Cù 3:5 - ŊWÀʼ NYÙY

⁵ Wón Aaron vee vitó və́ vee atàá cùu yíi lì, e tòn e kiy cù, aá ku neèr a dzə̀ é kitu ke cù ye tonèné, ye yí siìn é kitu ke meŋkàʼ. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Cù 3:5 Referans Kwoze

Cù 6:12

A wù fəər bèy, é və́yí kú a shwi e kiy cù, e kù wìy a shwi ghán sidzə̀m, e làa yòʼ ndzəmén, é taà cù kú a way meŋkaʼ e kiy vijàvndzə vidzə̀m, a koʼór və́y, a naŋsín, a neèr nyam cù yee ye cù ye tonèné, a neèr fóm se á fətin fo nyàm cù kikòŋnìn e kitu wo, a tòn fo.

1 Pita 2:5

Vèn wiy ri fo Nyùy, é wù li sá ven ji tíy, e bòm lav rə ye Kiyoy kfə́ kí wáa dzə sho, é vèn wáa dzə atàá cù wun woo Nyùy, a yu a dzə̀ fo Jesus Kristu, a lìm fo Nyùy shilív shidzə̀m, é wáa dzə cu ye wù koŋ ji dzə̀ wír vəə́ wàa cù wun sho.

Ŋwàʼ Fəə 29:13

Áà nèn lì fóm se sí sə́ti vitó sidzə̀m, e kfə̀n lì kimbày ke bày, à ndzəʼ si wùn à fóm sə́ sí, e tàtí, e tòn e kiy cù.

Esiker 44:15

«Ké wìr veé ram Levi ve dzəə̀n atàá cù vee ràm fó Tsadok, dzə̀ áwune ve vé‑eè gòʼòn, a tiy e shùu lìm e mǒ lav cù. Áwune kù wíy a ŋèʼrì, a wìy e mǒ si, a yiì cu sém. Á kù wíy a wìy e fóm si wùn à mensə́ mè, a nàn e mǒ si. Suuy mo woo Nyùy Tàr woo Taà Ndzə.

Esiker 44:7

Vèn màʼtì ne ambuʼŋgàŋ, á nəə́kír e mǒ lav cù. Wír vìn, a bó á yoʼ sàŋ mbèʼ sév, a bó melív mev mè yòʼ tíy e mǒ wùn. Vèn máʼtí, á wáa wìy e kirə̀ʼ fo vèn yii cu sém e fóm se nyàm si, à mensə́ mè, e nèn bìvír kirə́ʼ kém ké cù. Vèn shòʼór ne *mensaŋ me mò‑oò gwàrìn vèsən, e nèn dzə̀sì jay və̀n e kitu ke joònè wo vèn yii e dzə̀m.

2 Wòŋ 35:14

Wír veé ram Levìi màysì kijav, e nèn bàʼtí yéev yee nyám wùn à ye atàá cù, bìʼ fo atàá cù, áwune vee rám Aarone‑eè rə̀sí kév, a yiì cu ye tonèné, e kfə̀n a tòn fóm si, e dù, e mèé e ŋkuùr. Á kinyo ke kí‑iì yiìn, é bo wír veé ram Levìi báʼtí yéev yee mbìv, e bàʼtí sa ye atàá cù, áwune vee wón Aaron.

1 Afòn 8:64

Wáa dzə e kishiíy fóo fèy, Fòn Solomon ràŋ kirə́ʼ é maàndzə ye yì‑iì dzəə̀n é mbìy shùu lav cù, e nàŋsín ji kirə́ʼ kee jeéy kí, a yiì cu ye tonèné wùn à yé vifa ve yii fó, e kfə̀n tòn fóm se nyàm se cù kikòŋnìn fo. Wù‑uù yii bèy, bìʼ fo kíy cù woo kisha kee *brons ki, wo wú‑uù tíy e shuù lav cùu yòʼ‑oò dzə̀ wú keèrí cu sìn sidzə̀m.

Cù 4:35

Wù yíi fəə́r fóm se nyàm sidzə̀m mo á fə̀ə́r sé wàn kiyaʼ woo wo cù kikòŋnìn, e nèn tòn e kiy cù, a wù yíi neèr a dzə̀ é kitu ke nyàm ye á sí ton, e fo ji cu Nyùy Tàr ye və́yí bin fo fo. Á mo taà cù ku tàŋrí ŋgaàŋ bèy, e màn jay və, é Nyùy laysin.

Cù 4:31

Wù yíi fəə́r fóm se nyàm sidzə̀m mo á fə̀ə́r fóm fo nyàm cù kikòŋnìn, e tòn e kiy cù ji wáa dzə kirəm ke kí boŋ Nyùy Tàr. Á mo taà cù ku tàŋrí wír woo və̀y bèy, e màn ajay və́, é Nyùy laysin.

Cù 1:9

Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù ji cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Cù 3:4

e lì ndzəʼ see sibaà, à fóm sə́ se sí dzəə̀n é shintay si, e shoʼ kimbày ke bày, e tatí wùn à ndzəʼ si.

Cù 3:11

Bo taà cù sí ton e kiy cù ji cu vifa ve yi, cu Nyùy Tàr ye və́yí bin fo fo.

Cù 7:28

Nyùy Tàr kfən fò ntò se vinyò símóʼ sí e Mooser,

Cù 9:17

e lì sa cu vifa ve yi, e ŋèʼ kiwó kifur, e tòn e kiy cù. Wù yiì cu ye tonèné rən, e bàr yee kijàvndzə sho.

Kintaŋ 15:8

«Vèn li nàʼ woo lumèn, lóo cù Nyùy Tàr shó ji cu ye tonèné, kìn ji ye seeríné, ye á yii bìʼ kilìʼ, kìn ji cu kikòŋnìn,

Kintaŋ 28:3

Áà suúy aáwune ji vifá ve cù ye və́yí bin fo fo, ve á fó e Nyùy Tàr ví dzə̀ á jii, ké cù yee vishiíy vidzə̀m ki yíi a dzə wón viyaʼ vee kiyá kiyá abaà, a kù dzə̀ vee là nsem. Á cu ye tonèné ye á kú a yiì e kishiíy kishiíy, vishiíy vidzə̀m.

Kintaŋ 28:12

Á lóo yiì cu se tonèn sin, á lì wan nàʼ woo lumèn. Á li wan nàʼ, á bàr cu vifa ve yi sho, ye dzəə̀n meŋkfəŋ me kpuún mè, akilu ataár, aá shwír ne meŋgvə́r shó. Á li kiyáʼ, á bàr cu vifa ve yi sho,

Cù 1:13

Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù. Dzə̀ cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Cù 1:17

e nèn ghar shinə́n fó vàv si, e sàr, yii bèy, e làa yòʼ jàvsìn. Wù sar bèy, é wù nèn neèr e kitu ke meŋkàʼ me mè shwí e kiy cù. Dzə̀ cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Kintaŋ 18:17

Yii bèy, a dzə̀ wan nàʼ woo dzə́ə mbìyi, kìn dzə̀ wo bvəy njiì, kìn wo bvəy loŋ, bó vèn yòʼ wíy a tin. Vee shooyi kù sì kifá ke Nyùy. À wíy waŋrí mensə́ mev é kiy cù, e tòn fóm ji cu ye və́yí bin fo fo, a kirəm kfə́ kí boŋ Nyùy Tàr.