Daniel 1:19 - ŊWÀʼ NYÙY

¹⁹ Á tiím, fòn nèn kèʼ, a dzətí vinyo aáwune. Yii bèy, a wìr yòʼ‑oò ló a dzə aáwuné ŋgoo wo yì‑iì dzə̀ wù dzə̀v kiwó ke Daniel, à ké Hananiya ki, e bóo lì Mishael wùn Asaria. Á bèy, áwune nèn a lìm e ntoʼ.

Daniel 1:19 Referans Kwoze

Daniel 1:5

Fòn kfən fò sáʼ ji áwune yíi a yi a kifá ke wun woo fon yí kishiíy kidzə̀m, a no bóm. Aá yéʼéy áwune viyá vitaár. Yéʼeyì, ghán see shooy si lóo mày, aá fíʼ ghèén mo dzə̀ á wàa lìm e ntoʼ.

Ŋgàn 22:29

À yén wír wo wù kiìn lim rə́ á? Wù wíy a lìm a dzə̀ fo afone, wù yòʼ wíy a lìm fo wír vee víyi.

Kèʼlo 41:46

Joosev‑iì dzə̀ kiyá mtaár e ghan se Farao‑oò lèmèn wun ji taà saʼ woó Ejiv. Wù ló fó ntoʼ, e nèn a ghan, a leéy woŋ Ejiv e dzə̀m.

Jeremia 15:19

Á bèy, Nyùy Tàr nen bìnèr jii, «Aà lòo dzə, e kùvsín, bo m yíi lì wò, áà wáa lìm fo mò. Aà lòo dzə, a suúy a dzə̀ vinyo ve ví kér mvə́m, e yàr kiyúŋsì, bo à yií a dzə ŋgaà ntum wom, é wír vìne nèn kfə̀n é bàm, e yèn wò, é la yòʼ dù wò, e yèn áwune.

1 Afòn 17:1

*Ŋgaà ntum Nyùy woo Elija nèn lò wìy, e yèn Fòn Ahav. Elija‑aà dzə̀ wír woó Tishbe, a dzə̀ ntèʼ é Gilead. Wù suúy e Fòn Ahav jii, «Mo Nyùy Tàr woo Nyùy wìr veé Isray dzəə̀n shó, wun woo Nyùy wo m lo ntum sə́, bó wuú kìn ŋweʼe yòʼ wíy tum e nsay, a bó m suúy.»

Daniel 1:6

Á nèn lò, e shòʼtí wír vee wón veé Juda vìn, aámóʼó dzə̀ jii, Daniel wùn à Hananiya, à Mishael, e lì Asaria.

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Daniel 1:18

Viyá vee vitaár vi mày, fòn toóy ji á li lèn wír vìy, e wìy a sho e wun si. Kitú ke nsheèlav kìy ki nèn lì áwune, e kòʼtí sho e Fòn Nebukadnessar si.

Daniel 2:13

Sáʼa nèn kù fəə̀ ji á yúyrí á vé sii. Á nèn dù ji á taʼ á sa Daniel wùn à ŋgoo rə, e yùyrí.

Daniel 3:29

Bìʼ bey, sáʼ yémé nén a dzə jii, ‹A fə̀m dzə̀ wír vəné, kìn woó kitum fèé, kìn wù súŋnin a dzə̀ lám gha, wù mvəʼ shuu, e yòŋ kinyo ke kisaŋ ki, e kùm Nyùy wo Shadrak wùn à Meshak, à Abednego ghvə́mé, á kù shètì ŋgaàŋ e vintin vintin, e laàr láʼ sév, é sí kfə́n é vifə̀m sidzə̀m, bìʼ fo bó yòʼ dzə̀ nyùy wùmòʼ bòyìr wír e dzəə ye wóov bòyìrìn áwune shó.› »

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.