Cù 3:3 - ŊWÀʼ NYÙY

³ Fo nyàm rə̀n ye dzəə̀n ye cù kikòŋnìn, wù yíi fo virə́ʼ vímóʼ ví ji cu Nyùy Tàr ye və́yí bin fo fo. A wù yíi fətí a dzə̀ fóm se sí sùmèn vifá veé bvə̀m, à se sí dzəə̀n é wǔn vito si,

Cù 3:3 Referans Kwoze

Ŋwàʼ Fəə 29:13

Áà nèn lì fóm se sí sə́ti vitó sidzə̀m, e kfə̀n lì kimbày ke bày, à ndzəʼ si wùn à fóm sə́ sí, e tàtí, e tòn e kiy cù.

Matio 15:8

« ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Ŋwàʼ Fəə 29:22

«À wíy fətí fóm si fó kiyaʼ, e fəə́r kún wùn à fóm sə́ sí, à fóm se mvəm sí, à kimbày ke bày ki, à ndzəʼ si sidzə̀m wùn à fóm sə́ sí, áà kfən fə̀ə́r sa kibiy ke yìy kí, bìʼ fo dzəə̀n kiyáʼ ke á yóʼ taà cù sho.

Ŋwàʼ woó Rom 6:6

Vèsən kì ji ké liì wòsən wo mvə kí dzə̀ á jii, mo vèsən à Kristu tatin ne, bo dzə̀ ji vèsən à liì woo shoon kpù ne vèsən à Kristu e kici ké kintam. A vèsən kpù bey ji mensə́ me mè‑eè lim e vèsə́n wùn, aá yii vinyo ve bi ví mè may, é vèsən boy fó vikwàn ve vèsən‑eè reŋ fo vinyò foo fèy.

Ŋwàʼ woó Rom 5:5

A bó yòʼ dzə̀ kinyo kee shoon ki shaà fó ghaŋ, bìʼ fo Nyùy foon ne kitiír, a dzə̀ Kiyoy ke Ranén kí ke wù wayin e vèsə́n meliv, kí wáa yiì, vèsən wáa kiíy rú mo wù koŋ vèsən.

Matio 13:16

«Yii bey, vèn dzə̀ kén, a vishí vén ví bòŋ feyì, bìʼ fo vèn sí kér sí ye yí yén virə́ʼ, kér vituʼùr ve ví yú vinyo.

Esiker 36:26

M wíy fo ven shilív she fíy shi, e way kiyoy ke fíy ki e věn wùn. M wíy fəə́r shilív shén she shí táv moo tíy, e fo shilív she shí boóri e vèn.

Aysaya 6:10

Nyùy Tàr kfən sùúy e mò jii, «Ku yiì, é melív me wìr vìn mè lur, e sə̀mrì vituʼùr vév ví, e sə̀tí sí yéví, fo sí yéví wáa yen virə́ʼ, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.»

Ŋgàn 23:26

Wan wòm, tiír vifií ví e mǒ wùn, e lì liì a dzə̀ wóom.

Nsùyrì Nyùy 119:70

Áwune dzə̀ viyúŋ, a bó á yòʼ yú kinyo. Yii bèy, fo mò, Nsər yè ghèén mo féyì.

Remrí 30:6

Nyùy Tàr woo Nyùy won wíy naŋsín melív men, e naŋsín me ŋgwàʼ sén, e yiì, é vèn wáa kòŋ wun shilív shidzə̀m, e fo kitú kén shó, e wìy bonén, e shiíy.

Cù 3:16

Táti, é taà cù nèn tòn e kiy cù ji cu vifa ve yi, cu Nyùy Tàr ye və́yí bin fo fo, é kirəm kfə́ kí wáa bòŋ Nyùy Tàr. Fóm se nyàm cù sidzə̀m si kù dzə̀ sé Nyùy Tàr.

Cù 1:8

e nèn sìysì, e neèr vintín ve nyàm e kitu ke meŋkàʼ, e neèr sa kitú wùn à fóm si fó.

Cù 1:12

é ŋgaà cù sheti nyám e vintin vintin, é taà cù siysi, e neèr e kitu ke meŋkàʼ, e neèr sa kitú wùn à fóm si, e wày və́y shó.

Cù 3:2

Wù yíi wìy sho e shùu *kibàn ké ntàsín, e neèr kiwó kfə́ é kitu wo, e see fo, áàtàá cù vee wón Aaron vee vitó vəə́ nèn lì mensə́, e wàŋ é virəv vé kiy cù vidzə̀m.

Cù 3:4

e lì ndzəʼ see sibaà, à fóm sə́ se sí dzəə̀n é shintay si, e shoʼ kimbày ke bày, e tatí wùn à ndzəʼ si.

1 Samuel 2:15

Kímóʼ kí‑iì kooy sa jii, lóo dzə, a bó á yóʼ ne fə̀m tòn fóm, wàn lìm taà cù nèn wìy, a kàn ŋgaà wo wù yii cu jii, «Fó nyám ye taà cù ton. Bó wù yòʼ yíi a kòŋ ye naán. Fó a dzə̀ ye kó.»

Cù 4:10

réŋréŋ mo á fə̀ə́r fóm fo nyàm ye dzəə̀n ye cù kikòŋnìn. Wù fəər bèy, é taà cù nèn tòn e kiy cù.

Cù 7:5

Taà cù wíy tòn e kiy cù. Dzə̀ cu Nyùy Tàr ye və́yí bin fo fo, a dzə̀ cu ye yí laʼ njò.

Cù 7:30

e wìy sho e kiwó kfə́ kí ji cu Nyùy Tàr ye və́yí bin fo fo. Wù wiy e fóm se nyàm yee shooy wùn à shúu shiliví, aá nan shúu shiliv é yuv, e dìn e Nyùy Tàr ji cu rə́.

Cù 9:10

Wù lí fóm si wùn à ndzəʼ si, à kimbày ke bày ki, e tòn e kiy cù mo Nyùy Tàr‑iì yòŋèn e Mooser.

Cù 16:25

Ké fom se cù ajay, wù kù yíi tòn sa e kiy cù.

Esiker 44:15

«Ké wìr veé ram Levi ve dzəə̀n atàá cù vee ràm fó Tsadok, dzə̀ áwune ve vé‑eè gòʼòn, a tiy e shùu lìm e mǒ lav cù. Áwune kù wíy a ŋèʼrì, a wìy e mǒ si, a yiì cu sém. Á kù wíy a wìy e fóm si wùn à mensə́ mè, a nàn e mǒ si. Suuy mo woo Nyùy Tàr woo Taà Ndzə.