Cù 3:9 - ŊWÀʼ NYÙY

⁹ Fo nyàm rə̀n ye dzəə̀n ye cù kikòŋnìn, é wù fəə́r vifá ve cù Nyùy Tàr ye və́yí bin fo fo, a dzə̀ kún e dzə̀m wùn à fóm see fó si. A wù fəər a dzə̀ fó shùu kighvər ké ndzə̀m kí, e kfə̀n fəə́r fóm se sí sùmèn vifá veé bvə̀m, à fóm sidzə̀m se sí dzəə̀n é wǔn vito si,

Cù 3:9 Referans Kwoze

Cù 9:19

e lì fóm se nàʼ wùn à sé kiyaʼ si, fóm seé kùn wùn à se sí sətin vitó si, à ndzəʼ si, à vimbày ve bày vi,

Ŋwàʼ Fəə 29:22

«À wíy fətí fóm si fó kiyaʼ, e fəə́r kún wùn à fóm sə́ sí, à fóm se mvəm sí, à kimbày ke bày ki, à ndzəʼ si sidzə̀m wùn à fóm sə́ sí, áà kfən fə̀ə́r sa kibiy ke yìy kí, bìʼ fo dzəə̀n kiyáʼ ke á yóʼ taà cù sho.

Aysaya 53:10

Yii bèy, kù‑uù sìysì Nyùy Tàr ji wù yén ŋgeʼ, aá bvə́ʼ wun, é fó ye wù foon kitú kfəə́ fiʼ tàŋrí wíri, a wù kù wíy a dzə sho e tin, a yen wón wùn à wón won vəə́, a ntaŋ Nyùy Tàr kù wíy shaà a dzə̀ fo wun kiwo, e bóo ghan kijuŋ.

Ŋgàn 23:26

Wan wòm, tiír vifií ví e mǒ wùn, e lì liì a dzə̀ wóom.

Cù 8:25

Wù nèn lì fóm si, seé kùn wùn à se sí sətin vitó si sidzə̀m, à kimbày ke bày ki, à ndzəʼ see sibaà sí wùn à fóm sév sí, à kibiy ke yìy kí.

Cù 7:3

Á yíi fo fóm si sidzə̀m e Nyùy. Fóm seé kùn, fóm se sí dzəə̀n é wǔn vito,

Cù 17:5

Nsàv nsər rə̀n dzə̀ jii, mo wír veé Israyi‑iì seéri nyám si fó səné, á wáa wìy lèn, a seerí a dzə̀ e Nyùy Tǎr si, bó a cù wun sho. Á kù wíy a wìy, a yen taà cù sho e shùu kibàn ké ntàsín, a see fo ji cu Nyùy Tàr yee yé kikòŋnìn.

Kintaŋ 7:88

Nyám se cù kikòŋnìn si‑iì dzə̀ jii, anàʼ nshòv sikweè e mbaà, viyáʼ mntuùfú, vibév mntuùfú, wón viyáʼ sa mntuùfú, a kù dzə̀ vee kiyá kiyá. Á vifá ve cù vee bìʼ kíy cù e ghan se vé‑eè yóʼó.

1 Samuel 10:8

Á bèy, áà nèn a səy fo mǒ mbìy e Gilgal. M yíi wìy, e yen wò fo, e yiì cu ye tonèné wùn à cu kikòŋnìne. À yíi dzə̀ʼə̀m fo kishiíy saàmbà, é bo m wiy, e naàrì wò kinyo ke à wáa yiì.»

2 Samuel 6:17

Á wìy e ŋkùv mensàŋ, e nèn tìír e kibàn e wun kirə̀ʼ ke Davir‑iì tuuyin ji wù yíi a tiy a fo. Davir nèn cù Nyùy Tàr e cu ye tonèné, e kfə̀n yiì yé kikòŋnìn.

1 Afòn 3:15

Solomon yiì lò e yuv, e nèn kìíy ji kì súŋnin a Nyùy Tàr e wun e njèm. Á bèy, wù nèn dù e Jerusalem, e tìím e mbìy ŋkùv mensàŋ Nyùy Tàr, e cù Nyùy Tàr e cu ye tonèné wùn à yé vibeèrìí, e nèn yiì ŋkàʼ fo wìr dzə̀m wo wù‑uù rə́si e ntoʼ.

1 Afòn 8:63

Fòn wáa yiì cu kikoŋnìn e nàʼ nsə̀kì nshòv sibaà e mbaà (22,000), bvə́y si ansə̀kì kishóv mbaà e wiì (120,000). Kù bey, fòn wùn à wìr dzə̀m woó Isray nèn fò lav cù e Nyùy Tàr.

1 Afòn 8:64

Wáa dzə e kishiíy fóo fèy, Fòn Solomon ràŋ kirə́ʼ é maàndzə ye yì‑iì dzəə̀n é mbìy shùu lav cù, e nàŋsín ji kirə́ʼ kee jeéy kí, a yiì cu ye tonèné wùn à yé vifa ve yii fó, e kfə̀n tòn fóm se nyàm se cù kikòŋnìn fo. Wù‑uù yii bèy, bìʼ fo kíy cù woo kisha kee *brons ki, wo wú‑uù tíy e shuù lav cùu yòʼ‑oò dzə̀ wú keèrí cu sìn sidzə̀m.

1 Wòŋ 16:1

Á wìy e ŋkùv mensàŋ Nyùy bèy, e nèn tìír e mvə̀m kibàn ke Davir‑iì bàʼrìn ji wù yíi a tiy a sho. Áwune nèn cù Nyùy e cu ye tonèné, e kfə̀n cù e yé kikòŋnìne.