Cù 9:3 - ŊWÀʼ NYÙY

³ À yíi yòŋ, é wír veé Israyi taʼ kibév kée yiì cu ajay sho, e tàʼ nàʼ woo kiyá, woo là nsem, e kfə̀n tàʼ njiì woo kiyá, woo là nsem ji cu ye tonèné.

Cù 9:3 Referans Kwoze

Esra 6:17

Vé‑eè lòo yiì ŋkàʼ woo bìʼ lav Nyùy və̀n, e fò wón nàʼ vee vilum wií, viyáʼ ghii baà, wón viyaʼ ghii kweè. Cu ajay wìr veé Israyi wáa dzə vibév nshòv sibaà e ghvə̀m, mo rám seé Isray si dzəə̀n.

Ŋgaà Yen 5:9

Á wáa gbù bèy, a yòv luŋ wo fíy wúmóʼó, a wú dzə̀ jii: «Kù dzə̀ wò, wo à gheenen fó sə ŋwàʼ və̀n, e bày mfìn, e mvə̀ʼ. Wò‑oò biìmé kpú, mensə́ mè mè leém, à tín wíri fó lòn, e siìr e Nyùy. A vé‑eè lò vitúm vidzə̀m, kìn dzə̀ ke kí súŋnin lám vəné, kfə̀n lò woŋ sidzə̀m wùn à rám wìr msòŋé e dzə̀m.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Cù 4:23

Á yii, wù kiíy kinyo ke wù kì jayin, bo wù wiy e kibév ki, a kù dzə̀ kee là nsem ji cu rə́.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Aysaya 53:10

Yii bèy, kù‑uù sìysì Nyùy Tàr ji wù yén ŋgeʼ, aá bvə́ʼ wun, é fó ye wù foon kitú kfəə́ fiʼ tàŋrí wíri, a wù kù wíy a dzə sho e tin, a yen wón wùn à wón won vəə́, a ntaŋ Nyùy Tàr kù wíy shaà a dzə̀ fo wun kiwo, e bóo ghan kijuŋ.

Esra 10:19

Áwune‑eè yiì kaʼ ji á fəər a vikìy vév. Cu yév ajayi wáa dzə kiyáʼ fo mvə̀m ŋgoo.

Cù 23:12

Lóo dzə, a kù dzə̀ é kishiíy ke á yii cu ye nanèn rə́ne, á kù seè wan kiyaʼ woo kiyá woo là nsem ji cu Nyùy Tàr ye tonèné.

Cù 16:15

«Wù fəə́, é wù nèn seè kibév ke cù ajay wíri, e lì mensə́, e nəə́ sho e kirə̀ʼ kee jeéy kí féyì, e yiì sho mo wù kì yiìn e mensə́ me nàʼ mè, e waŋrí e nsər ŋkùv mensàŋ fo yuv, e kfə̀n waŋrí e wǔn ŋkùv mensàŋ fo mbìy.

Cù 16:5

Wù kúrí, é wù nèn sə̀ vibév vibaà fo wír veé Israyi ji vé cù ajay, e sə̀ kiyáʼ ji cu ye tonèné.

Cù 14:10

«Lóo dzə e kishiíy kee waamé, é wù li wón viyaʼ abaà vee là nsem wùn à kifum ke njiì kee là nsem ki, kee kiyá, e kfə̀n tàʼ sa meŋkfəŋ me kpuún mè akilu ataár, aá shwír e meŋgvə́r me *oliv mè, e tàʼ meŋgvə́r pámpám e fur.

Cù 12:6

«Ghán sə́ sé kfəmrí si gheenè, kìn dzə̀ bìʼ wán woo lumèn, kìn dzə̀ bìʼ woo wiíy, é wù li vifá ve cù, e wìy yèn taà cù sho e shùu kibàn ké ntàsín. Wù kù yíi wìy e wàn kiyaʼ woo kiyá ji cu yee tòn nyám e dzə̀m, e kfə̀n wìy e kibìŋ kí, kìn e kibuù ki, ji cu jay.

Ŋwàʼ Fəə 12:5

Wàn bvəy və̀n kú a dzə woo lumèn, a dzə là ndzə́m. Vèn tar fo věn mvə̀m njiì, kìn fó mvə̀m bvəy se loŋ,

Kèʼlo 37:31

Á nèn yiì lò, e seè wan kibev, e cùtì mensə́ e Joosev kikum,

Cù 9:2

Á wìy, wù yòŋ e Aaron jii, «Lì nàʼ woo lumèn, woo là nsem, e yiì cu ajayi shó, e lì kiyáʼ kee là nsem ki, e yiì cu ye tonèné shó. Ku yiì cu sìn si, e cù Nyùy Tàr shó.

Cù 9:4

Á yíi tàʼ sa nàʼ wùmòʼ wùn à kiyáʼ ki, aá yii cu kikòŋnìn sho, e see e Nyùy Tǎr si. Á ku wìy sa e cu vifa ve yii, a dzə̀ meŋkfəŋ me á shwirin ne meŋgvə́r shó. Á ku yiì bèy, bìʼ fo Nyùy Tàr yíi dìn kitú kfə́ e vèn áwune lán.»

Cù 10:16

Mooser nèn kfə̀n lò ji weè, e dzə̀r bvəy cù ajay, e lò, e yù ji á tòn a ne tónen. Wù nèn a shwiíy kilòŋ wùn à Eleasar, à Itamar vee kibér ke wón Aaron, a suúy jii,

Cù 4:3

A dzə̀ ji yii á taà cù wo á yoʼon ne jay və̀n, e sə̀ŋ lòn, e wìy sho e wírí kitu, bo wù kù‑úù wiy e wàn nàʼ woo lumèn, woo là nsem, ji á cu á Nyùy Tàr shó bìʼ jay wo wù kì yiìn, é wáa dzə cu yee bìʼ lǒn jay.