Cù 26:4 - ŊWÀʼ NYÙY

⁴ bo m wíy a fo ven wuú é ghan se juŋ si, é nsay nèn a fəə́r vifá ve yi, é vicí ví wáa koóm.

Cù 26:4 Referans Kwoze

Sekariya 8:12

Vèn wíy a way vifá e nsay là kindzə́m. Súm sén sé vitiír vé *vayin si wíy a koóm kijuŋ. Viyíkìr vi wíy a kuy e věn nsay, é wuú wáa səy fo yuv. M wíy yiì, é vèn yov vifá vìn vidzə̀m, ven vee kibér ke wìr vén.

Nsùyrì Nyùy 67:6

Nsay dzə̀sì ne vifá ve á wáa kav, Nyùy woo Nyùy wor səə̀vì ne ver.

Esiker 36:30

M wíy yiì, é vicí veé sum ví koóm, a tsəə̀tìn, é nsay fəə́r viyíkìr nyanyày, é la vèn yòʼ dzəə wìy a tooŋé jíŋ, é vitúm vi wáa jàʼ ven.

Aysaya 30:23

Á bèy, é Nyùy Tàr tsə́nsí sá wuú, é ŋgoòy se vifa se vèn wayin sí fəə́, é vifá ve nsay fəər vi faŋkir, e kfə̀n a dzə nyanyày. Wíy lòo dzə e ghan fóo fèy, é nyám sén sí wáa bun bunén é mvə̀m yi.

Ŋwàʼ Jov 5:10

Wù lo, wù tsə̀nsí wuú, yí wàa lo e kitu ke nsay. Yí lóo lo, ndzə́ví wàa borír súm sí.

Remrí 28:12

Wù wíy mvə̀ʼ shúu yuv, e fo ven wuú é ghan se juŋ si. Wù wíy səə̀vì lim sén sidzə̀m. Vèn wíy a foòr vitúm vinín mbàm, yii bèy, a bó vèn yòʼ wíy dù mfoòmé fo kímóʼ kí wùn.

Remrí 11:14

A vèn yiì bèy, bo wù wíy a tsənsí wuú é ghan se yí dzəə̀n ji yí wáa dzə, yé mbìyi, à yé bàmé, é vèn fíʼ a ker vifá ve yi, a ker meluʼ, a ker meŋgvə́r.

Cù 25:21

Vèn kiíy jii, m kù wíy a waŋ kisəəvì kém é nsay mo kiyá ki meen ji ntuùfú, é nsay fíʼ a fəə́r vifá ve yi ve ví wáa dzə vigheénín ve a dzə̀ ví lì viyá vitaár.

Lim Aŋgàa Ntum 14:17

Yii bèy, wù kú a yiì vinyo ve juŋ vi e wíri, aá fíʼ a kiíy ji wun dzə̀ á sho. Wù fó ven wuú é ghan se gheenén sí, a vifá vi kúyí, a vèn kér vifá ve yi, yí, shéʼri.»

Matio 5:45

Vèn lóo yiì bèy, é vèn nèn a dìn ji vèn dzə̀ rú wón Tàr won wo wù dzəə̀n é yuv. Dzə̀ wun wo wù yii, a ndzə rán wír adzə̀m. Yì rán sa wír ve á yii vinyo ve bi ví réŋréŋ mo yì rán ve á yii ve juŋ vi. A kù dzə̀ mo wù yii, a wuú ló e wír ve á méŋ wuné sum réŋréŋ mo yí ló e ve á yú wuné sum.

Nsùyrì Nyùy 85:12

Dzə̀ rú, Nyùy Tàr yíi fo vèsən kisəəvì, é viyíkìr vi wáa jàmtìn jàmtìn e vèsə́n wòŋ.

Nsùyrì Nyùy 68:9

Dzə̀ rú, Nyùy, wò‑oò yiì, wuú shùʼùy fo yuv. Wò‑oò bòrír woŋ wo wò‑oò foon ji vitsə́ʼ e wír vée.

