Cù 3:1 - ŊWÀʼ NYÙY

¹ «Wìr lóo cù Nyùy Tàr e cu kikòŋnìne, a wù fó a dzə̀ nyám fo ŋgoo nàʼ, bo wù kù táy a dzə̀ yee là nsem, kìn dzə̀ yee lumèn, kìn dzə̀ yee wiíy.

Cù 3:1 Referans Kwoze

Kintaŋ 6:14

Wù yíi cù Nyùy Tàr e wàn kiyaʼ woo kiyá woo là nsem ji cu ye tonèné, e kfə̀n fo kifum ke njiì kee kiyá, kee là nsem ji cu ajay, e fo kiyáʼ kee là nsem ji cu kikòŋnìn.

Cù 1:3

«A cu rəə́ dzə̀ ye tonèné, ye á yii ton a dzə̀ nàʼ, bo wù táy nyám yee lumèn, yee là nsem fo ŋgoo nàʼ, e wìy sho e shuù wo wú nəə e kibàn ké ntàsín ji Nyùy Tàr ku biìmé a cu rə́.

1 Joon 1:3

Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.

Hibru 10:22

vèsən ku nèn wày shilív e wun wùn, a beè a dzə̀ wun, a koʼtí e Nyùy si shilív shimòʼón. A dzə̀ vèsən wàa koʼtí bèy, bìʼ fo Jesus suùn ne melív mèsən, mè rán, a bó mè yòʼ dzəə́ sáʼ vèsən fó kinyò kímóʼ kí gheéy. Wù kfən sù wún wósən e mendzə́v me dzəə̀n me juŋ mè.

Amos 5:22

Fə̀m mo vèn wiy ji á cu mo e cu ye tonèné, cu mo e yé ŋgoòy se vifaa, bó m yòʼ yíi səəsí cu yén yee shooy. M yòʼ yíi səəsí vinsòŋ ve nyàm ve vèn seéri ji cú kikòŋnìn.

Kolosia 1:20

e fíʼ lì vifá veé ndzə vidzə̀m, é ví kfə́n fo wun woo Nyùy, kìn dzə̀ veé yuv, kìn veé nsay. Wù nèn yiì, Wan və wìy, e cùtì mensə́ mvə, e kpù é kintam, wù mán vinyo veé ndzə, wùn à vifá vidzə̀m vi kfən bòŋnìn.

Malakay 1:14

«Lòné dzə̀ wó wìr wo wù mum ji wun bóʼ mo, fəər nyám fo mvə̀m kày, a dzə̀ ye yì kér nsem ji wun cu mo shó, a kinsòŋ ke nyàm ke wù‑uù kàʼàn ji wun wíy cù mo shó ki kù dzə̀ é kày. M dzə̀ Fon wo kuʼùn, aá ghvə́m mo vitúm vidzə̀m. Suuy mo woo Nyùy Tàr woo Taà Mànjòŋ.»

Malakay 1:8

«Ábaáy, kí dzə̀ a kí gheén ji vèn wáa lì nyám se sí fìrìn ne, a wìy, a cù mo shó a? Kù yòʼ dzə̀ kinyo kee réŋ kí ji vèn wáa lì nyám see antèŋ, kìn se sí joyì, a wìy sho ji á cu mo shó a? Vèn li ó nyám see shooy si, e dù, a fo e kitú ke saʼ bàràʼ ki, e yèn ó ji kí sà‑áà leéy fó a?» Á ke Nyùy Tàr woo Taà Mànjòŋ suuyin.

Esiker 45:15

Mo vèn kér kwáʼ wo juŋ wó a lìy bvə́y sho e nsay Isray, ŋgoo bvəy mee ghii baà, vèn fə̀ə́r bvə́y fo fo e mòʼón. Vifá vìn vidzə̀m vi wíy a dzə vé cù vifa ve yi wùn à ye tonèné, à yé kikòŋnìne, aá yii cu sho, e fíʼ man ajay wíri. Suuy mo woo Nyùy Tàr woo Taà Ndzə.

Ŋgàn 7:14

«M yiì ne cu kikòŋnìn lán, e kòóy nyám. M nàá ne, e bàʼtí ŋkàʼ shó fo laʼ.

1 Wòŋ 21:26

Fòn Davir nèn bòm kíy cù Nyùy Tàr fó, e yiì cu ye tonèné wùn à yé kikòŋnìne shó. Wù bùnrì, Nyùy Tàr yú bunrì rə́, e tsə̀nsí və́y fó yuv, wú tòn cu ye yí‑iì dzəə̀n é kiy cù.

