Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.
Wù yíi waŋrí mensə́ memoʼ mè sho kàŋ saàmbà e wàn kiwo və, e kfəmrí kíy cù, é wú rán fó kifàn ke wír veé Israyi wìyìn shó, e kfə̀n ji kifá ke siìn ji ké Nyùy.
A dzə̀ ji yii á taà cù wo á yoʼon ne jay və̀n, e sə̀ŋ lòn, e wìy sho e wírí kitu, bo wù kù‑úù wiy e wàn nàʼ woo lumèn, woo là nsem, ji á cu á Nyùy Tàr shó bìʼ jay wo wù kì yiìn, é wáa dzə cu yee bìʼ lǒn jay.
«Wù fəə́, é wù nèn seè kibév ke cù ajay wíri, e lì mensə́, e nəə́ sho e kirə̀ʼ kee jeéy kí féyì, e yiì sho mo wù kì yiìn e mensə́ me nàʼ mè, e waŋrí e nsər ŋkùv mensàŋ fo yuv, e kfə̀n waŋrí e wǔn ŋkùv mensàŋ fo mbìy.