Cù 5:3 - ŊWÀʼ NYÙY

³ A wìr dzə̀ e kifàn kí wùn ke a dzə̀ kí lìysín e wùmòʼ, wìr kum wun là kiíy, e yiì lò, e kìíy, bo ŋgaà kùm kér njò.

Cù 5:3 Referans Kwoze

Cù 5:2

Kìn wìr lò, e kùm kifá ke *kifàn, là kiíy, kifá moo dzə́n nyàm kifàn, kìn dzə̀ yeé laʼ, kìn dzə̀ yeé kwaʼ, kìn dzə̀ dzə́n kifa ke ŋaŋrìn kí, bo wù kù lì ne kifàn, a wù kér njò.

Cù 5:4

A wìr lò, e lìʼ kinyo e kimbùmmbúm ji wun yii á kinyo, kìn dzə̀ ke bi kí, kìn ke juŋ ki, mo wìr lo, wù sàsìn e lìʼ e bóo yiì a kiíy, wù yiì lò e kìíy, bo wù kér njò.

Cù 7:21

A wìr lòo dzə, e kùm kifá ke kifàn ke kí loòn fo wìr, kìn ke kí loòn fo nyàm, kìn dzə̀ kfə́ə kifàn kiné kí, e yiì lò, e yì nyám ye á cuùn Nyùy Tàr shó ji cu kikòŋnìn, bo á kù yíi fəə́r ŋwèrín fo wír Nyùyí mvəm.

Kintaŋ 19:22

Kifá kidzə̀m ke wìr wo wù kér kifàn kùmèn, kí lì ne kifàn, a wìr wo wù kùmèn kifá kee shooy lì ne sa kifàn, e dù, e meé e ŋkuùr.»

Esiker 44:27

Kishiíy ke wù kfə́n e maàndzə lav cù yee fó mvəm ji wun du, e yiì lim rə́ é kirə̀ʼ kee jeéy kí, wù tòmbìy yiì cu rə́ ajay. Suuy mo woo Nyùy Tàr woo Taà Ndzə.

Cù 13:3

Taà cù yíi kàʼày kirə́ʼ kee shó, e yen ji wuy yee fóo sà fə́rí a, wùn à ji fóo sà shoò, e shaà juv wùn á. Wù yén, a kí dzə̀ bey, bo sì yàsí wo bi, é taà cù nèn tòʼór e màŋgòŋ ji wù sí kér a *kifàn.