Daniel 1:12 - ŊWÀʼ NYÙY

¹² Wù wáa yòŋ, a lon jii, «Kii wò, ku mùm ver vee vé lìm vée, e bǎm vishiíy e ghvə̀m, aá kú a fo ver a dzə̀ nyóo see vikwiíy, a fo mendzə́v.

Daniel 1:12 Referans Kwoze

Ŋwàʼ woó Rom 14:2

Shilív shé wìr wùmòʼ shí biìmé ji wù wáa yi a vifá vidzə̀m. Shé wùmòʼ shí nen shàʼnín fo wù wáa yi nyám, wù nén a yi kfə́ a dzə̀ nyóo see siy.

Daniel 1:16

Kí koóy bey, wìr lìm və̀y nèn tsə̀ʼ viyíkìr ve vé‑eè fó fo ntoʼ wùn à meluʼ mè, e nèn a yiír áwune a dzə̀ e nyóo see shooy si.

Remrí 8:3

Wù‑uù sə̀r ven, e lèm e jìŋ, e yiì lò, e yìír ven e manna wo bó vèn yòʼ‑oò kiìn, a bó atàr véné yòʼ‑oò kì sá. Wù‑uù yii bèy ji vèn kiíy á ji bó yòʼ jòʼsì ji wìr yí kibán, e bóo lùŋ. A dzə̀ wìr kù lùŋ a dzə̀ fó jì se sí fəə́ fo Nyùy Tǎr shuù sidzə̀m.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Daniel 1:11

Daniel nèn dù, a suŋnín e wìr lìm wo Ashpenas‑iì lèmèn ji wù wáa leéy a wùn à Hananiya, à Mishael, e lì Asaria.

Daniel 1:13

Vèr yí, nó, áà kaʼay rə́r sér, e fìʼsìn vèr à wónlě nsùm ve á yí sa viyíkìr ve fòn yí. Yén mo vèr kiʼkìrì, áà yii e vèr mo kwaʼtì yée dzəə̀n.»