Cù 26:3 - ŊWÀʼ NYÙY

³ «A vèn wìy a yu sáʼ yém, a yunín nsər sém, a yiì mo sí dzəə̀n,

Cù 26:3 Referans Kwoze

Aysaya 1:19

A vèn fèn dzə̀ kibáʼtín yé a yiì mo m suuyì, a yunín mo, bo vèn yíi a yi vifá ve yi ve ntay, ve nsay fəərì.

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.

Remrí 7:12

«A vèn wày vifií é vinyò ve Nyùy tinen vin, a lèm, a yiì mo ví dzəə̀n, bo Nyùy Tàr woo Nyùy won wíy a tiy e mensàŋ me wù‑uù gwàrìn wùn aàtàr véné, e lìʼ, e kù wìy a dìn ven koŋ rə́ ye wiyí.

Ŋwàʼ Fəə 23:25

Vèn kú a ghvəm a dzə̀ mo woo Nyùy Tàr woo Nyùy won, é m wìy a səə̀vì ven e viyíkìr vi, à mendzə́v mè, e kfə̀n a kìŋ sa ven fó ayàsí.

Jeremia 11:4

ntò se mò‑oò foon áàtàr véví, e ghan se mò‑oò fəər áwune fó wòŋ Ejiv, fo vé‑eè yén ŋgeʼ mo á ton a dzə̀ kilam. Mò‑oò yòŋ ji áwune wáa yu jí yem, a yiì kinyo kidzə̀m ke m suuyin, aá nèn a dzə a wír vém, é m wáa dzə Nyùy wov.

Sekariya 8:12

Vèn wíy a way vifá e nsay là kindzə́m. Súm sén sé vitiír vé *vayin si wíy a koóm kijuŋ. Viyíkìr vi wíy a kuy e věn nsay, é wuú wáa səy fo yuv. M wíy yiì, é vèn yov vifá vìn vidzə̀m, ven vee kibér ke wìr vén.

Malakay 3:10

«Vèn wiy e nsùʼ wo a kì dzə̀ vèn wìy shó e dzə̀m, e lèm e mǒ kitàv. Nsùʼ woo ji á jav kifá ke á keŋen kirə́ʼ e ghvə̀m, e fò kee kimòʼón e Nyùy. Vèn wiy shó, é viyíkìr vi fíʼ a dzə e mǒ lav. Mo woo Nyùy Tàr woo Taà Mànjòŋ suuy jii, ‹Vèn ku mùm mo, e wìy e nsùʼ və̀n, e yèn mo m lo, e mvə̀ʼ shúu yuv, e cuùrì kisəəvì, é kí kuʼ, é vèn búŋ vitáv vé a lèm sho.

Cù 19:25

Kiyá ki lóo mee ji tàn, bo a dzə̀ lèn vèn wàa yi. A vèn lò, a yiì vinyo vìn vidzə̀m, bo vicí ví yíi a koóm, a jàmtìn jàmtìn. Dzə̀ mo Nyùy Tàr woo Nyùy won.

Nehemia 1:9

Yii bèy, a vèn lòo dzə, e bìnèr melív men, a yunín nsər sém, a yiì mo sí dzəə̀n, bo m yíi baʼtí wír vén ve m taʼarin, aá fə̀m dzə̀ a dzə̀ é mbùʼ wòŋ vəné, e siìr e kirə̀ʼ ke m shavin ji á wáa ghvəm mo fó.›

Aysaya 30:23

Á bèy, é Nyùy Tàr tsə́nsí sá wuú, é ŋgoòy se vifa se vèn wayin sí fəə́, é vifá ve nsay fəər vi faŋkir, e kfə̀n a dzə nyanyày. Wíy lòo dzə e ghan fóo fèy, é nyám sén sí wáa bun bunén é mvə̀m yi.