Cù 5:1 - ŊWÀʼ NYÙY

¹ Aá tòóy wír e lav nsaʼ, e shìvìr ji wù tiím vinjen, la wù yòʼ fèr kinyo ke wù yenen, kìn ke wù kiìn, bo dzə̀ jay bèy, a njò yíi a dzə rə́ə.

Cù 5:1 Referans Kwoze

Cù 5:17

A wìr jày, e yiì kinyo ke Nyùy Tàr sháʼnin ji lá wìr yiì, kìn dzə̀ kiné kí, a wù fə̀m yiì là kiíy, wù kù lì njò, a wù kér fó làʼ njò rə.

Ŋgàn 29:24

A wìr suúsin wùn shòŋ, bo wù ban dzəʼə̀m rə́. Aá fə̀m wày wun e vimfar, bo yòʼ dzə̀ wù mùm fóo toʼ kinyo ke wù kiìn.

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Cù 19:8

A wìr wo wù yiin lì ne njò, bìʼ fo wù liìn kifá ke kí dzəə̀n jeéy ji ké Nyùy Tàr fó tèr, aá kù fəər wun fo wír vémé mvəm.

Cù 7:18

A kifá ki bèr fó nyàm cu kikòŋnìn, e meé e kishiíy kee taár, wìr yí, bo wìr wo wù kì yii cu lày ne, a bó Nyùy yoʼ səə̀sí cu rə́. Bo sì lor, wìr wo wù yiin lí lòn fó fo.

Esiker 18:4

Kér mo dzəʼə̀m wìr dzə̀m, à yé kitàrí, à yé wané, yí kù dzə̀ e mǒ mbvə̀ʼ kiwo. A jày wír kinyo, bo kù du kitú ke ŋgaàŋ.

1 Afòn 8:31

«Wìr wíy jáy kinyo e wùmòʼ, á li, wiy sho e wò lav ji wù wàá liʼ é shùu kiy cù,

Kintaŋ 9:13

Yii bèy, a wìr lò, a dzə là kifàn é wùn, e kfə̀n a dzə, a bó wù yoʼ dù ghán, e tèn fóo yi Ŋkǎʼ Yáʼayshaà, bo á fəər ŋgaàŋ fo wír Nyùyí mvəm, bìʼ fo wù tenen ne fóo yiì cu Nyùy Tàr é ghan see shó. Wù kù li njò, bìʼ jay və.

Cù 20:17

«A wìr cèm wiíy a dzə̀ fə́r və, kìn dzə̀ wan tàr wov, kìn wo yè wov, bo dzə̀ nshoórsí. Bo á jum áwune fo wír véví mvəm, bìʼ fo ŋgaàŋ shiiyin e fər və, kù kì áwune fo áwuné lòn.

Cù 17:16

Yii bèy, wù wáa dzə, e làa yòʼ sù ndzə̀y sə́, kìn wù sù, e lèm wún, bo wù kù lì ne njò.»

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Esiker 18:20

Wìr wo wù buʼtì vinyo dzə̀ wo wù yíi kpu. Bó wàn yòʼ wíy a yen ŋgeʼ kitàr, a kitàr kí yòʼ wíy a yen ye wàn. Á wíy a laamé wír wo wù yii réŋ bìʼ vinyo vee réŋ ve wù yii, a màʼ ŋgeʼ e mbùʼtìvìnyò kitu bìʼ vinyo ve wù buʼtì.

Aysaya 53:11

Wù wíy yen ŋgeʼ, yì mayì, lóo yen vijuŋ ve yì wìyìn shó, kiiy nsàv, é shilív sə́ shí neem é nsay. Nyùy Tàr suuy jii, «Rúrú, ŋgaà wom lìm wíy yiì, aá mayir ajay wìr anín, bìʼ fo wun wo wù yòʼ kér jay wíy bèʼèy ajay wìr anín.

Ŋgàn 30:9

Lá à yòʼ fò, é ví kuʼnin, fo m wáa meŋ wò, a suúy ji Nyùy Tàr dzə̀ la? Lá à yòʼ yiì, é m wáa tàn kitan, fo m kfə́n ji shóŋ, e shoór wò woo Nyùy wom.

Nsùyrì Nyùy 38:4

Vinyo vém ve bi ví rùn ne rúnén e mǒ kitu. Ví dzər moo kibeʼèy, gháʼ mo.

2 Wòŋ 18:15

Yii bèy, Fòn Ahav suúy shó jii, «M wíy suŋnín e wò, e dù, e meé e le ji à lóo suúy kinyo e mò, e Nyùy Tǎr yir, à wàa suúy a dzə̀ ké ru kí.»

1 Afòn 22:16

Yii bèy, Fòn Ahav suúy shó jii, «M wíy suŋnín e wò, e dù meé e le, ji à lóo suúy kinyo e mò, e Nyùy Tǎr yir, à wàa suúy a dzə̀ ké ru kí.»

Atǎr Nsaʼ 17:2

Wìy lòo dzə e kishiíy kímóʼ kí, wù dzə́r e yè wov jii, «Yìy, mò‑oò yù, aà shóv shóŋ wo wù‑uù shoŋen vintsə̀m vé kishà ké ke mbàm ke fəvír kí kee kishóv wiì e nsə̀kì. Àshè, yì‑iì lì mo, ví vìne.» Yè wov bìnèr sho jii, «Wàn, mo à biimen ji yì‑iì lì wò, Nyùy Tàr ku səə̀vì wò.»

Cù 5:15

a wìr shòʼór nsər Nyùy ji wù yoʼ fò á kifá ke nsər din ji wù kì yíi fo ji cu e Nyùy Tàr, bo wù yíi làʼ njò yee shooy. Wù yíi wìy e kiyáʼ kee là nsem ki, aá kù fiʼ káv kiyaʼ réŋréŋ mo *shekel wo dzəə̀n wo cù yii dzə́. Dzə̀ cu njò yee bìʼ kifá ke wù kì yíi fo e Nyùy.

Cù 4:2

wù suúy á e wír veé Israyi vinyo ve dzə̀ wìr kù yiì, a wù jáy ne kinyo a dzə̀ ke wun woo Nyùy Tàr sháʼnin ji lá wìr yiì, wù ló, e yiì là kiíy.

Ŋwàʼ Fəə 22:11

bo ŋgaà lèm kér fó dù e kirə̀ʼ ké cù, e yiì kilìʼ ji nyaa wun, wun yoʼ shòŋ á nyam ŋgaàŋ, é ŋgaà nyàm biímé kilày kìy, é la ŋgaà lèm yòʼ làʼ kifá.

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.