŋgeʼ e Bel kitu, wun woo nyùy wìr veé Babilon. M wíy yiì, é wù cú vifá ve wù‑uù mèyìn. Vitúm vi yòʼ dzəə́ wìy a cù wun, a kay yeé ŋkàlaʼ Babilone wíy gbù.

Aysaya 11:11

Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.

Esra 1:7

Fòn Sayrus nèn lò kfə́, e fə̀ə́r vifá ve yì‑iì dzəə̀n veé lav Nyùy Tàr, a dzə̀ vifá ve Fòn Nebukadnessar‑iì bèʼèyìn fó Jerusalem, e wìy sho, e tìír e wun kirə̀ʼ ké anyùy.

1 Samuel 5:2

Áwune dù bèy, e nə̀ə́ sho e Dagon woo nyùy wóv lav, e nàŋsín, e tìír e Dagon ghaŋ.

Aysaya 42:24

Yì‑iì fò la rám Jakov aàŋgàa vibàné, é bo á shóŋ áwune? Wìr feyì feyì wo wù‑uù yiìn, é bo á kuúy vifá ve wìr veé Isray dzə̀ la? Bó yòʼ kù‑uù yiì Nyùy Tàr a? Dzə̀ wun wo vèsən‑eè tenen fó yunén, e kù a jay jayín. Dzə̀ wun wo Isray‑iì tenen fó a ghan e wun mbòv, e tèn fó yunín yéʼéy rə́ wùn à nsər sə́ sí.

2 Afòn 24:1

Fòn Jehoyiakim kú a saʼ bèy, Nebukadnessar woo fon woó Babilon nèn lò, e nə̀ə́ rə́r é Juda, Fòn Jehoyiakim fó shiŋkfəŋ, e nèn a yu sáʼ a dzə̀ fo wun. Wù kú a yu sáʼ bèy, wáa meé e bǎm viya vitaár, wù bvə̀rkìr, e tàv kitú.

Jeremia 25:1

Viyá vi‑iì mèé vikweè mo Jehoyiakim woo wan Josia‑aà yiin vifon e Juda, Nyùy Tàr nèn sùŋnín e mò woo Jeremia kùm wír veé Juda adzə̀m. Kiyá kee shooy ki‑iì dzə̀ ké mbìy ki ke Nebukadnessar‑iì yiin vifon e Babilon.

Jeremia 27:16

M nèn lò, e sùúy aàtàá cù wùn à e wìr dzə̀m ji Nyùy Tàr suuy a jii, «Lá vèn yòʼ a yuurí kinyo ke aŋgàa ntum véné fiʼtì e mǒ yir, ji á sí lo e lì a vifá ve ker veé lav cù fo Babilon, e kfən sho e bàm. Áwune tiísi a dzə̀ ntum kimboʼtì e vèn.

Jeremia 28:3

Viyá vi yíi lò ji ví shaa vibaà, é m siir vifá ve ker vidzə̀m vee Nyùy Tǎr lav ve Fòn Nebukadnessar woó Babilon‑eè fəərin fó fèn, e dù sho e Babilon.

Jeremia 35:11

Fòn Nebukadnessar woó Babilon‑eè nə̀ə́ rə́r é wòŋàn, vèr nèn yèn ji ghèén, é vèr lo, e dù, e beè e ŋkàlaʼ Jerusalem, e fíʼ leʼ a vé rər veé Babilon wùn à veé Siiriàa. Vèr ku nèn gòʼ, a dzə e Jerusalem fèn.»

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Daniel 5:13

Á bèy, á nèn dù, e lì Daniel, e wìy sho e fòn si. Fòn toóy wun, e dzə̀r shó jii, «Dzə̀ wò Daniel woo wír fo wír veé Juda ve vé‑eè tònèn fó, e koòrí, fòn woo tàr wor lí, e wìy sho e fèn à?

2 Wòŋ 36:5

Vé‑eè kòʼór Jehoyiakim ji fon, a wù dzə̀ kiyá nshòv sitàn e mbaà. Wù sáʼ vifon kiyá nshòv mòʼón e ghvə̀m, a wù dzə́ e Jerusalem. Jehoyiakim‑eè yii vinyo ve ví wáa bir Nyùy Tàr woo Nyùy və.