Cù 8:4 - ŊWÀʼ NYÙY

⁴ Mooser ku nèn yiì mo Nyùy Tàr suuyin, e bàʼtí màŋgòŋ e shùu kibàn ké ntàsín.

Cù 8:4 Referans Kwoze

1 Korin 15:3

A kinyo ke mò‑oò fìʼtìn e vèn kin ki dzə̀ tím kinyò feyì feyì, a mò‑oò fiʼtì réŋréŋ mo mò‑oò yuun sá. A kí dzə̀ jii, Kristu‑uù kpù ji wun mán á vinyo vesən ve bi ví, a dzə̀ kíwun ke Ŋwàʼ Nyùyi‑iì suuyin ji kí waà wíy koóy.

1 Korin 11:23

Mò‑oò lo yèʼéy ven mo dzə̀ vèn wàa yiì, a mò‑oò yù kinyo kee shooy a dzə̀ fo Tàr wòsən Jesus. A kí dzə̀ jii, yì‑iì dzə̀ vitsə́ʼ ve vé‑eè yíi kar menàŋ, aá koó Tàr wòsən Jesus, wù nèn lì ntuʼ kiban,

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Cù 8:35

Vèn kù wíy gòʼ e shùu kibàn ké ntàsín, à shùy, à vitsə́ʼə́ kishiíy saàmbà, a yiì mo Nyùy Tàr‑iì yòŋèn. Là bey, bo vèn‑éè kpúkír. Á mo Nyùy Tàr yòŋèn e mò ben.»

Cù 8:29

Mooser nèn lì shúu shiliv, e nàn e Nyùy Tǎr si ji cu. A dzə̀ mbìv wun woo Mooser fo nyàm kinjoʼ mo Nyùy Tàr‑iì yòŋèn e wun.

Cù 8:17

Yii bèy, ké kiber ke nyàm, jáv wùn à jùv, à vitó vi, à jáŋe, wù lì, e fəə̀sín kibeey shó, e tòn e shweesí mo Nyùy Tàr‑iì yòŋèn e wun ji á ku yiì.

Cù 8:13

Mooser nèn kòʼór lèn wón Aaron. Á wìy fo si, wù màʼ vikúm ve da ve fəvír ví aáwuné wùn, e kùr vikuúví vév, e nèn ndzə̀m tán sí aáwuné vitu mo Nyùy Tàr‑iì yòŋèn e wun ji wù yii.

Cù 8:9

Wù kfən kùr tán ye ndzəméné e Aaron kitu, e sòv kicí ké tan shó, ke á fèrìn e *kisha ke mbàm ke baar kí ji sì á wir Nyùy woo jeéy. Mooser kù‑uù yiì vinyo vidzə̀m réŋréŋ mo Nyùy Tàr‑iì yòŋèn e wun.

Ŋwàʼ Fəə 39:29

Á nèn fèr kikuúví e ndzə̀y yee làv wo fəvír woo fèm, e tsə̀m e làv wo wù səə́ne moo yúv, wùn à wo wù səə́ne moo yòm, à wo wù baŋ ji rèm, kù mo Nyùy Tàr‑iì suuyin e Mooser.

Ŋwàʼ Fəə 39:26

Vé‑eè tsəə́me kitúʼtúʼ, á tsəə̀mé mbìír, e yiì bèy, e kaàrí shúu kikum, e tàr, réŋréŋ mo Nyùy Tàr‑iì yòŋèn e Mooser. Kikúm kin ki‑iì dzə̀ ke taà cù‑uù yíi a màʼ, e bó a yiì lim rə́.

Ŋwàʼ Fəə 39:21

Á nèn lì kfəə̀ wo wù səə́ne moo yúv, e wòvsín andzə̀ŋgwáŋ ve á dzəə̀n é kifìn keé nsaŋ wùn à ve á dzəə̀n é shiŋkèéy shé kikum. Kifin keé nsaŋ ki nèn neèm fo mbìv kùy kinsiŋ ke á bonen, e tsə̀m kiy, e làa yòʼ dzə́ə a bàyìn fo shiŋkèéy shé kikum. Vé‑eè fèr kidzə̀m réŋréŋ mo Nyùy Tàr‑iì yòŋèn e Mooser.

Ŋwàʼ Fəə 39:7

e làʼtí e vimbar veé mbèʼ se shiŋkèéy shé kikum ji ŋkùvtu wón Isray, réŋréŋ mo Nyùy Tàr‑iì suuyin e Mooser ji á ku yiì.

Ŋwàʼ Fəə 39:5

Kinsiŋ ke kí ghár shiŋkèéy shé kikum kin ki‑iì dzə̀, aá fér e víwun vee vifá ve á fèrìn kikúm shó vi, kiwó ke lìm ki wáa dzə sa kíwun, aá fér réŋréŋ mo Nyùy Tàr‑iì yòŋèn e Mooser.

Ŋwàʼ Fəə 39:1

Fo làv wo vé‑eè wìyìn shó və̀y, vé‑eè lì wo wù səə́ne moo yúv, à wo wù səə́ne moo yòm, à wo wù baŋ ji rèm, e fèr ndzə̀y se juujùŋ si shó ji see jeéy se dzə̀ Aaron lòo yiì lim rə́ e Nyùy kirə̀ʼ, wù wàa màʼ. A vé‑eè fèr réŋréŋ mo Nyùy Tàr‑iì suuyin e Mooser ji á wàá fer.

Cù 8:3

e shùu *kibàn ké ntàsín, e bàʼtí màŋgòŋ fo.»

Cù 8:5

Mooser suúy aáwune jii, «Kinyo ke m lo, a yiì ki kù dzə̀ ke Nyùy Tàr yòŋèn ji á yii.»