Cù 5:2 - ŊWÀʼ NYÙY

² Kìn wìr lò, e kùm kifá ke *kifàn, là kiíy, kifá moo dzə́n nyàm kifàn, kìn dzə̀ yeé laʼ, kìn dzə̀ yeé kwaʼ, kìn dzə̀ dzə́n kifa ke ŋaŋrìn kí, bo wù kù lì ne kifàn, a wù kér njò.

Cù 5:2 Referans Kwoze

Cù 5:17

A wìr jày, e yiì kinyo ke Nyùy Tàr sháʼnin ji lá wìr yiì, kìn dzə̀ kiné kí, a wù fə̀m yiì là kiíy, wù kù lì njò, a wù kér fó làʼ njò rə.

Remrí 14:8

Yìmòʼ dzə̀ kǔnnyàm. Fə̀m mo wù kér mfay, a bó wù yòʼ shám, kóʼorì, bo kù dzə̀ nyam kifàn fo vèn. Lá vèn yòʼ mùm, e yì nyám see shooy, lá á yòʼ mùm, e kùm dzə́n sév.

Hagay 2:13

Hagay kfən dzə̀r jii, «A wìr sà lò, e kùm dzə́n wìr, e lì *kifàn, e kfə̀n dù, e kùm kifá fo vifa vìn, bo kifá ke wù kùmèn kí sà kfə̀n ne ji ké kifàn kí á?» Atàá cùu biímé.

Cù 11:11

Vifá vìn vidzə̀m vi kù dzə̀ vifá ve koʼoyín ví fo vèn, lá vèn yòʼ wìy yì. Lá vèn yòʼ wìy kùm sa dzə́n sév, bìʼ fo siìn vifá ve koʼoyín ví.

2 Korin 6:17

Nyùy Tàr nén a suúy jii: «Vèn fəə́ fo wír ve bó yòʼ dzəə̀n vémé mvəm, a dzə kén jeéy. Lá vèn yòʼ kùm kifá ke *kifàn kí, é vèsən fíʼ a dzə kijuŋ,

Ŋwàʼ Luk 11:44

Yìiy, ŋgeʼ dzə̀ yéen. Vèn dzə̀ moo say se bó sí yòʼ yénsinè, wìr lóo shaà e kitu wo, la wù yòʼ a kiíy.»

Aysaya 52:11

Vèn ŋáʼáy, vèn lokir, vèn fəə́ fó wòŋ woo Babilon. Ven ve á béʼ vikáŋ veé lav cù, ven fəə́ fó fo, e *kfə̀mrí vitú vén ví. Vèn lóo fəə, lá vèn yòʼ kùm kifá ke *kifàn kí.

Nsùyrì Nyùy 19:12

Yii bèy, wìr yòʼ yii yén ndzə̀m rə. Sù ajay vém ve á yòʼ yénsinèe.

Cù 7:21

A wìr lòo dzə, e kùm kifá ke kifàn ke kí loòn fo wìr, kìn ke kí loòn fo nyàm, kìn dzə̀ kfə́ə kifàn kiné kí, e yiì lò, e yì nyám ye á cuùn Nyùy Tàr shó ji cu kikòŋnìn, bo á kù yíi fəə́r ŋwèrín fo wír Nyùyí mvəm.

Cù 5:4

A wìr lò, e lìʼ kinyo e kimbùmmbúm ji wun yii á kinyo, kìn dzə̀ ke bi kí, kìn ke juŋ ki, mo wìr lo, wù sàsìn e lìʼ e bóo yiì a kiíy, wù yiì lò e kìíy, bo wù kér njò.

Cù 4:13

Wáa dzə ji kintatì ke wìr veé Isray kidzə̀m ki lo, e jày kinyo là kiíy, e yiì kinyo ke Nyùy Tàr shaʼnin ji lá á yòʼ yiì, aá yii bèy, la kí yòʼ fə̀m a wìy e màŋgòŋ vifii, bo á kù lì ne njò.

Cù 5:3

A wìr dzə̀ e kifàn kí wùn ke a dzə̀ kí lìysín e wùmòʼ, wìr kum wun là kiíy, e yiì lò, e kìíy, bo ŋgaà kùm kér njò.

Cù 11:8

Lá vèn yòʼ mùm, e yì nyám see shoon, kìn ji wìr kum dzə́n sév. Kù dzə̀ kifàn fo vèn.

Kintaŋ 19:22

Kifá kidzə̀m ke wìr wo wù kér kifàn kùmèn, kí lì ne kifàn, a wìr wo wù kùmèn kifá kee shooy lì ne sa kifàn, e dù, e meé e ŋkuùr.»