Ŋgaà Yen 11:6

Áwune kér vitaáví ve dzə̀ á sə̀tí yúv, la wuú yòʼ shèm é nsay fo ghan se áwune wíy tiisí ntum yev. Aá kfə̀n kér vitaáví sá ve dzə̀ á bìnèr ndzə́v sí, sí kfə̀n ji mensə́, kfə̀n kér vé a màʼ ŋgeʼ si é kitu ke nsay mo áwune koŋè, kìn dzə̀ ŋgeʼ see ka.

Jeem 5:7

Afə̀r vem, kí nén a dzə jii, vèn kú a dzə ji nyaáŋ, a shìy ghán se Taàtá wòsən Jesus wíy wìy. Vèn kú a dzə moo ŋgaà sùm wo wù leey ji wun wíy kav vifá ve juŋ vi fo wùn sum. Wù kù yii dzə́ ji nyaáŋ, shiy a dzə̀ kimgbù ke wuu. Yí sə́ʼəyì, wù nèn a shìy a dzə̀ ye yí wáa manrí vifá.

Jeremia 14:22

A dzə̀ anyùy kisaŋ veé vitum vìn, á sə̀ʼə́r wuú á? A dzə̀ mbàʼ, yì joʼsi ji mbàʼ, yì wìy e wuú á? Aày, kù jòʼsì wò, éè Nyùy Tàr woo Nyùy wor. Vèr kù tiir vifií vér a dzə̀ e wò wùn, bìʼ fo kù yii yii wò vinyo vìn vidzə̀m.

Aysaya 5:6

M yíi màʼtì, é súm və́ne kwiíy, e rə̀ŋsìn. Wìr yòʼ yíi a kom, kìn ji wù wáa naŋsín vitiír vee fó. Vimbìn wùn à vicí vé njoŋ vi kù yíi sə fó səə́n, é m kfən tìír mbàʼ, fo yì yii, é wuú wáa lo fo.»

Nsùyrì Nyùy 104:13

À lo, à tsə̀nsí wuú fó yuv, yí wàa lo, aàgwane shó, nsay nèn rùn wùn à vifá ve juŋ vi.

1 Afòn 17:1

*Ŋgaà ntum Nyùy woo Elija nèn lò wìy, e yèn Fòn Ahav. Elija‑aà dzə̀ wír woó Tishbe, a dzə̀ ntèʼ é Gilead. Wù suúy e Fòn Ahav jii, «Mo Nyùy Tàr woo Nyùy wìr veé Isray dzəə̀n shó, wun woo Nyùy wo m lo ntum sə́, bó wuú kìn ŋweʼe yòʼ wíy tum e nsay, a bó m suúy.»

Cù 25:19

Vèn wíy a dzə fo là kindzə́m, é nsay wáa fəə́r vifá ve yi, é vèn wáa yi, a kur, é ví wáa tsəə̀tìn.

Remrí 11:13

«Vèn wáa lèm nsər se m fó e vèn lán, a dzə̀ ji vèn wáa kòŋ Nyùy Tàr woo Nyùy won, a lìm fo wun shilív shén shidzə̀m, e fò kitú kén shó kidzə̀m.

Nsùyrì Nyùy 67:7

Nyùy səə̀vì ne ver. Buú se ndzə sidzə̀m si kú a ghvəm wun.

Nsùyrì Nyùy 85:13

Wù shaa fèé, á kù yèn kinyo kfə́ ke wù yii yii là jay, a kí kù yíi shem e wun mbìy, a kiv dzə́ə ye wù wáa shaà sho.

Joel 2:22

Éè nyám si, lá vèn yòʼ a fàn. Jíyí sí lo, e koʼ e kwaʼ si, a tèʼ, a səəné, é vicí ví wáa koóm báŋ si. Vicí vé *fig wùn à vitiír vé vayin vi lo, e koóm, e koóm bèn, a kivtí tám si.