Cù 9:2 - ŊWÀʼ NYÙY

² Á wìy, wù yòŋ e Aaron jii, «Lì nàʼ woo lumèn, woo là nsem, e yiì cu ajayi shó, e lì kiyáʼ kee là nsem ki, e yiì cu ye tonèné shó. Ku yiì cu sìn si, e cù Nyùy Tàr shó.

Cù 9:2 Referans Kwoze

Cù 4:3

A dzə̀ ji yii á taà cù wo á yoʼon ne jay və̀n, e sə̀ŋ lòn, e wìy sho e wírí kitu, bo wù kù‑úù wiy e wàn nàʼ woo lumèn, woo là nsem, ji á cu á Nyùy Tàr shó bìʼ jay wo wù kì yiìn, é wáa dzə cu yee bìʼ lǒn jay.

Hibru 7:27

Wù kfə́n a dzə jeéy fo atàá cù ve kuʼkìné vee fó mbìy ve á kù‑uù kér fó a rəsí, a taŋrí antàŋrí vishiíy vidzə̀m. Aá kù‑uù kér fó tòmbìy kwàŋrì vév vee vinyo, e bó a kwàŋrì vé wìr ámóʼó. Jesus nèn yiì və́ə woo ntàŋrí kàŋ mòʼón, wù ku nèn ghèén. Wù‑uù lì a dzə̀ kitú kfə́, e tàŋrí wíri shó adzə̀m.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Cù 8:18

Mooser nèn lò, e kòʼór kiyáʼ ke cù ye tonèné, Aaron wùn à wón vəə́ neér wó yév é kitu wo,

Cù 8:14

Mooser lò, e kòʼór nàʼ woo lumèn woo bìʼ cu ajay, Aaron wùn à wón vəə́ neér wó yév é kitu wo.

Ŋwàʼ Fəə 29:1

Nyùy Tàr kfən sùúy e Mooser jii, «Kinyo ke à kù wíy yiì, e bóo lèm Aaron wùn à wón vəə́ ji atàá cù, aáwune fíʼ a lìm lim yém kí dzə̀ jii, à wíy tàʼ wan nàʼ wùn à wón viyaʼa abaà, vee là nsem,

Hibru 5:3

a kwàŋrì antàŋrí vee shooy. A bó yòʼ dzə̀ ji vé wìr vee shooy cáʼcáʼ, wù kwaŋrì sa və́, bìʼ fo wù kù dzəə̀n sá ŋgaà jay.

Cù 9:3

À yíi yòŋ, é wír veé Israyi taʼ kibév kée yiì cu ajay sho, e tàʼ nàʼ woo kiyá, woo là nsem, e kfə̀n tàʼ njiì woo kiyá, woo là nsem ji cu ye tonèné.

Esiker 29:1

Yì‑iì dzə̀ é kishiíy kee nshòv sibaà e ghvə̀m fo ŋwee woo ghvə̀m, e kiya ke kí‑iì sí mee ji ghvə̀m, mo vèr‑iì dzəə̀n é kwaʼ nsàm, Nyùy Tàr lò, e sùŋnín e mò, a suúy jii,

Cù 1:3

«A cu rəə́ dzə̀ ye tonèné, ye á yii ton a dzə̀ nàʼ, bo wù táy nyám yee lumèn, yee là nsem fo ŋgoo nàʼ, e wìy sho e shuù wo wú nəə e kibàn ké ntàsín ji Nyùy Tàr ku biìmé a cu rə́.

Cù 1:10

«A cu wìr ye tonèné dzə̀ ye á yii ton a dzə̀ njiì, kìn bvəy loŋ, bo ŋgaàŋ kù taʼ a dzə̀ yee lumèn, yee là nsem,

Cù 16:3

Dzəə̀ ye a dzə̀ wù nə̀ə́ fó kù dzə̀, a wù yií ne cu ajay e wàn nàʼ, e yiì ye tonèné e kiyáʼ ki.

Cù 16:5

Wù kúrí, é wù nèn sə̀ vibév vibaà fo wír veé Israyi ji vé cù ajay, e sə̀ kiyáʼ ji cu ye tonèné.