Cù 4:2 - ŊWÀʼ NYÙY

² wù suúy á e wír veé Israyi vinyo ve dzə̀ wìr kù yiì, a wù jáy ne kinyo a dzə̀ ke wun woo Nyùy Tàr sháʼnin ji lá wìr yiì, wù ló, e yiì là kiíy.

Cù 4:2 Referans Kwoze

Hibru 9:7

A kù nəə taà cù wo kuʼùn é mbìv yee fó mvəm kàŋ mòʼón e kitu ke kiya. Wù lóo nəə́, wù kù a ker mensə́ me nyàm me wù nəə, a kwàŋrì vinyo və́ wùn à ve wír ámóʼó jáy là kiíy sho.

Nsùyrì Nyùy 19:12

Yii bèy, wìr yòʼ yii yén ndzə̀m rə. Sù ajay vém ve á yòʼ yénsinèe.

Cù 4:27

A wìr wo dzəə̀n ghéʼncey lòo dzə, e jày kinyo là kiíy, e yiì kinyo ke Nyùy Tàr shaʼnin ji lá wìr yiì, bo wù lì ne njò.

Jeem 3:10

Shuu e mòʼóné nén a fəə́r vinyo vibaà, a fəə́r liy, a fəə́r beerì. A bó kí yoʼ ghèén bèy gheéy, afə̀r vem.

Hibru 5:2

Mo kù dzəə̀n wír fo wìr, a vinyo vi gháʼ sa wun, wù nen kìíy mo wíri lóo yuŋsí, lóo jay vinyo, wù wàa ker áwune ji weè,

1 Timoti 1:13

Mo m fə̀m‑eè dzə́ fo mbìy, suuy vinyo ve kisaŋ vi é bàm wó, kuurì wun, ron wuú wìr və́, wù ku yòʼ lì mo é lìm fèn. A wù‑uù shám mo, bìʼ fo mò‑oò yii vinyo vìn, a bó m yóʼ ne kìíy wír wo dzəə̀n Kristu, e làa yòʼ a kiíy ji m jáy a jayín.

1 Samuel 14:27

Yii bèy, Jonatan wo bó wù yòʼ‑oò lo yù kilìʼ ke tàr wov‑iì lìʼìn wùn à wíri nèn ràmsì mbàŋ ye yì‑iì dzəə̀n e wun kiwo, e soòsì vilu sho, e là, sí rəə́ nèn raàné.

Remrí 19:4

«Kee shoon ki wíy sə ŋgaà kinjuyrìwìr ji wù léʼ, e tò fó, e bòy. Kù dzə̀ wír wo wù yuyrin wùmòʼ é kimbùmmbúm, a bó wùn wun yòʼ‑oò sí kér ŋkfəə́mé.

Cù 4:22

A taà saʼ lòo dzə, e jày kinyo là kiíy, e yiì kinyo ke Nyùy Tàr shaʼnin ji lá wìr yòʼ yiì, bo wù lì ne njò.

Cù 4:13

Wáa dzə ji kintatì ke wìr veé Isray kidzə̀m ki lo, e jày kinyo là kiíy, e yiì kinyo ke Nyùy Tàr shaʼnin ji lá á yòʼ yiì, aá yii bèy, la kí yòʼ fə̀m a wìy e màŋgòŋ vifii, bo á kù lì ne njò.

Kèʼlo 20:9

Abimelek nèn tòóy Abraham, e dzə̀r shó jii, «À yiì kee ben a dzə̀ ka e vèr? M jày ka e wò, é bo à wiy e lòn woo bene e vèr à woŋ wómé kitu? À mùm kinyo e mò, a yòʼ dzə̀ ke a dzə̀ wìr yiì.»

Cù 4:1

Nyùy Tàr yòŋ e Mooser ji

Cù 22:14

«A wìr woo və̀y yì vifá ve yi vee jeéy vin là kiíy, bo wù kù taʼ vímóʼ ví réŋréŋ bey, e siìr e taà cù, e kfə̀n lì kirə́ʼ kimòʼón fo ke á jàvìn virə́ʼ vitàn ki, e dzə̀sì sho.

Kintaŋ 35:11

é vèn shóʼtí ŋkà se laʼ símóʼ sí ji sé kilìr. A sí dzə̀ é shií woo jii, a wìr lò, e sàsìn, e yùyrí wír là kiíy, wù nyèŋ, e dù, e lìr fo.

Ŋgaà Tàrvìnyò 5:6

Lá à yòʼ biìmé ji shuu wóo yii, áà jáy kinyo, fo à yiì lò, a tunrí e ŋgaà lìm Nyùy ji à kì jày jáyín, e bóo kàʼ. Kí yoʼ ghèén é shuu wóo yii, é Nyùy shwiíy kilòŋ, e bìvír kifá kidzə̀m ke à lìmèn.

Nsùyrì Nyùy 19:13

Kìm mo fó yìíkum. Lá à yòʼ màʼtì, é wù sum mo. M rán fo fo, é m wiy a dzə là nsem, e bàʼàr njò yee bìʼ yii ye bií.