Cù 3:2 - ŊWÀʼ NYÙY

² Wù yíi wìy sho e shùu *kibàn ké ntàsín, e neèr kiwó kfə́ é kitu wo, e see fo, áàtàá cù vee wón Aaron vee vitó vəə́ nèn lì mensə́, e wàŋ é virəv vé kiy cù vidzə̀m.

Cù 3:2 Referans Kwoze

Ŋwàʼ Fəə 29:10

«À wíy koʼór wan nàʼ e shùu kibàn ké ntàsín, é Aaron wùn à wón vəə́ neer wó yév é kitu wo,

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Lim Aŋgàa Ntum 3:26

Nyùy nèn shòʼ Ŋgaà və Lìm, e tùm, wù tómbìy wìy, e yèn a dzə̀ ven ji wù fíʼ bìnèr melív men fo věn vinyò ve bi ví, é vèn nəə́ é mvə̀m vijùŋ foo fèy.»

Lim Aŋgàa Ntum 3:15

Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì.

Sekariya 12:10

«M wíy yiì, é rám Davir wùn à wír veé Jerusaleme wáa ker shilív she bór shi, a rə̀m vitú vév. Kí wíy yiì, áwune lóo leéy mo wo vé‑eè sòvìn, aá wáa dìy, a dìy, mo dìy wír wo jòʼsho wan və shèsìn, a dìy, moo wír wo wan və mbìy shèsìn.

Aysaya 53:6

Vèsən adzə̀me‑eè dzə́ fo mbìy, ján janén moo njiì wo wù jayin dzə́ə. Vèsən‑eè shwèy ne dzə́ə Nyùy, wìr wáa bìn e rə́ə yee dzə́ə. Yii bèy, Nyùy Tàr lí vinyo vesən ve bi ví vidzə̀m, e siìr e wìr və lìm və̀n kitu.

Cù 8:22

Mooser nèn kòʼór lèn kiyáʼ ke yì‑iì dzəə̀n ké kinjoʼ, Aaron wùn à wóné neèr wó yév é kitu wo.

Cù 1:11

e wìy sho e ghaa kiy cù, e mbìv ye yì kiʼ kuy, e see fo, e Nyùy Tǎr si. Wù seé, é wón Aaron vee vitó və́, vee atàá cùu nèn wàŋ mensə́ e wǔn kiy cù, virə́v vidzə̀m,

Ŋwàʼ Fəə 29:11

áà nèn seè fó, e mǒ si,

Ŋwàʼ Fəə 29:16

áà seé, e lì mensə́, e wàŋ é virəv vé kiy cù vee vikweè.

Cù 3:3

Fo nyàm rə̀n ye dzəə̀n ye cù kikòŋnìn, wù yíi fo virə́ʼ vímóʼ ví ji cu Nyùy Tàr ye və́yí bin fo fo. A wù yíi fətí a dzə̀ fóm se sí sùmèn vifá veé bvə̀m, à se sí dzəə̀n é wǔn vito si,

Cù 3:8

e shùu kibàn ké ntàsín, e neèr kiwó kfə́ é kitu wo, e seè é shùu kibàn ké ntàsín. Wón Aaron vee vitó və́ vee atàá cùu yíi lì mensə́, e waŋ e kiy cù, virə́v vidzə̀m.

Kintaŋ 18:17

Yii bèy, a dzə̀ wan nàʼ woo dzə́ə mbìyi, kìn dzə̀ wo bvəy njiì, kìn wo bvəy loŋ, bó vèn yòʼ wíy a tin. Vee shooyi kù sì kifá ke Nyùy. À wíy waŋrí mensə́ mev é kiy cù, e tòn fóm ji cu ye və́yí bin fo fo, a kirəm kfə́ kí boŋ Nyùy Tàr.

Ŋwàʼ Fəə 29:15

«Áà nèn lì kiyáʼ kee kimòʼón ki, é Aaron wùn à wóné neer wó yév é kitu wo,

Ŋwàʼ Fəə 29:19

«À wíy maysì kiyáʼ kímóʼ kí, é Aaron wùn à wóné neer wó yév é kitu wo,

Cù 17:3

A sí dzə̀ jii, a wìr woó Isray seè nàʼ, kìn bvəy njiì, kìn ye loŋ, a dzə̀ é kibeèy, kìn é shweesí kibeèy

Cù 17:4

ji wun cu Nyùy Tàr shó, e làa yòʼ wìy sho a dzə̀ é shùu *kibàn ké ntàsín, e see e Nyùy Tǎr si, bo njò mensə kù dzə̀ e ŋwèrín kitu. Wù jaár mensə́ me cù jaárín, á kù fə̀ə́r wun fo wír Nyùyí mvəm.