Cù 4:3 - ŊWÀʼ NYÙY

³ A dzə̀ ji yii á taà cù wo á yoʼon ne jay və̀n, e sə̀ŋ lòn, e wìy sho e wírí kitu, bo wù kù‑úù wiy e wàn nàʼ woo lumèn, woo là nsem, ji á cu á Nyùy Tàr shó bìʼ jay wo wù kì yiìn, é wáa dzə cu yee bìʼ lǒn jay.

Cù 4:3 Referans Kwoze

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Cù 9:2

Á wìy, wù yòŋ e Aaron jii, «Lì nàʼ woo lumèn, woo là nsem, e yiì cu ajayi shó, e lì kiyáʼ kee là nsem ki, e yiì cu ye tonèné shó. Ku yiì cu sìn si, e cù Nyùy Tàr shó.

Cù 4:14

Á yiì lò, e kìíy jay woo shooy, bo màŋgòŋ yíi fo wan nàʼ woo lumèn ji cu yee bìʼ lǒn jay, e lì, e wìy sho e shùu kibàn ké ntàsín.

Hibru 5:3

a kwàŋrì antàŋrí vee shooy. A bó yòʼ dzə̀ ji vé wìr vee shooy cáʼcáʼ, wù kwaŋrì sa və́, bìʼ fo wù kù dzəə̀n sá ŋgaà jay.

Esra 8:35

Wìr wo wù‑uù kfənen é bàm e dzə̀m fo vé‑eè koon áwune, e dù sho nèn yiì cu ye tonèné e Nyùy woó Isray. Yí‑iì dzə̀ jii, wón nàʼ vee vilum nshòv sibaà e ghvə̀m bìʼ wír veé Isray adzə̀m, viyáʼ nshòv ntuùfú e mbvə̀ʼə̀, wón viyaʼ nshòv saàmbà e msaàmbà. Vifá vìn vidzə̀m vi‑iì dzə̀ cu Nyùy Tàr ye tonèné. Áwune‑eè fò sá kibév nshòv sibaà e ghvə̀m ji cu ajay.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Esiker 43:19

à tàʼ wan nàʼ woo lumèn, aá yii cu ajay sho. Taʼà, à fò áàtàá cù veé ram Levi, vee ràm fo Tsadoki. Kù yii wiy áwune e mǒ si, yii cu si. Suuy mo woo Nyùy Tàr woo Taà Ndzə.

Ŋwàʼ Fəə 29:21

À wíy ŋèʼ mensə́ memoʼ mè fo kiy cù, e ŋèʼ sa meŋgvə́r me yoʼ, e waŋ vidzə̀m e Aaron wùn, e kfə̀n waŋ e wun ndzə̀y, e waŋ e wón vəə́ wùn, e waŋ sa aáwuné ndzə̀y. À yii bèy, bo à tsə̀ʼ ne Aaron wùn à wón və́ə, e lèm jeéy ji wír vém, e lèm sa ndzə̀y sév jeéy ji kifá kém.

Ŋwàʼ Fəə 29:14

Yii bèy, áà ton jav nyàm wùn à jùv, à vitó vi, à jáŋe, à kibér ke kifa ki kidzə̀m a dzə̀ é shweesí. Kee shooy ki dzə̀ cu ajay.

Ŋwàʼ Fəə 29:7

Áà nèn lì meŋgvə́r me yoʼ, e cuùrì e wun kitu, e yòʼ wun.

Kintaŋ 8:8

Áà nèn yòŋ, aáwune wiy e wàn nàʼ woo lumèn wùn à cu vifa ve yi ve á yíi tatí shoo, a dzə̀ ji meŋkfəŋ me kpuún mè, aá shwír ne meŋgvə́r shó, áà nèn kfə̀n tàʼ wan nàʼ woo lumèn wùmòʼ ji wo cù ajay.

Cù 16:11

«Aaron yíi wìy e nàʼ woo lumèn ji cu rə́ ajay, e man ajay və́ shó, à vé kfəə rəə́. Wù seé ji cu rə́ ajay,

Cù 16:6

«Aaron kù yíi yiì cu rə́ ajay e nàʼ woo lumèn, e fíʼ man ajay və́, à vé kfəə rəə́,

Cù 8:12

Wù màysì, e dù e ké Aaron ki, e sə̀r meŋgvə́r me yoʼ memoʼ mè e kitu wo, e yòʼ ji ŋgaà lìm Nyùy woo jeéy.

Cù 5:6

e kfə̀n cù Nyùy Tàr, e fíʼ làʼ njò rə bìʼ kinyo ke wù kì jayin. Wù yíi wìy e njiì, kìn e kifum ki fó ŋgoo bvəy ji cu yee bìʼ lǒn jay, é taà cù táŋrí wun, e màn jay və.

