Daniel 1:1 - ŊWÀʼ NYÙY

¹ Yì‑iì dzə̀ é ghan se fòn woo Jehoyiakim‑eè sáʼ woŋ Juda, kí lòo meé ji viyá vitaár, Nebukadnessar woo fon woó Babilon wùn à vé rər vəə́ lév, e wìy e ŋkàlaʼ Jerusalem, e gìŋ fó, e tàr.

Daniel 1:1 Referans Kwoze

2 Afòn 24:13

Wù‑uù kùúy vifá veé kitàv keé lav cù wùn à veé kitàv keé ntoʼ vi, e dù sho. Wù‑uù lì vifá vee *kisha ke mbàm ke baar kí ve Fòn Solomon‑eè fèrìn ji á wáa ker a e lav cù, e tìnrí e vintsə̌m vintsə̀m réŋréŋ mo Nyùy Tàr‑iì suuyin fó ghan ji kí wíy koóy a bèy.

Aysaya 39:7

Á wíy lì sa wón ve dzəə̀n vitó vé ámóʼó, e dù sho, e sòŋ, aá wáa lìm e fòn woó Babilon ntoʼ.»

Jeremia 25:1

Viyá vi‑iì mèé vikweè mo Jehoyiakim woo wan Josia‑aà yiin vifon e Juda, Nyùy Tàr nèn sùŋnín e mò woo Jeremia kùm wír veé Juda adzə̀m. Kiyá kee shooy ki‑iì dzə̀ ké mbìy ki ke Nebukadnessar‑iì yiin vifon e Babilon.

Jeremia 35:1

Nyùy Tàr‑iì sùŋnín e mò woo Jeremia e ghan se Jehoyiakim woo wan Josia‑aà dzəə̀n fon woó Juda, e yòŋ jii,

Jeremia 35:11

Fòn Nebukadnessar woó Babilon‑eè nə̀ə́ rə́r é wòŋàn, vèr nèn yèn ji ghèén, é vèr lo, e dù, e beè e ŋkàlaʼ Jerusalem, e fíʼ leʼ a vé rər veé Babilon wùn à veé Siiriàa. Vèr ku nèn gòʼ, a dzə e Jerusalem fèn.»

Jeremia 36:1

Wáa dzə e kiya ke kí‑iì meen ji kweè, mo vé‑eè koʼorin Jehoyiakim woo wan Josia ji fon woó Juda, Nyùy Tàr kfən sùŋnín e Jeremia, e tiìsí ntum rə shó.

Jeremia 45:1

Fòn Jehoyiakim wo tàr wov dzəə̀n Josia‑aà sàʼ vifon e Juda, kí meé viyá vikweè, Jeremia nèn yòŋ vinyo e Baruk woo wan Neria, wù sáŋ é kiŋkur ke ŋwàʼ. Wù màysì e sàŋ, Jeremia yòŋ e wun jii,

Jeremia 50:1

Nyùy Tàr‑iì sùŋnín e Jeremia woo *ŋgaà ntum və, e tiìsí ntum sho kùm woŋ Babilon wùn à ŋkàlaʼ yee fó.

Jeremia 52:12

Wáa dzə e kishiíy kee ghvə̀m, e ŋwee woo tàn, e kiya ke Fòn Nebukadnessar woó Babilon‑eè sí sáʼ ji kiyá nshòv bvə̀ʼə̀ e ghvə̀m, Nebusaradan wo dzəə̀n wun mfòóme anshìy fòn, a kfə̀n dzə̀ ŋgaà ntir fòn, wìy e Jerusalem,

Jeremia 52:28

Wír veé Juda ve Nebukadnessar‑iì kuuyin, e dù sho, a wù sí sáʼ ji kiyá saàmbàa‑aà dzə̀ wír nshòv sitaár e mbaà aànsə̀kìi ataár (3,023).

Daniel 5:13

Á bèy, á nèn dù, e lì Daniel, e wìy sho e fòn si. Fòn toóy wun, e dzə̀r shó jii, «Dzə̀ wò Daniel woo wír fo wír veé Juda ve vé‑eè tònèn fó, e koòrí, fòn woo tàr wor lí, e wìy sho e fèn à?

2 Afòn 23:36

Vé‑eè kòʼór Jehoyiakim ji fon, a wù dzə̀ kiyá nshòv sitàn e mbaà. Wù sáʼ vifon kiyá nshòv mòʼón e ghvə̀m, a wù dzə́ e Jerusalem. Yè wov‑iì dzə̀ Sebida woo wan Pedayia woó Ruma.