Atǎr Nsaʼ 21:4

Áwune dìy bèy, yì bvəə́shí a jàv, áwune ŋáʼáy, e bòm kíy cù fo, e cù Nyùy Tàr e cu ye tonèné wùn à yé kikòŋnìne.

Atǎr Nsaʼ 20:26

Wìr dzə̀m woó Isray nèn kfə̀n kòʼ e Nyùy Tǎr kirə̀ʼ ké cù e Betel, a dìy e wun si, e dìy bèy, e lèm jíŋ kishiíy kifur. Á lèm bèy, e cù Nyùy Tàr e cu ye tonèné, à yé kikòŋnìne.

Kintaŋ 7:17

e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Naashon woo wan Amminadav‑iì foon.

Cù 17:5

Nsàv nsər rə̀n dzə̀ jii, mo wír veé Israyi‑iì seéri nyám si fó səné, á wáa wìy lèn, a seerí a dzə̀ e Nyùy Tǎr si, bó a cù wun sho. Á kù wíy a wìy, a yen taà cù sho e shùu kibàn ké ntàsín, a see fo ji cu Nyùy Tàr yee yé kikòŋnìn.

Ŋwàʼ Fəə 29:28

Kù sì nsìysì wom bey ŋkuuŋkùŋ. Wír vémé yii cu kikòŋnìne, bo shúu shilív kiyaʼ wùn à kibiy ki dzə̀ ké atàá cù, bìʼ fo dzəə̀n yéem yee mbìv fó nyàm ye wír veé Israyi cu mo shó.

Ŋwàʼ Fəə 24:5

Wù nèn tùm wónlě nsùm veé Isray ámóʼó, á tàʼ nyám si, a cù Nyùy Tàr e cu ye tonèné wùn à ye á yii yii e nàʼ ji yé kikòŋnìne.

Ŋwàʼ Fəə 20:24

« ‹Vèn bóm *kíy cù wómé e nsay si. Dzə̀ fó, fo vèn wíy a cù mo e nyám sén see anjiì si, kìn bvə́y si, kìn anàʼ. Lóo dzə cu ye tonèné, á tòn fó, lóo dzə yé kikòŋnìn, á seè fó. Kirə́ʼ kidzə̀m ke m yíi dìn ji vèn cu mo shó, m yíi wìy, e səə̀vì ven, é vèn wáa yu vijuŋ.

Cù 3:6

«A nyàm ye wù cu Nyùy Tàr shó ji cu kikòŋnìne dzə̀ njiì, kìn bvəy loŋ, bo wù kù taʼ a dzə̀ yee lumèn, kìn yee wiíy, é wáa dzə yee là nsem.

Cù 9:18

Aaron seé sá nàʼ wùn à kiyáʼ ki ji cu wíri yé kikòŋnìn. Wón vəə́ fó mensə́ sho, wù wáŋrí é kiy cù, e kaàrí, e tàr,

Kintaŋ 7:59

e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Gamaliel woo wan Pedasur‑iì foon.

Kintaŋ 15:8

«Vèn li nàʼ woo lumèn, lóo cù Nyùy Tàr shó ji cu ye tonèné, kìn ji ye seeríné, ye á yii bìʼ kilìʼ, kìn ji cu kikòŋnìn,

Remrí 12:27

Lóo dzə cu yén ye tonèné, vèn wìy e jav wùn à mensə́ mè e Nyùy woo Nyùy wón kiy cù. Ké mensə me cù yén, aá leér e Nyùy Tàr woo Nyùy wón kiy cù. Fo ké jav nyàm ki, a dzə̀ vèn yì.

Esiker 43:27

Á maysì kishiíy kee saàmbà kìn, e kèʼ fo kishiíy kee waamé, a dù fo mbìy, áàtàá cùu wáa neèr cu yén ye tonèné, a neèr yé kikòŋnìn fo, é m nèn a səəsí ven. Suuy mo woo Nyùy Tàr woo Taà Ndzə.»

Cù 1:10

«A cu wìr ye tonèné dzə̀ ye á yii ton a dzə̀ njiì, kìn bvəy loŋ, bo ŋgaàŋ kù taʼ a dzə̀ yee lumèn, yee là nsem,

Cù 9:4

Á yíi tàʼ sa nàʼ wùmòʼ wùn à kiyáʼ ki, aá yii cu kikòŋnìn sho, e see e Nyùy Tǎr si. Á ku wìy sa e cu vifa ve yii, a dzə̀ meŋkfəŋ me á shwirin ne meŋgvə́r shó. Á ku yiì bèy, bìʼ fo Nyùy Tàr yíi dìn kitú kfə́ e vèn áwune lán.»