Ŋwàʼ Fəə 30:10

Wíy lóo dzə̀ e kitu ke kiya, Aaron kù kfə̀mrí *kíy cù kilay vən, a dzə̀ ji wù wíy a lì mensə́ me nyàm ye á yiìn cu ajay sho, a yoʼ e loŋ seé kiy cù fèn. Dzə̀ kíy cù Nyùy Tàr, a dzə̀ kifá kee jeéy kí ŋkuuŋkùŋ, a wú kér fó a dzə e ránén. Á kù wíy a yiì bèy, mo rám sí wíy a dzə.»

Hibru 9:12

A wù‑uù lo nə̀ə́ kfə́ e Nyùy kibàn keé yuv, e tòsín, e dù a dzə̀ fo Nyùy dzəə̀n. Wù yòʼ‑oò du bèy, kér mensə́ a dzə̀ me nyàm yee moo bvə́y, kìn wan nàʼ. Wù‑uù du kfə́, kér mensə́ a dzə̀ mvə́ə, e nèn tìn wíri fó ŋgeʼ, á bòy ŋkuuŋkùŋ.

Cù 4:5

Seé, é taà cù wo á yoʼon ne və̀n nèn lì mensə́ me wàn nàʼ memoʼ mè, e dù sho e kibàn ké ntàsín.

Cù 4:23

Á yii, wù kiíy kinyo ke wù kì jayin, bo wù wiy e kibév ki, a kù dzə̀ kee là nsem ji cu rə́.

Cù 4:28

Á yii, wù kiíy kinyo ke wù kì jayin, bo wù wiy e kifum ke bvəy loŋ ki, a kù dzə̀ kee là nsem ji cu rə́, bìʼ jay və.

Kintaŋ 16:22

Yii bèy, Mooser wùn Aaron gbù, e tsə̀m sí fo nsay, a toŋ jii, «Éè Nyùy, dzə̀ wò Nyùy wo wù fó kiyoy e wìr msòŋ e dzə̀m, a dzə̀ wìr mòʼón jày kinyo, à shwìíy kilòŋ e màŋgòŋ dzə̀m à?»

2 Wòŋ 29:21

Áwune‑eè kér anàʼ saàmbà, viyáʼ saàmbà, wón njiì saàmbà, e bóo lì vibév saàmbà, a dzə̀ vé cù ajay ji á mán á ajay wòŋ, e màn vé wíri, e kfə̀mrí sa lav cù. Fòn nèn yòŋ atàá cù, áwune vee wón Aaron ji á li á nyám sìn, e cù a Nyùy Tàr shó, e kiy cù.

Cù 1:3

«A cu rəə́ dzə̀ ye tonèné, ye á yii ton a dzə̀ nàʼ, bo wù táy nyám yee lumèn, yee là nsem fo ŋgoo nàʼ, e wìy sho e shuù wo wú nəə e kibàn ké ntàsín ji Nyùy Tàr ku biìmé a cu rə́.

Cù 1:10

«A cu wìr ye tonèné dzə̀ ye á yii ton a dzə̀ njiì, kìn bvəy loŋ, bo ŋgaàŋ kù taʼ a dzə̀ yee lumèn, yee là nsem,

Cù 6:18

Wón Aaron vee vilum adzə̀me kù wíy a yi ji vidzə̀ vév fó cù vifa ve yi ve á fó e Nyùy Tàr, a yi ghán sidzə̀m mo ŋgwàʼ sév sí wíy a dzə. A wìr wo sən kùm vidzə̀ vin mo ví dzəə̀n jeéy bey ji kifá ke Nyùy, bo wù lì ne jiv.

Cù 9:3

À yíi yòŋ, é wír veé Israyi taʼ kibév kée yiì cu ajay sho, e tàʼ nàʼ woo kiyá, woo là nsem, e kfə̀n tàʼ njiì woo kiyá, woo là nsem ji cu ye tonèné.

Cù 16:3

Dzəə̀ ye a dzə̀ wù nə̀ə́ fó kù dzə̀, a wù yií ne cu ajay e wàn nàʼ, e yiì ye tonèné e kiyáʼ ki.

Cù 16:5

Wù kúrí, é wù nèn sə̀ vibév vibaà fo wír veé Israyi ji vé cù ajay, e sə̀ kiyáʼ ji cu ye tonèné.

Esiker 40:39

Vidàŋ vi wáa dzə e mvə̀m kirə̀sí vibaà, ǎ mbìv fen, ǎ mbìv fésə. Yì‑iì dzə̀ fo vé‑eè yíi a seerí cu ye tonèné, a see yé ajay, à yé njòó.

Esiker 44:27

Kishiíy ke wù kfə́n e maàndzə lav cù yee fó mvəm ji wun du, e yiì lim rə́ é kirə̀ʼ kee jeéy kí, wù tòmbìy yiì cu rə́ ajay. Suuy mo woo Nyùy Tàr woo Taà Ndzə.