Cù 26:1 - ŊWÀʼ NYÙY

¹ Nyùy kfən sùúy jii, «Lá vèn yòʼ wìy bòm kifá, a ghvəm ji Nyùy, kìn dzə̀ ji á fer mebvə̀m, kìn ji á tuúy sə́y si, kìn ji á sém vilán. Dzə̀ mo Nyùy Tàr woo Nyùy won.

Cù 26:1 Referans Kwoze

Cù 19:4

«Lá vèn yòʼ bìn ndzə̀m e mò, e fèr mebvə̀m e kisha ki ji anyùy vén, a ghvəm. Dzə̀ mo Nyùy Tàr woo Nyùy won.

Remrí 27:15

« ‹Lǒn Nyùyi ku koò wír wo wù fèrìn shibvə̀m, a wooné, a ghvəm, kìn dzə̀ shibvə̀m she semén shí, kìn shé kishà shi. Kifá, a fér wír e wóo ji nyùy, a dzə̀ joonè e Nyùy Tǎr si.› «Á yoŋ bèy, é wìr dzə̀m ku nèn bìnsí jii, ‹Kí kú a dzə bèy.

Kintaŋ 33:52

bo vèn kér fó jùm aŋgàa nsay vee fó adzə̀m, e bvəʼtí mebvə̀m me áwune fèrìn, kìn dzə̀ vibámmbó vé tiy ví, kìn dzə̀ vé kishà vi, e kfə̀n kètì virə́ʼ vév vé cù vidzə̀m.

Ŋwàʼ Fəə 23:24

Vèn wáa yen fóo wìy a ghvəm anyùy vév, a cù áwune, a jùmrì dzə́ə sév. Vèn laar mebvə̀m mev mè láarin, e bvə̀ʼtí sə́y se sí tíynin aáwuné virə̀ʼ vé cù.

Ŋwàʼ Fəə 20:23

Lá vèn yòʼ fèr mebvə̀m ji vèn fíʼ a cù mo á yii cu mo, kìn dzə̀ me á fèrìn e kisha ke mbàm ke fəvír kí, kìn ke baar kí.

Ŋgaà Yen 22:15

Wír ve á wíy a gòʼ kév a dzə̀ fó ndzəə dzə̀ á ve á yii joonè wùn à ve á sénin sə́m, à ve á jaŋ kinjàŋ wùn à ve á ghán viŋkari, à ve á yúyri wíri wùn à ve á ghvə́m vifá vímóʼ ví ji Nyùyi. A wír ve á koŋ kimboʼtì, tíy a dzə̀ shó adzə̀me kù wíy gòʼ sa fo ndzə.

Lim Aŋgàa Ntum 17:29

«Mo vèsən dzəə̀n wón wun woo Nyùy, lá vèsən yòʼ a kwàʼtì ji mbom rə dzə̀ moo kibámmbó ke naŋsin wír e vifií və́ ví, kìn wù tòn a dzə̀ kisha, kìn wù sèm a dzə̀ tíy.

Ŋwàʼ Fəə 34:17

«Lá vèn yòʼ fèr anyùy ji vèn wáa cù, a fə̀m dzə̀ woo tòn e kisha ki.

Aysaya 2:20

Wíy lòo dzə e kishiíy fóo fèy, é wìr dzə̀m maʼay mebvə̀m mev, mebvə̀m, a vé‑eè fer e kisha ke mbàm ke fəvír wùn à ke baar kí, fer ji anyùy vév, nèn ghvə́mé. Á kù wíy màʼày a dzə̀ e virònnsay wùn à vilíim ví.

Nsùyrì Nyùy 97:7

Woómé si koò ne wir dzə̀m wo wù ghvə́m vibámmbó, wir dzə̀m wo wù kóʼor wún áànyùy kisaŋe, bìʼ fo anyùy adzə̀me kù kér fó a gvəʼtí e Nyùy Tǎr si, a sùyrì wun.

Ŋwàʼ Fəə 20:2

«M dzə̀ Nyùy Tàr woo Nyùy won, wo wù‑uù fəərin ven fó Ejiv fo vèn‑eè reŋ vikwàn.

Cù 25:55

A kí dzə̀ bey, bìʼ fo kér mo wír veé Isray mo mò‑oò fəərin áwune fó wòŋ Ejiv. Dzə̀ mo Nyùy Tàr woo Nyùy won.»

Remrí 5:6

‹Dzə̀ mo Nyùy Tàr woo Nyùy won, mo wo mò‑oò fəərin ven fó wòŋ Ejiv fo vèn‑eè reŋ vikwàn.

Nsùyrì Nyùy 78:58

Áwune‑eè cu anyùy kisaŋe, tínsin Nyùy, yii, a kilòŋ kfə́ kí shwiiyì bìʼ mebvə̀m mev.

Cù 7:33

Wàn Aaron woo shó, wo wù kì yiìn cu e mensə́ mè, e yiì e fóm si, dzə̀ wùwun wo wù yíi a ker mbìv yee shooy.

Atǎr Nsaʼ 18:30

Wír veé ram Dane nèn tìír shibvə̀m she semén shiy fo ji nyùy wov, e nèn lèm Jonatan woo wan Gershom ji taà cù wov, a dzə̀ wan wàn Mooser. Rám rəə́ nèn kù wìy, a shaà fo mbìy, a dzə atàá cu wìr veé ram Dan, e dù, e meé e ghan se vé‑eè koorin wír veé Isray, e dù sho e kwaʼ nsàm.

2 Afòn 17:8

jumrì liì wo vitúm ve Nyùy Tàr‑iì jùmèn fo áwuné mbìy vi‑iì kérí. Áwune‑eè jumrì sa liì wo afon veé Israyi‑iì neèrìn.

2 Afòn 17:10

Vé‑eè tùúy sə́y se anyùy wùn à wúr sé nyùy woo *Ashera aàgwan adzə̀m, e kfə̀n yiì bèy e sar se vici ve rəŋsìn ví vidzə̀m.

2 Afòn 17:16

Áwune‑eè màʼày nsər se Nyùy Tàr woo Nyùy wov sidzə̀m, e nèn fèr wón nàʼ abaà e kisha ki, a ghvəm ji Nyùy. Á kfən fèr wúr nyùy woo wiíy woo Ashera, e kfə̀n a ghvəm mejiy meé yuv, a ghvəm sa nyùy woo *Baal.