Cù 7:9 - ŊWÀʼ NYÙY

⁹ Cu vifa ve yi ve á naŋsin, e fèr e dzə̀me wíy a dzə yé taà cù wo wù yiìn cu yee shooy, kìn dzə̀ vifá ve yi ve á naŋsin, e tòn, kìn ve á kaŋen é kikaŋ ke sətín kí, kìn e kee tèéter ki.

Cù 7:9 Referans Kwoze

Galatia 6:6

Kímóʼ kí nén a dzə jii, wír ve á yéʼey kinyo ke Nyùy yéʼéyíné wáa jàv a vifá ve Nyùy foon aáwune vidzə̀m, a fo wír ve á yéʼey áwune.

Esiker 44:29

Áwune wíy a yi cú vifa ve yi, a yi cú ajay, a yi cú njò. Vifá ve wír veé Israyi wiy, shwí mo shó vi kù wíy a dzə vév.

Kintaŋ 18:9

Fo cu see jeéy féyì si, vifá vidzə̀m ve á yòʼ ton e və̀y ví yíi a dzə mbìv vèn à wóné. Kù yíi a dzə mbìv yen fó cù see jeéy féyì se á cu mo shó sidzə̀m, kìn dzə̀ cu vifa ve yi, kìn yé ajay, kìn dzə̀ cu njò.

Cù 2:10

Á bèy, bo kibér ke vifa ve cù vìn vi sì vé Aaron wùn à wón vəə́. Dzə̀ vifá ve yi vee jeéy ví féyì feyì, bìʼ fo dzəə̀n mbìv vifa ve á cuùn Nyùy Tàr shó e cu ye və́yí bìnèn fó fo.

1 Korin 9:13

Vèn kì sá ji wír ve á lim e lav cù yeé Jerusalem adzə̀me kù yii yíkir a dzə̀ á fo fo. A wìr wo wíri wiy, cu Nyùy e kiwo wo kér sa ŋkoy fo vifa ve cù foo fèy.

1 Korin 9:7

Dzə̀ ji wìr lóo tiy e shùu rər, kfə̀n a tàʼ wun vifá və́ vé yi à? A wìr lim súm, la wù yòʼ a yi vifá veé sum fóo fèy à? A wìr shiy nyám, la wù yòʼ a kam sa vín, a no à?

Cù 5:13

Á mo taà cù ku tàŋrí ŋgaàŋ bèy, e màn jay və, kìn wù jày ka fó vinyò fèy, é Nyùy laysin. Wù yii bèy, é kibér ke meŋkfə̀ŋ ki nèn a dzə ké taà cù, réŋréŋ mo nsər cù vifa ve yi dzəə̀n sá bèy.

Cù 7:8

Taà cù wo wù yiìn cu wìr ye tonèné, jùv nyàm cù yee shooy yíi a dzə rə́ə.

Cù 7:10

Cu vifa ve yi ve kó vi e dzə̀me nén a dzə yé atàá cù adzə̀m, áwune vee wón Aaron, aá jav réŋréŋ, kìn dzə̀ vifá ve yi ve á tatin meŋgvə́r shó, kìn vee là meŋgvə́r.

2 Afòn 12:17

Wáa dzə e ghan see shooy, Fòn Hasael woó Siiria kóʼ, e nə̀ə́ rə́r é Gat, e tòn fó, e nèn bìnkìr, e kìʼ Jerusalem ji wun sí nə́ə a rə́r fó.